മദ്രാസ് ക്രിസ്ത്യൻ കോളേജ്

ഇംഗ്ലീഷ് വിലാസം

https://ml.wikipedia.org/wiki/Madras_Christian_College

ആകെ വിദ്യാർത്ഥികൾ = 8500
കാമ്പസ് ഏരിയ = 365 ഏക്കർ

1837 ൽ ചെന്നൈയിൽ സ്ഥാപിതമായ മദ്രാസ് ക്രിസ്ത്യൻ കോളേജ്. ഏഷ്യയിലെ ഏറ്റവും പഴക്കംചെന്ന കോളേജുകളിൽ ഒന്നാണ്‌. മദ്രാസ് യൂനിവേഴ്സിറ്റിയുടെ കീഴിലാണ്‌ ഇപ്പോൾ ഈ കലാലയമുള്ളതെങ്കിലും ചെന്നൈലെ തംബാരത്തുള്ള കാമ്പസ് കേന്ദ്രീകരിച്ച് സ്വയംഭരണാധികരമുള്ള സ്ഥാപനമായി പ്രവർത്തിച്ചു വരുന്നു. നാഷണൽ അസസ്സ്മെന്റ് ആന്റ് അക്രഡിറ്റേഷൻ കൗൺസിലിന്റെ (NACC) എ+ റേറ്റിംങ്ങുള്ള കോളേജാണിത്.

മദ്രാസിന്റെ ഹൃദയഭാഗത്ത് അർമീനിയൻ സ്റ്റ്‌ട്രീറ്റിൽനിന്ന് കിഴക്ക് മാറി ഒരു വാടക കെട്ടിടത്തിലായി റവ. ജോൺ ആൻഡേഴ്സൺ ആരംഭിച്ച ചെറിയ സകൂൾ ആണ്‌ പിന്നീട് 375 ഏക്കറിലുള്ള മദ്രാസ് ക്രിസ്ത്യൻ കോളേജായി മാറിയത്. നഗര ഹൃദയത്തിൽ 100 വർഷം പ്രവർത്തിച്ച കൊളേജ് 1937 ൽ തംബാരത്തുള്ള പ്രവിശാലമായ കാമ്പസിലേക്ക് മാറുകയായിരുന്നു. 1962 ലാണ് ഡോ. ചന്ദ്രൻ ദേവനേശൻ മദ്രാസ് ക്രിസ്ത്യൻ കോളേജിന്റെ ആദ്യ ഭാരതീയ പ്രിൻസിപ്പലായി സ്ഥാനമേൽക്കുന്നത്.ഈ കാലഘട്ടം (1962-72) ദേവനേശൻ ദാശാബ്ദം"-The Devanesan Decade-എന്നാണ്‌ അറിയപ്പെടുന്നത്. ഈ സ്ഥാപനത്തിന്റെ പ്രിൻസിപ്പൽമാരിൽ പലരും ഇന്ത്യയിലെ വിവിധ സർ‌വകലാശാലകളുടെ വൈസ്-ചാൻസലർമാരും പ്രഗല്ഭരായ വിദ്യാഭ്യാസ വിചക്ഷണന്മാരും ഭരണകർത്താക്കളുമായിട്ടുണ്ട്. അലക്സാണ്ടർ ജേസുദാസനാണ് ഇപ്പോഴത്തെ പ്രിൻസിപ്പൽ.

Madras Christian College എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.