ബി.കെ. നായർകേരളത്തിലെ കോൺഗ്രസ് (ഐ.) നേതാവും കേരളത്തിലെ ഐ.എൻ.ടി.യു.സി.യുടെ സ്ഥാപകപ്രസിഡന്റുമാണ് ബി.കെ. നായർ. ജീവിതരേഖ1917-ൽ ആലപ്പുഴയിലാണ് ജനനം. 11 ആഗസ്റ്റ് 2013-ന് എറണാകുളത്ത് വെച്ച് മരണപ്പെട്ടു. സംസ്കാരം ആലപ്പുഴ വലിയ ചുടുകാടിൽ വെച്ച് നടത്തുകയും ചെയ്തു. [1] ആലപ്പുഴ എസ്.ഡി.വി. സ്കൂളിലായിരുന്നു വിദ്യഭ്യാസം. അതിനുശേഷം എറണാകുളം മഹാരാജസ് കോളേജിൽ ഉന്നതപഠനം നടത്തി. വിദ്യഭ്യാസത്തിനുശേഷം ഗാന്ധിജിയോടൊത്ത് വാർദയിൽ സേവനം അനുഷ്ഠിച്ചു. സർദാർ വല്ലഭായി പട്ടേലിന്റെ സെക്രട്ടറിയായി സേവനം അനുഷ്ഠിച്ചിട്ടുണ്ട്. നാല്പതുകളുടെ അവസാനത്തോടെ സർദാർ വല്ലഭായി പട്ടേലിന്റേയും ഗുൽസാരിലാൽ നന്ദയുടേയും നിർദ്ദേശാനുസരണം കൊച്ചിയിലേക്ക് തിരിച്ചുവന്ന ബി.കെ. നായർ കേരളത്തിൽ ഐ.എൻ.ടി.യു.സി രൂപികരിക്കുന്നതിൽ നിർണ്ണായപ്രവർത്തനങ്ങൾ കാഴ്ചവെച്ചു. 1949-ൽ കൊച്ചിയിലേയും മലബാറിലേയും മാഹിയിലേയും കോൺഗ്രസിന്റെ തൊഴിലാളിസംഘടനകളെ ലയിപ്പിച്ച് ഐ.എൻ.ടി.യു.സി.യുടെ പ്രഥമയൂണിറ്റ് രൂപികരിച്ചു. അദ്ദേഹം പ്രസിഡന്റും കെ. കരുണാകരൻ സെക്രട്ടറിയുമായിരുന്നു. 1963 വരെ ബി.കെ. നായരും കരുണാകരനുമായിരുന്നു കേരളഘടകത്തിന്റെ ഉന്നതനേതാക്കൾ. അതിനുശേഷം നായർ ദേശീയതലത്തിൽ യൂണിയന്റെ വൈസ് പ്രസിഡന്റും ജോയിന്റ് സെക്രട്ടറിയുമായിട്ടുണ്ട്. കോൺഗ്രസ് പാർട്ടിയിലെ പിളർപ്പിന്റെ സമയത്ത് ഇന്ദിരാഗാന്ധിയോടൊത്ത് നിന്ന ബി.കെ. നായർ 1984ന് ശേഷം പതുക്കെ രാഷ്ട്രീയത്തിൽ നിന്ന് വിരമിക്കുകയായിരുന്നു. തിരഞ്ഞെടുപ്പുകൾ
പുസ്തകങ്ങൾനാല് പുസ്തകങ്ങൾ എഴുതിയിട്ടുണ്ട്. കുടുംബംനാല് പെൺമക്കളും ഒരു മകനും. അവലംബം |
Portal di Ensiklopedia Dunia
