ബയോ 360 ലൈഫ് സയൻസസ് പാർക്ക്
ഇന്ത്യയിലെ കേരളത്തിലെ തിരുവനന്തപുരം നഗരത്തിലുള്ള ഒരു ബയോടെക്നോളജി, ലൈഫ് സയൻസസ് പാർക്കാണ് ബയോ 360 ലൈഫ് സയൻസസ് പാർക്ക്.[1] കേരളത്തിലെ ആദ്യത്തെ ലൈഫ് സയൻസസ് പാർക്ക് ആണ് ബയോ 360.[2] കേരള സർക്കാർ 2013 ൽ സ്ഥാപിച്ച പാർക്കിന്റെ ഒന്നാം ഘട്ടം 75 ഏക്കർ (30 ഹെ) ഇടത്ത് വ്യാപിച്ചിരിക്കുന്നു. പാർക്കിന്റെ രണ്ടാം ഘട്ട വികസനമായി അധികമായി 128.5 ഏക്കർ (52.0 ഹെ) കേരള സർക്കാർ ഏറ്റെടുക്കുന്നു. ലൈഫ് സയൻസസ്, ബയോടെക്നോളജി, നാനോ ടെക്നോളജി, ബയോ ഇൻഫോർമാറ്റിക്സ്, ബയോമെഡിക്കൽ ഉപകരണങ്ങൾ, ഫാർമസ്യൂട്ടിക്കൽസ് എന്നീ മേഖലകളിലെ ഇൻകുബേഷൻ, ആർ & ഡി, നിർമ്മാണം എന്നിവയിൽ പാർക്ക് ശ്രദ്ധ കേന്ദ്രീകരിക്കുന്നു.[3][1] തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് 22 കിലോമീറ്റർ (14 മൈ) അകലെ ദേശീയപാത 66 ലെ തോന്നക്കലിലാണ് ബയോ 360 പാർക്ക് സ്ഥിതി ചെയ്യുന്നത്. സമാന വ്യവസായ പാർക്കുകളിലൊന്നായ ടെക്നോപാർക്ക് ബയോ 360 ൽ നിന്ന് 10 കിലോമീറ്റർ (6.2 മൈ) അകലെയും ടെക്നോസിറ്റി 3 കിലോമീറ്റർ (1.9 മൈ) അകലെയുമാണ് സ്ഥിതിചെയ്യുന്നത്. സ്ഥാപനങ്ങൾബയോ 360 ലൈഫ് സയൻസസ് പാർക്കിൽ കേരള വെറ്ററിനറി ആൻഡ് അനിമൽ സയൻസസ് യൂണിവേഴ്‌സിറ്റിയിലെ (കെവിഎസ്‍യു) ബയോസയൻസ് റിസർച്ച് ആൻഡ് ട്രെയിനിംഗ് സെന്റർ (ബിആർടിസി) ഉണ്ട്.[4] മൃഗങ്ങളിലെ രോഗ പ്രതിരോധം, രോഗപ്രതിരോധ ശേഷി എന്നിവയെക്കുറിച്ച് ബിആർടിസി ഗവേഷണം നടത്തുന്നു. ബി‌ആർ‌ടി‌സിയുടെ ഭാഗമായി അനിമൽ റിസർച്ച് ഫെസിലിറ്റി ആരംഭിക്കാനും കെവിഎസ്‍യു പദ്ധതിയിടുന്നു. ശ്രീ ചിത്ര തിരുനാൽ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്നോളജി (എസ്‌സിടിഐഎംഎസ്ടി) പാർക്കിൽ ബയോ മെഡിക്കൽ ഉപകരണങ്ങളുടെ ഗവേഷണത്തിനും ഉൽപാദനത്തിനുമായി ഒരു ബയോ മെഡിക്കൽ ഉപകരണ യൂണിറ്റ് സ്ഥാപിക്കാൻ ഒരുങ്ങുന്നു.[5] ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് വൈറോളജിപാർക്കിൽ കേരള ബയോടെക്നോളജി കമ്മീഷൻ സ്ഥാപിച്ച 500 കോടി രൂപയുടെ പ്രൊജക്റ്റ് ആണ് ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് വൈറോളജി, കേരള.[6][7] ഇൻസ്റ്റിറ്റ്യൂട്ട് വൈറോളജിയിൽ പിജി ഡിപ്ലോമ, പിഎച്ച്ഡി എന്നിവയുൾപ്പെടെ അക്കാദമിക് ബിരുദങ്ങൾ നൽകും.[8] വൈറസുകളെയും വൈറൽ അണുബാധകളെയും കുറിച്ച് പഠിക്കാനുള്ള ഉയർന്ന ഗവേഷണ സൗകര്യങ്ങൾ വൈറോളജി ഇൻസ്റ്റിറ്റ്യൂട്ടിൽ ഉൾപ്പെടുന്നു. ബയോ സേഫ്റ്റി ലെവൽ 3, ബയോ സേഫ്റ്റി ലെവൽ 2 സൌകര്യങ്ങളുള്ള 9 ലബോറട്ടറികളും ഇൻസ്റ്റിറ്റ്യൂട്ടിൽ ഉണ്ടാകും. ബയോ സേഫ്റ്റി ലെവൽ 3 (ബി‌എസ്‌എൽ -3) ലബോറട്ടറി പിന്നീട് ബയോ സേഫ്റ്റി ലെവൽ 4 ലേക്ക് നവീകരിക്കും.[8] നോവൽ ആൻറിവൈറൽ മരുന്നുകൾ, വാക്സിനുകൾ, മോളിക്യുലർ ഡയഗ്നോസ്റ്റിക് ഉപകരണങ്ങൾ എന്നിവ വികസിപ്പിക്കാനുള്ള സൗകര്യങ്ങൾ ഇൻസ്റ്റിറ്റ്യൂട്ടിൽ ഉണ്ടാകും. ഗ്ലോബൽ വൈറസ് നെറ്റ്‌വർക്കിന്റെ ഒരു യൂണിറ്റും ഇൻസ്റ്റിറ്റ്യൂട്ടിൽ ഉണ്ടാകും.[8] ഇതും കാണുകഅവലംബം
പുറം കണ്ണികൾ |
||||||||||||||||||
Portal di Ensiklopedia Dunia
