ബ്രൂക്കേസിയ നാന

ഇംഗ്ലീഷ് വിലാസം

https://ml.wikipedia.org/wiki/Brookesia_nana

ബ്രൂക്കേസിയ നാന
ബ്രൂക്കേസിയ നാന
Scientific classification
Domain:	Eukaryota
Kingdom:	Animalia
Phylum:	കോർഡേറ്റ
Class:	Reptilia
Order:	Squamata
Suborder:	Iguania
Family:	Chamaeleonidae
Genus:	Brookesia
Species:	B. nana
Binomial name
Brookesia nana ഫ്രാങ്ക് ഗ്ലോ et al., 2021[1]

വടക്കൻ മഡഗാസ്കർ മഴക്കാടുകളിലെ തദ്ദേശവായിയായ ഒരു ഓന്ത് സ്പീഷീസ് ആണ് നാനോ-കമലിയോൺ എന്നുകൂടി അറിയപ്പെടുന്ന ബ്രൂക്കേസിയ നാന. 2021 ലാണ് ഇതിനെ സ്പീഷീസ് വിവരണം നടത്തിയത്. വടക്കൻ മഡഗാസ്കറിലെ സൊറാറ്റ മാസിഫിഫ് മഴക്കാടുകളിൽ, ഹെർപറ്റോളജിസ്റ്റ് ഫ്രാങ്ക് ഗ്ലോയും മറ്റ് ജർമ്മൻ ഗവേഷകരും ഈ ഇനത്തെ കണ്ടെത്തി. ^[2] ഇത് ലോകത്തിലെ ഏറ്റവും ചെറിയ ഉരഗമാണെന്ന് കരുതപ്പെടുന്നു. ^[1] തവിട്ട് നിറത്തോടുകൂടിയ ആൺജീവിക്ക് വെറും 22 മില്ലീമീറ്റർ നീളമാണുള്ളത്. മറ്റ് ബ്രൂക്കേഷ്യ ഇനങ്ങളെപ്പോലെ പെൺജീവി ആൺജീവിയേക്കാൾ വലുതാണ്. പെൺജീവിക്ക് 29 മില്ലീമീറ്റർ വരെ നീളമുണ്ട്. ^[3] മറ്റ് ഓന്തുകളിൽ നിന്ന് വ്യത്യസ്തമായി, ബ്രൂക്കേസിയ നാന ശരീരനിറങ്ങൾ മാറ്റുന്നില്ല. ഇവ, മരങ്ങളുടെ മുകളിലല്ല വാസം, വനത്തിലെ നിലത്ത് കഴിയാനാണ് ഇഷ്ടപ്പെടുന്നത്. മറ്റ് കശേരുകികളേപ്പോലെ, പ്രായപൂർത്തിയെത്തുമ്പോൾ, എന്തുകൊണ്ട് ഇവ ശരീരവലിപ്പം നേടുന്നില്ലയെന്നത് വ്യക്തമല്ല. ^[2]

വടക്കൻ മഡഗാസ്കറിലെ സൊറാറ്റ മാസിഫിഫ് മഴക്കാടുകളിൽ, 2021 ൽ ഹെർപറ്റോളജിസ്റ്റ് ഫ്രാങ്ക് ഗ്ലോയും മറ്റ് ജർമ്മൻ ഗവേഷകരും ഈ ഇനത്തെ കണ്ടെത്തി. വംശനാശഭീഷണി നേരിടാൻ സാധ്യതയുള്ള ഇനമാണിത് . ^[2]