മാക് പ്രോ

ഇംഗ്ലീഷ് വിലാസം

https://ml.wikipedia.org/wiki/Mac_Pro

മാക് പ്രോ

2019 മാക് പ്രോ
ഡെവലപ്പർ	ആപ്പിൾ ഇൻകോർപ്പറേറ്റഡ്
തരം	Full-sized desktop Workstation Server
പുറത്തിറക്കിയത്	ഓഗസ്റ്റ് 7, 2006; 18 years ago (2006-08-07) (First generation) ഡിസംബർ 19, 2013; 11 years ago (2013-12-19) (Second generation) ഡിസംബർ 10, 2019; 5 years ago (2019-12-10) (Third generation)
മുൻഗാമി	Power Mac G5, Xserve
CPU	Intel Xeon-W Cascade Lake (current release)
Related articles	iMac, Mac Mini, iMac Pro
വെബ്താൾ	ഔദ്യോഗിക വെബ്സൈറ്റ്

ആപ്പിൾ നിർമ്മിച്ച് പുറത്തിറക്കുന്ന വർക്ക്സ്റ്റേഷൻ കമ്പ്യൂട്ടറാണ് മാക് പ്രോ. ഇൻറൽ 5400 ചിപ്പ്സെറ്റ്, സിയോൺ മൈക്രോപ്രോസ്സസർ എന്നിവ ഇതിൽ ഉപയോഗിക്കുന്നു. 2006 മുതൽ ആപ്പിൾ പ്രൊഫഷണലുകൾക്കായി രൂപകൽപ്പന ചെയ്യുകയും വികസിപ്പിക്കുകയും വിപണനം ചെയ്യുകയും ചെയ്യുന്നു. മാക് പ്രോ, അതിന്റെ പ്രകടന മാനദണ്ഡങ്ങൾ അനുസരിച്ച്, ആപ്പിൾ വാഗ്ദാനം ചെയ്യുന്ന ഏറ്റവും ശക്തമായ കമ്പ്യൂട്ടറാണ്. മാക് മിനി(Mac Mini), ഐമാക്(iMac), മാക് സ്റ്റുഡിയോ(Mac Studio) എന്നിവയ്ക്ക് മുകളിൽ ഇരിക്കുന്ന, നിലവിലെ മാക്കിന്റോഷ്(Macintosh) ലൈനപ്പിലെ നാല് ഡെസ്ക്ടോപ്പ് കമ്പ്യൂട്ടറുകളിൽ ഒന്നാണിത്.

2006 ഓഗസ്റ്റിൽ അവതരിപ്പിച്ച ആദ്യ തലമുറ മാക് പ്രോയ്ക്ക് രണ്ട് ഡ്യുവൽ കോർ സിയോൺ വുഡ്‌ക്രെസ്റ്റ് പ്രോസസറുകളും പവർ മാക് ജി 5-ൽ നിന്ന് ഒരു ദീർഘചതുര ടവർ കെയ്‌സും ഉണ്ടായിരുന്നു. 2007 ഏപ്രിൽ 4-ന് ഒരു ഡ്യുവൽ ക്വാഡ്-കോർ സിയോൺ ക്ലോവർടൗൺ മോഡലിലേക്കും പിന്നീട് 2008 ജനുവരി 8-ന് ഡ്യുവൽ ക്വാഡ്-കോർ സിയോൺ ഹാർപർടൗൺ മോഡലേക്കും മാറി.^[1]2010-ലെയും 2012-ലെയും റിവിഷനുകളിൽ നെഹാലം/വെസ്റ്റ്മെയർ(Nehalem/Westmere) ആർക്കിടെക്ചർ ഇന്റൽ സിയോൺ(Intel Xeon) പ്രോസസറുകൾ ഉണ്ടായിരുന്നു.

