യോനിയിലെ യീസ്റ്റ് അണുബാധ

ഇംഗ്ലീഷ് വിലാസം

https://ml.wikipedia.org/wiki/Vaginal_yeast_infection

യോനിയിലെ യീസ്റ്റ് അണുബാധ
മറ്റ് പേരുകൾ	Candidal vulvovaginitis, vaginal thrush
Gram stain showing the spores and pseudohyphae of Candida albicans surrounded by round vaginal skin cells, in a case of candidal vulvovaginitis.
സ്പെഷ്യാലിറ്റി	Gynaecology
ലക്ഷണങ്ങൾ	യോനിയിലെ ചൊറിച്ചിൽ, മൂത്രമൊഴിക്കുമ്പോൾ ഉണ്ടാകുന്ന നീറ്റൽ, വെളുത്തതും കുറുകിയത്തുമായ യോനിയിലെ ഡിസ്ചാർജ്, വേദനാജനകമായ ലൈംഗീകത, യോനിയുടെ ചുറ്റുമുള്ള ചുവപ്പ് നിറം [1]
കാരണങ്ങൾ	Excessive growth of Candida[1]
അപകടസാധ്യത ഘടകങ്ങൾ	Antibiotics, pregnancy, diabetes, HIV/AIDS[2]
ഡയഗ്നോസ്റ്റിക് രീതി	Testing the vaginal discharge[1]
ഡിഫറൻഷ്യൽ ഡയഗ്നോസിസ്	Chlamydia, gonorrhea, bacterial vaginosis[3][1]
Treatment	Antifungal medication[4]
ആവൃത്തി	90% of women at some point[1]

യോനിയിൽ യീസ്റ്റ് അമിതമായി വളരുന്ന അവസ്ഥയെ കാൻഡിഡൽ വൾവോവാഗിനൈറ്റിസ്, അഥവാ വജൈനൽ ത്രഷ് എന്ന് അറിയപ്പെടുന്നു. ഇത് വളരെ അസ്വസ്ഥത ഉളവാക്കുന്ന ഒന്നാണ്. ^{[5] [1]} ഏറ്റവും സാധാരണമായ ലക്ഷണം യോനിയിലെ കഠിനമായ ചൊറിച്ചിൽ ആണ്. ^[1] മൂത്രമൊഴിക്കുമ്പോൾ നീറ്റലും, കട്ടിയുള്ളതും വെളുത്തതുമായ യോനീസ്രവങ്ങൾ വന്നുകൊണ്ടിരിക്കൽ തുടങ്ങിയതും ഇതിൻ്റെ ലക്ഷണങ്ങളാണ്. സാധാരണയായി ദുർഗന്ധം ഇല്ലന്നിരിക്കിലും, ലൈംഗികവേളയിൽ വേദനയും, യോനിക്ക് ചുറ്റും ചുവപ്പ് നിറത്തിലും ഇത് കാണപ്പെടുന്നു. ^[1] രോഗമുള്ള സ്ത്രീയുടെ ആർത്തവത്തിന് തൊട്ടുമുമ്പായിട്ട് രോഗലക്ഷണങ്ങൾ പലപ്പോഴും വഷളാകുന്നതായി കാണപ്പെടുന്നു. ^[2]

കാൻഡിഡയുടെ അമിതമായ വളർച്ച മൂലമാണ് യോനിയിൽ യീസ്റ്റ് അണുബാധ ഉണ്ടാകുന്നത്. ^[1] ഈ യീസ്റ്റ് സാധാരണയായി യോനിയിൽ ചെറിയ അളവിൽ കാണപ്പെടുന്നതാണ്. ^[1] യോനിയിലെ യീസ്റ്റ് അണുബാധകൾ സാധാരണയായി കാൻഡിഡ ആൽബിക്കൻ എന്ന യീസ്റ്റ് സ്പീഷീസ് മൂലമാണ് ഉണ്ടാകുന്നത്. കാൻഡിഡ ആൽബിക്കൻസ് ഒരു സാധാരണ ഫംഗസാണ്. അത് പലപ്പോഴും പ്രതികൂല ലക്ഷണങ്ങൾ ഉണ്ടാക്കാതെ വായിലോ ദഹനനാളത്തിലോ യോനിയിലോ ആയി കാണപ്പെടുന്നു. ^[6] അമിതമായ കാൻഡിഡയുടെ വളർച്ചയുടെ കാരണങ്ങൾ പൊതുവേ കൂടുതലായി മനസ്സിലാക്കപ്പെട്ടിട്ടില്ല. ^[7] എന്നിരുന്നാലും ചില മുൻകരുതൽ എടുക്കേണ്ടത് അത്യാവശ്യമാണ്.

