ഒരു അമേരിക്കൻ-കനേഡിയൻ [1] ഗണിതശാസ്ത്രജ്ഞനാണ് റോബർട്ട് ഫെലാൻ ലാംഗ്‍ലൻഡ്സ് (/ˈlæŋləndz/; ജനനം ഒക്ടോബർ 6, 1936). ഗണിതശാസ്ത്രത്തിന്റെ വിവിധ മേഖലകളെ ആഴത്തിൽ ബന്ധിപ്പിക്കുന്ന ലാൻഗ്‍ലാൻസ് പ്രോഗ്രാം എന്ന വൻ പദ്ധതിക്ക് തുടക്കമിട്ടയാളെന്ന നിലയിൽ പ്രശസ്തനായ ലാംഗ്‍ലൻഡ്സിന് 2018ൽ ആബേൽ പുരസ്കാരം നൽകി നോർവീജിയൻ അക്കാഡമി ആദരിച്ചു.[2][3][4][5]അമേരിക്കയിലെ പ്രിൻസ്ടൺ സർവ്വകലാശാലയിൽ എമിരറ്റസ് പ്രൊഫസറാണ് ലാംഗ്‍ലൻഡ്സ്. ആൽബർട്ട് ഐൻസ്റ്റൈൻ ജോലി ചെയ്തിരുന്നതും ഇതേ ഓഫീസിലായിരുന്നു.[5][6]
വിദ്യാഭ്യാസം
16-ാംവയസ്സിൽ ബ്രിട്ടീഷ് കൊളമ്പിയ സർവകലാശാലയിൽ ബിരുദപഠനത്തിനായി ചേർന്ന ലാംഗ്‍ലൻഡ്സ് 1957 ൽ ബിരുദം കരസ്ഥമാക്കി. അവിടെ തുടർന്ന് പഠിച്ച അദ്ദേഹം 1958ൽ എം.എസ്.സി. വിജയിച്ചു.[7] പിന്നീട് അദ്ദേഹം യേൽ യൂണിവേഴ്സിറ്റിയിൽ നിന്നും 1960 ൽ പി.എച്ച്.ഡി. കരസ്ഥമാക്കി.
തൊഴിൽ
അദ്ധ്യാപന രംഗത്തെ അദ്ദേഹത്തിന്റെ സേവനം ആരംഭിച്ചത് പ്രിൻസ്ടൺ സർവ്വകലാശാലയിൽ നിന്നായിരുന്നു. 1960 മുതൽ 1967 വരെ അദ്ദേഹം അവിടെ അസോസ്സിയേറ്റ് പ്രൊഫസറായി.[2] 1964-65 കാലഘട്ടത്തിൽ കാലിഫോർണിയ സർവകലാശാലയിലെ മില്ലർ റിസർച്ച് ഫെലോ ആയിരുന്നു അദ്ദേഹം. 1967-72ൽ അദ്ദേഹം യേൽ സർവകലാശാലയിൽ ജോലി നോക്കി. ഇദ്ദേഹം 1972 ൽ ഇൻസ്റ്റിറ്റ്യൂട്ട് ഫോർ അഡ്വാൻസ്ഡ് സ്റ്റഡീസിലെ ഹെർമൻ വെയ്ൽ പ്രൊഫസറായി നിയമിതനാവുകയും 2007 ജനുവരിയിൽ എമരീറ്റസ് പ്രൊഫസ്സർ ആവുകയും ചെയ്തു.[6]
ഗവേഷണം
This ഈ ഭാഗം അപൂർണ്ണമാണ്. ദയവായി ഈ താൾ മെച്ചപ്പെടുത്തുകയോ ഇതിലുള്ള പ്രശ്നങ്ങൾ സം‌വാദം താളിൽ രേഖപ്പെടുത്തുകയോ ചെയ്യേണ്ടതാണ്‌.
ലാംഗ്‍ലൻഡ്സിന്റെ പി.എച്ച്.ഡി. ലീ ഉപഗ്രൂപ്പുകളുടെ വിശകലന സിദ്ധാന്തത്തെ പറ്റി ആയിരുന്നു. എന്നാൽ തുടരൻന്ന് അദ്ദേഹം പ്രാതിനിധ്യ സിദ്ധാന്തത്തിലേക്ക് തിരിയുകയും അതിന്റെ ഭാഗമായി ഹരീഷ്-ചന്ദ്രയുടെ രീതികൾ പിന്തുടരുകയും ചെയ്തു.
↑D Mackenzie (2000) Fermat's Last Theorem's First Cousin, Science 287(5454), 792-793.
↑"The Abel Prize Laureate 2018". The Abel Prize. The Norwegian Academy of Science and Letters Drammensveien 78 N-0271 Oslo, Norway. Archived from the original on 2018-03-24. Retrieved 22 മാർച്ച് 2018.
