മധു മൻസൂരി ഹസ്മുഖ്

ഇംഗ്ലീഷ് വിലാസം

https://ml.wikipedia.org/wiki/Madhu_Mansuri_Hasmukh

ഇന്ത്യൻ ഗായകനും ഗാനരചയിതാവും ആക്ടിവിസ്റ്റുമാണ് മധു മൻസൂരി ഹസ്മുഖ് (ജനനം: 1948). പ്രത്യേക സംസ്ഥാനമായ ഝാർഖണ്ഡിലെ പ്രസ്ഥാനത്തിനായി അദ്ദേഹം നിരവധി നാഗ്പുരി ഗാനങ്ങൾ എഴുതി ആലപിച്ചു.^[1][2] 2011 ൽ ഝാർഖണ്ഡ് സർക്കാർ അദ്ദേഹത്തിന് ഝാർഖണ്ഡ് രത്‌ന അവാർഡ് നൽകി. ^[3] 2020 ൽ കലാ രംഗത്ത് പത്മശ്രീ നേടി.^[4]

1948 സെപ്റ്റംബർ 4 ന് റാഞ്ചി ജില്ലയിലെ സിമിലിയയിലാണ് മധു മൻസൂരി ഹസ്മുഖ് ജനിച്ചത്. അദ്ദേഹത്തിന്റെ പിതാവിന്റെ പേര് അബ്ദുൾ റഹ്മാൻ മൻസൂരി എന്നായിരുന്നു.^[5] ഇസ്ലാം മതം സ്വീകരിച്ച ഒറയോണാണ് അദ്ദേഹത്തിന്റെ പൂർവ്വികർ എന്ന് മധു മൻസൂരി പറയുന്നു. അദ്ദേഹം സാമിയ ഒറാവോനെ വിവാഹം കഴിച്ചു. ^[3]

മധു മൻസൂരി ഹസ്മുഖ് MECON ൽ ഓപ്പറേറ്ററായിരുന്നു. പരമ്പരാഗത ഗാനം പിതാവിൽ നിന്ന് പഠിച്ച അദ്ദേഹം കുട്ടിക്കാലം മുതൽ പാട്ടുകൾ പാടാൻ തുടങ്ങിയിരുന്നു. 1960 ൽ പന്ത്രണ്ടാം വയസ്സിൽ അദ്ദേഹം ആദ്യ ഗാനം ആലപിച്ചു. 1960 ൽ അദ്ദേഹം ഷിസ്റ്റ് മഞ്ച് സ്ഥാപിക്കുകയും അദ്ദേഹത്തിന്റെ ആദ്യ നാഗ്പുരി ഗാനങ്ങളുടെ പുസ്തകം പ്രസിദ്ധീകരിക്കുകയും ചെയ്തു. 1972 ൽ അദ്ദേഹം "നാഗ്പൂർ കാർ കോര" എന്ന ഗാനം എഴുതി. 1992 ൽ അദ്ദേഹം രാം ദയാൽ മുണ്ട, മുകുന്ദ് നായക് എന്നിവരോടൊപ്പം തായ്‌വാനിലേക്ക് പോയി.^[5]പ്രത്യേക ഝാർഖണ്ഡ് സംസ്ഥാനത്തിനായുള്ള പ്രസ്ഥാനത്തിനായി അദ്ദേഹം നിരവധി നാഗ്പുരി ഗാനങ്ങൾ എഴുതി ആലപിച്ചു.^[3]

ഝാർഖണ്ഡ് സർക്കാർ അദ്ദേഹത്തിന് ഝാർഖണ്ഡ് ബിഭൂതി അവാർഡും ^[5] 2011 ൽ ഝാർഖണ്ഡ് രത്‌ന അവാർഡും നൽകി.^[3]2020 ൽ കലാ രംഗത്ത് പത്മശ്രീ നേടി.^[4]