രണ്ടായിരം രൂപ നോട്ട്

ഇംഗ്ലീഷ് വിലാസം

https://ml.wikipedia.org/wiki/Indian_two_thousand_rupees_note

രണ്ടായിരം ഇന്ത്യൻ രൂപ

(ഇന്ത്യ)
Value	₹2000
Width	166 mm
Height	66 mm
Years of printing	നവംബർ 2016
Obverse
Design	മഹാത്മാഗാന്ധി
Design date	2016
Reverse
Design	മാർസ് ഓർബിറ്റർ മിഷൻ
Design date	2016

റിസർവ് ബാങ്ക് 2016- ൽ അവതരിപ്പിച്ച ഒരു ഇന്ത്യൻ കറൻസി നോട്ടാണ് രണ്ടായിരം രൂപ നോട്ട്. നിലവിൽ ഇന്ത്യൻ കറൻസികളിൽ ഏറ്റവും വിനിമയമൂല്യമുള്ള നോട്ടാണിത്.^[1][2][3] മൈസൂരിലെ കറൻസി പ്രിന്റിംഗ് പ്രസ്സിലാണ് ഈ നോട്ടുകൾ അച്ചടിക്കുന്നത്.^[4].

2016 നവംബർ 8 ന് പ്രധാനമന്ത്രി നരേന്ദ്ര മോദി ഔദ്യോഗികമായി രണ്ടായിരം രൂപ നോട്ടിന്റെ വരവറിയിച്ചുകൊണ്ടുള്ള പ്രസ്താവന നടത്തി. രാജ്യത്തു നിലവിലുണ്ടായിരുന്ന ആയിരം രൂപ നോട്ടുകൾ റദ്ദാക്കുകയും പകരം രണ്ടായിരം രൂപ നോട്ടുകൾ അവതരിപ്പിക്കുകയും ചെയ്തുകൊണ്ടുള്ള തീരുമാനം രാജ്യത്തെ സമ്പദ്ഘടനയെത്തന്നെ സ്വാധീനിക്കുന്ന ഒന്നായിരുന്നു.

• നവംബർ 08 2016 ൽ - ഇൻസെറ്റ് അക്ഷരം ഇല്ലാതെ പുതിയ 2000 രൂപ നോട്ട് പുറത്തിറക്കും എന്ന് ഭാരതീയ റിസർവ് ബാങ്ക് അറിയിച്ചു^[5]. ഈ നോട്ടിന്റെ പുറകു വശത്ത് 2016 എന്ന വർഷം അച്ചടിച്ചിട്ടുണ്ട്. 2016 നവംബർ 10 ന് ഈ നോട്ടുകൾ നിലവിൽ വന്നു.

മഹാത്മാഗാന്ധി പുതിയ ശ്രേണിലുള്ള ₹2000 ബാങ്ക്നോട്ടിനു 166 × 66 mm വലിപ്പമുണ്ട്. മജന്ത നിറമുള്ള നോട്ടിന്റെ പിൻഭാഗത്ത് ഭാരതത്തിന്റെ ആദ്യത്തെ ഗ്രഹാന്തര യാത്രാദൗത്യമായ മംഗൾയാൻ യാത്രയുടെ ചിത്രവും, സ്വച്ഛ് ഭാരതിന്റെ ലോഗോയും ആണ് ഉളളത്. നാണ്യമുഖത്ത് കാഴ്ചയില്ലാത്തവർക് നോട്ടിനെ തിരിച്ചറിയാനായി ബ്രെയിൽ ലിപിയിൽ മൂല്യം തടിച്ച ലിപിയിൽ കൊടുത്തിട്ടുണ്ട്. ഇത് കൂടാതെ ഏഴ് കോണീയ ബ്ലീഡ് ലൈനുകൾ ഇടത് വശത്തും വലത് വശത്തും ഉയർത്തിയ പ്രിന്റ് ചെയ്‌തിരിക്കുന്നു. മഹാത്മാ ഗാന്ധി പുതിയ ശ്രേണി നോട്ടിൽ ദേവനാഗരി ലിപിയിൽ ₹2000 മൂല്യം എന്ന് അടയാളപ്പെടുത്തിയിരിക്കുന്നു.

17 സെക്യൂരിറ്റി പ്രത്യേകതകൾ ആണ് ₹2000 ബാങ്ക് നോട്ടീന് ഉള്ളത്^[6]:

മറ്റു ഇന്ത്യൻ ബാങ്ക് നോട്ടുകളെപ്പോലെ ₹2000 ബാങ്ക് നോട്ടിലും അതിലെ തുക 17 വ്യത്യസ്ത ഭാഷകളിൽ എഴുതിവച്ചിട്ടുണ്ട്. നാണ്യമുഖത്ത് ഇംഗ്ലിഷിലും ഹിന്ദിയിലും ഈ നോട്ടിന്റെ മൂല്യം എഴുതിവച്ചിട്ടുണ്ട്. മറുവശത്ത് ഒരു ഭാഷാ പാനൽ ഉണ്ട്. ഇവിടെ നോട്ടിന്റെ മൂല്യം ഇന്ത്യയുടെ 22 ഔദ്യോഗികഭാഷകളിൽ 15 എണ്ണത്തിൽ അച്ചടിച്ചിരിക്കുന്നു. ഭാഷകൾ അക്ഷരമാലാക്രമത്തിലാണു കൊടുത്തിരിക്കുന്നത്. ഇതിലെ ഭാഷകളിൽ ആസ്സാമീസ്, ബംഗാളി, ഗുജറാത്തി, കന്നഡ, കശ്മീരി, കൊങ്കണി, മലയാളം, മറാഠി, നേപ്പാളി, ഒഡിയ, പഞ്ചാബി, സംസ്കൃതം, തമിഴ്, തെലുഗു, ഉറുദു എന്നിവയുണ്ട്.

• RBI ഔദ്യോഗിക വെബ്സൈറ്റ് Archived 2018-03-12 at the Wayback Machine
• നോട്ടുകൾ അറിയാൻ