ബരാസത്ത് ഗവണ്മെന്റ് മെഡിക്കൽ കോളേജ് ആൻഡ് ഹോസ്പിറ്റൽ

ഇംഗ്ലീഷ് വിലാസം

https://ml.wikipedia.org/wiki/Barasat_Government_Medical_College_and_Hospital

2022-ൽ സ്ഥാപിതമായ ബരാസത്ത് ഗവൺമെന്റ് മെഡിക്കൽ കോളേജ് ആൻഡ് ഹോസ്പിറ്റൽ (BGMCH), ഒരു പൂർണ്ണ ത്രിതീയ റഫറൽ സർക്കാർ മെഡിക്കൽ കോളേജും ആശുപത്രിയുമാണ്. ^[1] പശ്ചിമ ബംഗാളിലെ നോർത്ത് 24 പർഗാനാസിലെ ബരാസത്ത് നഗരത്തിലാണ് കോളേജ് സ്ഥിതി ചെയ്യുന്നത്. കൊൽക്കത്തയുടെ വടക്കൻ പ്രാന്തപ്രദേശങ്ങളിലോ കൊൽക്കത്ത മെട്രോപൊളിറ്റൻ പ്രദേശത്തിലോ ആണ് ഈ നഗരം ഉൾപ്പെടുന്നത്. കോളേജ് ബാച്ചിലർ ഓഫ് മെഡിസിൻ ആൻഡ് സർജറി (MBBS) ബിരുദവും അനുബന്ധ ബിരുദങ്ങളും നൽകുന്നു. നഴ്‌സിംഗ്, പാരാ മെഡിക്കൽ കോഴ്‌സുകളും ഈ കോളേജിൽ ലഭ്യമാണ്. കോളേജുമായി ബന്ധപ്പെട്ട ആശുപത്രി നോർത്ത് 24 പർഗാനാസ് ജില്ലയിലെ ഏറ്റവും വലിയ ആശുപത്രികളിലൊന്നാണ്.

ബരാസത്ത് മെഡിക്കൽ കോളേജ് ആൻഡ് ഹോസ്പിറ്റൽ 100 വിദ്യാർത്ഥികളുടെ എംബിബിഎസ് കോഴ്സുകളുടെ വിദ്യാഭ്യാസവും പരിശീലനവും ഏറ്റെടുക്കുന്നു. ^[2] നീറ്റ് സ്‌കോറിന്റെ അടിസ്ഥാനത്തിലാണ് കോളേജ് പ്രവേശനം. എംബിബിഎസ് കോഴ്സിന്റെ കാലാവധി 4.5 വർഷം + ഒരു വർഷം നിർബന്ധിത റൊട്ടേറ്റിംഗ് മെഡിക്കൽ ഇന്റേൺഷിപ്പ് ആണ്.

വെസ്റ്റ് ബംഗാൾ യൂണിവേഴ്സിറ്റി ഓഫ് ഹെൽത്ത് സയൻസസുമായി അഫിലിയേറ്റ് ചെയ്തിട്ടുള്ള ഈ കോളേജ് നാഷണൽ മെഡിക്കൽ കമ്മീഷൻ അംഗീകരിച്ചിട്ടുണ്ട്.^[3]