2013 ഡിസംബറിൽ, ആപ്പിൾ രണ്ടാം തലമുറ മാക് പ്രോ ഒരു സിലിണ്ടർ ഡിസൈനോടെ പുറത്തിറക്കി. ആദ്യ തലമുറയുടെ വലുപ്പത്തിന്റെ എട്ടിലൊന്നിൽ താഴെ മാത്രം എടുക്കുമ്പോൾ ആദ്യ തലമുറയുടെ മൊത്തത്തിലുള്ള പ്രകടനത്തിന്റെ ഇരട്ടിയായിരിക്കുമെന്ന് ആപ്പിൾ പറഞ്ഞു.^[2] ഇതിന് 12-കോർ സിയോൺ ഇ5(Xeon E5)പ്രോസസർ, ഡ്യുവൽ എഎംഡി ഫയർപ്രോ ഡി(AMD FirePro D) സീരീസ് ജിപയു(GPU)-കൾ, പിസിഐഇ(PCIe) അടിസ്ഥാനമാക്കിയുള്ള ഫ്ലാഷ് സ്റ്റോറേജ്, എച്ച്ഡിഎംഐ(HDMI) പോർട്ട് എന്നിവയുണ്ടായിരുന്നു. തണ്ടർബോൾട്ട് 2 പോർട്ടുകൾ അപ്ഡേറ്റ് ചെയ്ത വയർഡ് കണക്റ്റിവിറ്റിയും ആറ് തണ്ടർബോൾട്ട് ഡിസ്പ്ലേകൾക്കുള്ള പിന്തുണയും കൊണ്ടുവന്നു. രണ്ടാം തലമുറയെക്കുറിച്ചുള്ള അഭിപ്രായം തുടക്കത്തിൽ പൊതുവെ പോസിറ്റീവ് ആയിരുന്നു. സിലിണ്ടർ ഡിസൈനിന്റെ പരിമിതികൾ രണ്ടാം തലമുറ മാക് പ്രോയെ കൂടുതൽ ശക്തമായ ഹാർഡ്‌വെയർ ഉപയോഗിച്ച് നവീകരിക്കുന്നതിന് ആപ്പിളിന് സാധിക്കാതെ വന്നു.

2019 ഡിസംബറിൽ, മൂന്നാം തലമുറ മാക് പ്രോ ആദ്യ തലമുറ മോഡലിനെ അനുസ്മരിപ്പിക്കുന്ന വലിയ എയർ കൂളിംഗ് ദ്വാരങ്ങളോടെ ഒരു ടവർ ഫോം ഫാക്ടറിലേക്ക് തിരികെയെത്തി. ഇതിന് 28-കോർ സിയോൺ-ഡബ്ല്യൂ(Xeon-W) പ്രോസസർ, എട്ട് പിസിഐ സ്ലോട്ടുകൾ, എഎംഡി റേഡിയോൺ പ്രോ വേഗാ (AMD Radeon Pro Vega) ജിപിയുകൾ എന്നിവയുണ്ട്, കൂടാതെ മിക്ക ഡാറ്റാ പോർട്ടുകളും യുഎസ്ബി-സി(USB-C), ത‌ണ്ടർബോൾട്ട് 3(Thunderbolt 3) എന്നിവ ഉൾപ്പെടുത്തിയിരിക്കുന്നു.

2003-ലെ പവർപിസിയായ പവർ മാക് ജി5 മെഷീനുകൾക്ക് പകരം ഇന്റൽ അധിഷ്‌ഠിത മെഷീനുകൾ വരുമെന്ന് ആപ്പിൾ പറഞ്ഞു, 2006 ഓഗസ്റ്റ് 7-ന് വാർഷിക ആപ്പിൾ വേൾഡ് വൈഡ് ഡെവലപ്പേഴ്‌സ് കോൺഫറൻസിൽ (ഡബ്ല്യുഡബ്ല്യുഡിസി) മാക് പ്രോ ഔദ്യോഗികമായി പ്രഖ്യാപിച്ചു.^[3]2005 ജൂണിൽ ആപ്പിൾ ഡെവലപ്പർ ട്രാൻസിഷൻ കിറ്റ് പുറത്തിറക്കി, അതിന്റെ ഒരു പ്രോട്ടോടൈപ്പ് ഇന്റൽ പെന്റിയം 4-അധിഷ്‌ഠിത മാക് പവർ മാക് ജി5-ന്റെ കൂടെ ഡെവലപ്പർമാർക്ക് താൽക്കാലികമായി ലഭ്യമായിരുന്നു.^[4] ഐമാക്(iMac), മാക്മിനി(Mac Mini), മാക്ബുക്ക്(MacBook), മാക് ബുക്ക് പ്രോ(MacBook Pro) എന്നിവ 2006 ജനുവരി മുതൽ ഇന്റൽ അധിഷ്‌ഠിത ആർക്കിടെക്‌ചറിലേക്ക് മാറി, 1994 മുതൽ ആപ്പിൾ ഉപയോഗിച്ചിരുന്ന പവർപിസി പ്രൊസസർ ആർക്കിടെക്‌ചറിനെ അടിസ്ഥാനമാക്കി മാക് ലൈനപ്പിലെ ഏക മെഷീനായി പവർ മാക് ജി5 മാറി. ആപ്പിൾ അവരുടെ ലൈനപ്പിലെ മറ്റ് മെഷീനുകളിൽ നിന്ന് "പവർ" എന്ന പദം ഒഴിവാക്കി, അവരുടെ ഉയർന്ന നിലവാരമുള്ള ലാപ്‌ടോപ്പുകളിൽ "പ്രോ" ഉപയോഗിക്കാൻ തുടങ്ങി. അതുപോലെ, മെഷീൻ വിപണിയിൽ ലഭ്യമാക്കുന്നതിന് മുമ്പ് "മാക് പ്രോ" എന്ന പേര് വ്യാപകമായി ഉപയോഗിച്ചിരുന്നു.^[5]മാക് പ്രോ യുണിക്സ് വർക്ക്സ്റ്റേഷൻ വിപണിയിൽ ആണ് ലഭ്യമായിരുന്നു.^[6] ഹൈ-എൻഡ് ടെക്‌നിക്കൽ മാർക്കറ്റ് പരമ്പരാഗതമായി ആപ്പിളിന്റെ മേഖലയല്ലെങ്കിലും, ഹൈ-ഡെഫനിഷൻ വീഡിയോയ്‌ക്കായുള്ള നോൺ-ലീനിയർ ഡിജിറ്റൽ എഡിറ്റിംഗിൽ കമ്പനി സ്വയം ഒരു നേതാവായി നിലകൊള്ളുന്നു, ഇത് പൊതുവായി ലഭ്യമായ ഡെസ്ക്ടോപ്പ് മെഷീനെക്കാൾ കൂടുതൽ സംഭരണശേഷിയും മെമ്മറിയും നൽകിയിരിക്കുന്നു. കൂടാതെ, ഈ ആപ്ലിക്കേഷനുകളിൽ ഉപയോഗിക്കുന്ന കോഡെക്കുകൾ സാധാരണയായി പ്രോസസ്സർ ഇന്റൻസീവും ഉയർന്ന തോതിൽ ത്രെഡ് ചെയ്യാവുന്നതുമാണ്, ആപ്പിളിന്റെ പ്രോറെസ്(ProRes) വൈറ്റ് പേപ്പർ പറയുന്നത് പ്രകാരം അഡീഷണൽ പ്രോസസ്സർ കോറുകൾ ഉപയോഗിച്ച് ലീനിയർ സ്കെയിലിംഗ് നടത്താൻ കഴിയും. ഈ വിപണി ലക്ഷ്യമിട്ടുള്ള ആപ്പിളിന്റെ മുൻ മെഷീനായ പവർ മാക് ജി 5-ന് രണ്ട് ഡ്യുവൽ കോർ പ്രോസസറുകൾ വരെയുണ്ട് ("ക്വാഡ്-കോർ" എന്ന് വിപണനം ചെയ്യപ്പെടുന്നു), എന്നാൽ പുതിയ രൂപകൽപ്പന ചെയ്ത മെഷീന്റയത്രയും സംഭരണ ​​വിപുലീകരണ ശേഷിയില്ല.^[7]

