മേരി ആഡംസൺ ആൻഡേഴ്സൺ മാർഷൽ

ഇംഗ്ലീഷ് വിലാസം

https://ml.wikipedia.org/wiki/Mary_Adamson_Anderson_Marshall

മേരി ആഡംസൺ മാർഷൽ (മുമ്പ് ആൻഡേഴ്സൺ; 1837-1910) ഒരു ഡോക്ടറും എഡിൻബർഗ് സർവകലാശാലയിൽ വൈദ്യശാസ്ത്രം പഠിച്ച ആദ്യ വനിതകളിലുൾപ്പെട്ട എഡിൻബർഗ് സെവനിലെ അംഗവുമായിരുന്നു.^[1]

മേരി ആഡംസൺ ആൻഡേഴ്സൺ 1837 ജനുവരി 17 ന് സ്കോട്ട്ലൻഡിലെ ബാൻഫ്ഷെയറിലെ ബോയ്ണ്ടിയിൽ ജനിച്ചു.^[2][3] അവളുടെ പിതാവ് റവ. അലക്സാണ്ടർ ഗോവി ആൻഡേഴ്സണും മാതാവ് മേരി ഗാവിനും (മുമ്പ്, മാൻ) ആയിരുന്നു.^[4]

എഡിൻബർഗ് സർവകലാശാലയിൽ തന്റെ വൈദ്യശാസ്ത്ര പരിശീലനം ആരംഭിച്ച മാർഷൽ, എമിലി ബോവൽ, മറ്റിൽഡ ചാപ്ലിൻ, ഹെലൻ ഇവാൻസ്, സോഫിയ ജെക്സ്-ബ്ലേക്ക്, എഡിത്ത് പെചെയ്, ഇസബെൽ തോൺ എന്നിവരോടൊപ്പം എഡിൻബർഗ് സെവനിൽ ഒരാളായി കണക്കാക്കപ്പെടുന്നു. 1872-ൽ എഡിൻബർഗ് സർവകലാശാല വനിതാ മെഡിക്കൽ വിദ്യാർത്ഥികൾക്ക് ബിരുദം നൽകില്ലെന്ന് തീരുമാനിച്ചപ്പോൾ, ആൻഡേഴ്സൺ പാരീസിലേയ്ക്ക് പോകുകയും അവിടെ തൻറെ പഠനം തുടരുകയും ചെയ്തു.^[5]

1879-ൽ, ഫാക്കൽറ്റി ഡി മെഡിസിൻ ഡി പാരീസിൽ നിന്ന് അവർ വൈദ്യശാസ്ത്രത്തിൽ ഡോക്ടറേറ്റ് നേടി, അവിടെ അവർ മിട്രൽ സ്റ്റെനോസിസിനെ കുറിച്ചും പുരുഷന്മാരേക്കാൾ സ്ത്രീകളിൽ അതിന്റെ ഉയർന്ന ആവൃത്തിയെക്കുറിച്ചും തന്റെ തീസിസ് എഴുതി ("Du rétrécissement mitral : sa fréquence plus grande chez la femme que chez l'homme").^[6]

മേരിലെബോണിലെ ന്യൂ ഹോസ്പിറ്റൽ ഫോർ വുമണിലെ ഒരു മുതിർന്ന വൈദ്യനായിരുന്നു മാർഷൽ.^[7]

ക്ലോഡ് മാർഷൽ ആയിരുന്നു മാർഷലിന്റെ ഭർത്താവ്. 1910-ൽ മാർഷൽ മരിച്ചു.^[8]

1. ↑ Elston, M. A. "Edinburgh Seven". Oxford Dictionary of National Biography. Oxford University Press. Retrieved 17 February 2015.
2. ↑ Elston, M. A. "Edinburgh Seven". Oxford Dictionary of National Biography. Oxford University Press. Retrieved 17 February 2015.
3. ↑ Moulinier, Pierre. "MARSHALL ANDERSON (Mary Adamson)". BIU Santé. Retrieved 18 February 2015.(in French)
4. ↑ Elston, M. A. "Edinburgh Seven". Oxford Dictionary of National Biography. Oxford University Press. Retrieved 17 February 2015.
5. ↑ Reynolds, Siân (2007). Paris-Edinburgh: Cultural Connections in the Belle Epoque. Ashgate. p. 179. ISBN 978-0-7546-3464-5.
6. ↑ "Bibliothèque numérique Medic@". BIU Santé. Retrieved 18 February 2015.
7. ↑ "The Lancet" (PDF). Dec 31, 1910.^{[പ്രവർത്തിക്കാത്ത കണ്ണി]}
8. ↑ Orr, Brian (2013). "Bones of Empire". p. 390. ISBN 9781291434828. Retrieved 14 December 2021.