ഫ്രാൻസിസ് ടി. മാവേലിക്കരപ്രശസ്ത മലയാള നാടകകൃത്താണ് ഫ്രാൻസിസ് ടി. മാവേലിക്കര (ജനനം 1960 മാർച്ച് 16). കേരള സാഹിത്യ അക്കാദമി പുരസ്കാരം, കേരള സംഗീത നാടക അക്കാദമി അവർഡ്, മികച്ച നാടകരചനയ്ക്കുള്ള സംസ്ഥാന സർക്കാരിന്റെ പുരസ്കാരം ഒൻപത് തവണ, അബുദാബി ശക്തി അവാർഡ്, KCBC മാധ്യമ അവാർഡ് തുടങ്ങിയ നിരവധി പുരസ്കാരങ്ങൾ ഇദ്ദേഹത്തിന് ലഭിച്ചിട്ടുണ്ട്. മലയാളത്തിൽ ഏറ്റവും കൂടുതൽ പ്രൊഫഷണൽ നാടകങ്ങൾ എഴുതിയിട്ടുള്ളത് ഫ്രാൻസിസ് ടി മാവേലിക്കരയാണ്. [1] സമകാലിക സാമൂഹിക യാഥാത്ഥ്യങ്ങളുടെ സംഭവബഹുലതയും,ചരിത്രവസ്തുതകളുടെ പുരരാഖ്യാനവും,,ഫ്രാൻസിസ് ടി .മാവേലിക്കരയുടെ നാടകങ്ങളുടെ മുഖമുദ്രയാണ് അമ്മയുടെ പേര് വിക്ടോറിയ ഫെർണാണ്ടസ് . പിതാവിന്റെ പേര് ടെറൻസ് ഫെർണാണ്ടസ്. കേരള സർക്കാരിന്റെ, നരേന്ദ്രപ്രസാദ് നാടക പഠന ഗവേഷണ കേന്ദ്രത്തിന്റെ ചെയർമാനായിരുന്നു.കേരള സംഗീത നാടക അക്കാദമി എക്സിക്കുട്ടീവ് അംഗമായി ഒൻപത് വർഷം ഫ്രാൻസിസ് ടി.മാവേലിക്കര പ്രവർത്തിച്ചിരുന്നു. കഴിഞ്ഞ കാലത്തെ സമരങ്ങളെയും, അടിമത്തത്തിൽ നിന്നുമുള്ള മോചനത്തെയും, സ്വാതന്ത്ര്യബോധത്തിലേക്ക്‌ തൊഴിലാളിയെ എത്തിച്ച പ്രസ്ഥാനങ്ങളെയും, മനുഷ്യരെയും, ചരിത്രത്തെയും, ഓർമ്മിപ്പിക്കുന്നതിനു വേണ്ടിയായിരുന്നു പ്രസിദ്ധമായ ദ്രാവിഡവൃത്തം എന്ന നാടകം രചിച്ചതെന്ന് ഇദ്ദേഹം പ്രസ്താവിച്ചിട്ടുണ്ട്.[2] ജീവിതരേഖ1960-ൽ മാവേലിക്കരയിലാണ് ഇദ്ദേഹം ജനിച്ചത്.[3] 1982-ൽ കെ.പി.എ.സി. സുലോചനയുടെ സംഘത്തിനുവേണ്ടി നാടകമെഴുതിക്കൊണ്ടാണ് ഇദ്ദേഹം നാടകരചനാരംഗത്ത് പ്രവേശിച്ചത്. കെ.പി.എ.സി., കാളിദാസ കലാകേന്ദ്രം, കൊല്ലം അസിസ്സി, പാലാ കമ്മ്യൂണിക്കേഷൻ, അമല കമ്മ്യൂണിക്കേഷൻ, പത്മശ്രി തിലകൻ്റെ അക്ഷരജ്വാല തുടങ്ങി ഒട്ടേറെ സംഘങ്ങൾക്ക് ഇദ്ദേഹം നാടകമെഴുതുന്നുണ്ട്.[3] ഭാര്യ - മരിയ ഫ്രാൻസിസ് മകൾ - ഫെബിയൻ ഫെർണാണ്ടസ്, ഫ്യൂജിൻ ഫെർണാണ്ടസ്, എയ്ഞ്ജൽ മരിയ ഫെർണാണ്ടസ്[4] കൃതികൾ
പുരസ്കാരങ്ങൾ
അവലംബം
|
Portal di Ensiklopedia Dunia