ഒന്നോ രണ്ടോ സിയോൺ 5400 64-ബിറ്റ് പ്രോസ്സസറാണ് ഇതിൽ ഉപയോഗിക്കുന്നത്. ഓരോ സിപിയു ചിപ്പിനും 12 എംബി കാഷെ മെമ്മറിയുണ്ട്^[8]. ഓരോ പ്രോസ്സസർ സ്ലോട്ടിനും പ്രത്യേകം 64-ബിറ്റ് 1600 മെഗാഹെർട്സ് ഫ്രണ്ട് സൈഡ് ബസ് ഉണ്ട്.

നാല് ആന്തരിക ഹാർഡ് ഡിസ്ക് മാക് പ്രോയിലുണ്ട്. 15,000 ആർപിഎം ഉള്ള 1 ടിബിയുടെയോ അല്ലെങ്കിൽ 300 ജിബിയുടെയോ സാറ്റ ഹാർഡ് ഡിസ്കുകളാണ് ഉപയോഗിക്കുന്നത്.

1. ↑ "Apple adds 8-core option to Mac Pro". MacNN. April 4, 2007. Archived from the original on 2007-04-10. Retrieved 2022-07-11.
2. ↑ "At long last! Apple announces new Mac Pro with cylindrical design". June 10, 2013. Retrieved June 10, 2013.
3. ↑ Smith, Kevin (2012-06-09). "The Best Products Apple Has Ever Announced At Its Annual Summer Developers Conference". Business Insider Australia (in ഇംഗ്ലീഷ്). Archived from the original on 2021-03-25. Retrieved 2020-01-22.
4. ↑ ""This Is Not a Product": The Apple Developer Transition Kit" (in അമേരിക്കൻ ഇംഗ്ലീഷ്). Retrieved 2020-06-25.
5. ↑ Bangeman, Eric (July 16, 2006). "Peering inside the aluminum ball: Woodcrest, Conroe, and the 'pro' Macs". Arstechnica. Retrieved January 10, 2010.
6. ↑ "The Unix System — History and Timeline". Unix.org. January 29, 2003. Retrieved January 16, 2010.
7. ↑ Jordan Kahn, "Andy Hertzfield: The only thing that's still high-end about Mac Pro is the bloated price", 9to5 Mac, June 11, 2012
8. ↑ Sizes of transistorized memory, such as RAM and cache, are binary values whereby 1 MB = 2²⁰ (1,048,576) bytes and 1 GB = 2³⁰ (1,073,741,824) bytes.