ഫ്ലട്ടർ (സോഫ്റ്റ്‌വെയർ)

ഫ്ലട്ടർ

Original author(s)	Google
വികസിപ്പിച്ചത്	Google and community
ആദ്യപതിപ്പ്	Alpha (v0.0.6) / മേയ് 2017; 8 വർഷങ്ങൾ മുമ്പ്}}|Error: first parameter is missing.}} (2017-05)[1]
Stable release	1.5.4 / മേയ് 7, 2019; 5 years ago}}|Error: first parameter is missing.}} (2019-05-07)[2]
Preview release	1.6.0 / മേയ് 15, 2019; 5 years ago}}|Error: first parameter is missing.}} (2019-05-15)[3][4]
റെപോസിറ്ററി	github.com/flutter/flutter
ഭാഷ	C, C++, Dart and Skia Graphics Engine[5]
പ്ലാറ്റ്‌ഫോം	Development: Windows, MacOS and Linux, Target: Android, iOS, Google Fuchsia, Web platform and Desktop
തരം	Application framework
അനുമതിപത്രം	New BSD License
വെബ്‌സൈറ്റ്	flutter.dev

ഗൂഗിൾ സൃഷ്ടിച്ച ഒരു ഓപ്പൺ സോഴ്‌സ് യു.ഐ ടൂൾകിറ്റാണ് ഫ്ലട്ടർ. ആൻഡ്രോയ്ഡ്, ഐ.ഒ.എസ്. എന്നിവയ്‌ക്കായുള്ള അപ്ലിക്കേഷനുകൾ വികസിപ്പിക്കുന്നതിനും, ഗൂഗിളിന്റെ ഫ്യൂഷിയയ്ക്കായി അപ്ലിക്കേഷനുകൾ സൃഷ്‌ടിക്കുന്നതിനുമുള്ള പ്രാഥമിക മാർഗ്ഗമായും ഇത് ഉപയോഗിക്കുന്നു. ^[6][7]

2015-ൽ ആദ്യമായി ഫ്ലട്ടറിനെ കുറിച്ചുള്ള വിവരണങ്ങൾ രേഖപ്പെടുത്തുകയും, പിന്നീട് 2017 മെയ് മാസത്തിൽ ഫ്ലട്ടർ ആദ്യമായി പുറത്തിറങ്ങുകയും ചെയ്തു.^[8][9]

ഫ്ലട്ടറിന്റെ ആദ്യ പതിപ്പ് "സ്കൈ" എന്നായിരുന്നു അറിയപ്പെട്ടത്. അത് ആൻഡ്രോയിഡ് ഓപ്പറേറ്റിംഗ് സിസ്റ്റത്തിലാണ് പ്രവർത്തിച്ചിരുന്നത്. 2015-ലെ ഡാർട്ട് ഡെവലപ്പർ ഉച്ചകോടിയിൽ^[10] ഇത് ഒരു സെക്കൻഡിൽ 120 ഫ്രെയിമുകളിൽ സ്ഥിരതയോടെ റെൻഡർ ചെയ്യാൻ കഴിയുമെന്ന ധാരണയിൽ അവതരിപ്പിക്കപ്പെട്ടു.^[11] 2018 സെപ്റ്റംബറിൽ ഷാങ്ഹായിൽ നടന്ന ഗൂഗിൾ ഡെവലപ്പർ ഡേയ്‌സിന്റെ മുഖ്യ പ്രഭാഷണത്തിനിടെ, ഫ്ലട്ടർ 1.0-ന് മുമ്പുള്ള അവസാനത്തെ പ്രധാന പതിപ്പായ ഫ്ലട്ടർ റിലീസ് പ്രിവ്യൂ 2 ഗൂഗിൾ പ്രഖ്യാപിച്ചു. ആ വർഷം ഡിസംബർ 4-ന്, ഫ്ലട്ടർ ലൈവ് ഇവന്റിൽ ഫ്ലട്ടർ 1.0 പുറത്തിറക്കി. ഇത് ഫ്രെയിംവർക്കിന്റെ ആദ്യ സ്ഥിരതയുള്ള പതിപ്പിനെ സൂചിപ്പിക്കുന്നു. 2019 ഡിസംബർ 11-ന് ഫ്ലട്ടർ ഇന്ററാക്ടീവ് ഇവന്റിൽ ഫ്ലട്ടർ 1.12 പുറത്തിറങ്ങി.^[12]

2020 മെയ് 6-ന്, ഡാർട്ട് സോഫ്‌റ്റ്‌വെയർ ഡെവലപ്‌മെന്റ് കിറ്റ് (SDK) പതിപ്പ് 2.8, ഫ്ലട്ടർ 1.17.0 എന്നിവ പുറത്തിറക്കി. ഐഒഎസ് ഉപകരണങ്ങളിലെ പ്രകടനം ഏകദേശം 50% മെച്ചപ്പെടുത്തുന്ന മെറ്റൽ എപിഐ(API)-യ്‌ക്കുള്ള പിന്തുണയും പുതിയ മെറ്റീരിയൽ വിജറ്റുകളും നെറ്റ്‌വർക്ക് ട്രാക്കിംഗ് വികസിപ്പിക്കുന്ന ഉപകരണങ്ങളും ചേർക്കുന്നു.

2021 മാർച്ച് 3-ന്, ഒരു ഓൺലൈൻ ഫ്ലട്ടർ എൻഗേജ് ഇവന്റിനിടെ ഗൂഗിൾ ഫ്ലട്ടർ 2 പുറത്തിറക്കി. പുതിയ കാൻവാസ് കിറ്റ്(CanvasKit) റെൻഡററും വെബ് നിർദ്ദിഷ്ട വിജറ്റുകളും, വിൻഡോസ്(Windows), മാക്ഒഎസ്(macOS), ലിനക്സ്(Linux) എന്നിവയ്‌ക്കുള്ള ഡെസ്‌ക്‌ടോപ്പ് ആപ്ലിക്കേഷൻ പിന്തുണയും മെച്ചപ്പെടുത്തിയ ആഡ്-ടു-ആപ്പ് എപിഐകളും ഉള്ള വെബ് അധിഷ്‌ഠിത ആപ്ലിക്കേഷനുകൾക്ക് ഈ പ്രധാന അപ്‌ഡേറ്റ് ഔദ്യോഗിക പിന്തുണ നൽകി.^[13] ഈ പതിപ്പ് ഡാർട്ട് 2.0 ഉപയോഗിക്കുന്നു. സുരക്ഷിതത്വമുള്ള നൾ-സേഫ്റ്റി ഫീച്ചർ ഡാർട്ടിന്റെ ഈ പതിപ്പിൽ ഉൾപ്പെടുത്തിയിട്ടുണ്ടായിരുന്നു. ഇത് നിരവധി ബ്രേക്കിംഗ് മാറ്റങ്ങൾക്കും, നിരവധി ബാഹ്യ പാക്കേജുകളിൽ പ്രശ്നങ്ങൾക്കും കാരണമായി. എന്നിരുന്നാലും, ഈ പ്രശ്നങ്ങൾ ലഘൂകരിക്കുന്നതിനുള്ള നിർദ്ദേശങ്ങളും ഉപകരണങ്ങളും ഫ്ലട്ടർ ടീം ഉൾപ്പെടുത്തിയിട്ടുണ്ട്.^[14]