ഇത് ലൈംഗികമായി പകരുന്ന അണുബാധയായി വർഗ്ഗീകരിച്ചിട്ടില്ല; എന്നിരുന്നാലും, ലൈംഗിക ബന്ധത്തിൽ ഏർപ്പെടുന്നവരിൽ രോഗബാധയുണ്ടെങ്കിൽ ഇത് പകരുന്നതിന് കാരണമാകുന്നു. ^{[1] [2] [2]}. ^[2] യോനിയിൽ നിന്നുള്ള ഡിസ്ചാർജിന്റെ സാമ്പിൾ പരിശോധിച്ചാണ് രോഗനിർണയം. ^[1] ലൈംഗികമായി പകരുന്ന അണുബാധകൾ, ക്ലമീഡിയ, ഗൊണോറിയ എന്നിവയുടെ ലക്ഷണങ്ങൾക്ക് സമാനമായതിനാൽ, പരിശോധനയിലൂടെ മാത്രമേ രോഗനിർണയം സാധ്യമാകൂ.. ^[1]

ആന്റിഫംഗൽ മരുന്നുകളാണ് ചികിത്സക്കായി ഉപയോഗിക്കുന്നത്. ^[4] ഇത് ഒന്നുകിൽ ക്ലോട്രിമസോൾ പോലുള്ള ക്രീമായോ അല്ലെങ്കിൽ ഫ്ലൂക്കോണസോൾ പോലെയുള്ള കഴിക്കാനുള്ള മരുന്നുകളോ ആകാം. ^[4] കോട്ടൺ അടിവസ്ത്രങ്ങളും അയഞ്ഞ വസ്ത്രങ്ങളും ധരിക്കുന്നത് പലപ്പോഴും പ്രതിരോധ നടപടിയായി ശുപാർശ ചെയ്യപ്പെടുന്നുണ്ട്. ^{[1] [2]} ഡൗച്ചിംഗും ഉൽപ്പന്നങ്ങളും ഒഴിവാക്കാനും ശുപാർശ ചെയ്യുന്നു. ^[1] സജീവമായ അണുബാധകൾക്ക് പ്രോബയോട്ടിക്സ് ഉപയോഗപ്രദമാണെന്ന് കണ്ടെത്തിയിട്ടില്ല. ^[8]

ഏകദേശം 75% സ്ത്രീകൾക്ക് അവരുടെ ജീവിതത്തിലെ ഏതെങ്കിലും ഘട്ടത്തിൽ കുറഞ്ഞത് ഒരു പ്രാവശ്യം എങ്കിലും യോനിയിൽ യീസ്റ്റ് അണുബാധയുണ്ടായിട്ടുണ്ടാകാം. ^{[1] [9]} ഏകദേശം 5% പേർക്ക് ഒരു വർഷത്തിൽ മൂന്നിൽ കൂടുതൽ അണുബാധകൾ ഉണ്ടാകുന്നതായാണ് പഠനങ്ങൾ പറയുന്നത്. ^[9] ബാക്ടീരിയൽ വാഗിനോസിസ് കഴിഞ്ഞാൽ യോനിയിൽ വീക്കം വരാൻ ഏറ്റവും സാധാരണമായ രണ്ടാമത്തെ കാരണമാണിത്. ^[3]

യോനിയിൽ അണുബാധയുണ്ടാകുമ്പോൾ ചില ലക്ഷണങ്ങണും പ്രകടമാകുന്നു. ഒന്നാമതായി യോനിയിൽ ഉണ്ടാകുന്ന ശക്തമായ ചൊറിച്ചിലും അസ്വസ്ഥതയുമാണ്. ലൈംഗിക ബന്ധത്തിൽ ഏർപ്പെടുമ്പോൾ കഠിനമായ വേദനയും അസ്വസ്ഥതയും ഉണ്ടായേക്കാം. മൂത്രമൊഴിക്കുമ്പോഴുണ്ടാകുന്ന അസ്വസ്ഥതയും നീറ്റലും, കൂടാതെ യോനിയിൽ നിന്നുള്ള ഡിസ്ചാർജ് തുടങ്ങിയവയാണ് . ^[10] യീസ്റ്റ് അണുബാധയുള്ളപ്പോൾ യോനിയിൽ നിന്നുള്ള ഡിസ്ചാർജിന് നേർത്തതും വെള്ള നിറമുള്ളതും കട്ടിയുള്ളതും ഏകീകൃതമായ ഘടനയുള്ളതുമായിരിക്കും ^[2] . ^[11]