ഭൂദൃശ്യ വാസ്തുകല

ഇംഗ്ലീഷ് വിലാസം

https://ml.wikipedia.org/wiki/Landscape_architecture

This article does not cite any sources. Please help improve this article by adding citations to reliable sources. Unsourced material may be challenged and removed. Find sources: "ഭൂദൃശ്യ വാസ്തുകല" – news · newspapers · books · scholar · JSTOR (Learn how and when to remove this message)

വാസ്തുവിദ്യയുടെ ഒരു ഉപശാഖയാണ് ഭൂദൃശ്യ വാസ്തുകല അഥവാ ലാൻഡ്സ്കേപ് ആർക്കിടെക്ചർ (ഇംഗ്ലീഷ്: Landscape architecture)^[1] പാരിസ്ഥിതികവും സാമൂഹികവും കലാസൗന്ദര്യപരവുമായ ആവശ്യങ്ങൾ മുൻനിർത്തി ഭൂപ്രകൃതിയെ രൂപകല്പന ചെയ്യുന്നതാണ് ഭൂദൃശ്യ വാസ്തുകലയിൽ പ്രധാനമായും വരുന്നത്.^[2] നഗരാസൂത്രണം, വാസ്തുവിദ്യ, ഭൂമി ആസൂത്രണം, ഉദ്യാനങ്ങൾ, കെട്ടിട പുനരുദ്ധാരണം തുടങ്ങി നിരവധി മേഖലകളിലെല്ലാം ഈ കലയ്ക്ക് സ്ഥാനമുണ്ട്. ഭൂദൃശ്യ വാസ്തുകല എന്നത് കേവലം ഉദ്യാനനിർമ്മാണമോ പരിപാലനമോ മാത്രമല്ല, മറിച്ച് നിർമിതിയെ പ്രകൃതിയുമായി സംയോജിപ്പിക്കുവാനുള്ള ഒരു മാർഗ്ഗമായിവേണം കരുതാൻ.^[3] കൂടാതെ ഇതുവഴി മാനസികമായ പിരിമുറുക്കങ്ങളിൽനിന്നും അന്തേവാസികൾക്ക് ഒരു പരിധിവരെ ആശ്വാസം ലഭിക്കുന്നു.^[4]

വിവിധ വിഷയങ്ങളുടെ സമ്മേളനമാണ് ഭൂദൃശ്യ വാസ്തുകല. സസ്യശാസ്ത്രം, ഉദ്യാനവിജ്ഞാനം, ലളിത കല, വാസ്തുവിദ്യ, വ്യാവസായിക രൂപകല്പന, ഭൂഗർഭശാസ്ത്രം, ഭൂവിജ്ഞാനം, ഭൂമിശാസ്ത്രം, പാരിസ്ഥിതിക മനഃശാസ്ത്രം, ആവാസ വിജ്ഞാനം തുടങ്ങി അനവധി ശാസ്ത്രങ്ങളുടെ സംയോജനമാണ് ഭൂദൃശ്യവാസ്തുകലയെ സമ്പൂർണമാക്കുന്നത്.