വി.പി. ഗംഗാധരൻ

ഇംഗ്ലീഷ് വിലാസം

https://ml.wikipedia.org/wiki/V._P_Gangadharan

വി.പി. ഗംഗാധരൻ
ദേശീയത	ഇന്ത്യൻ
തൊഴിൽ	ഭിഷഗ്വരൻ
ജീവിതപങ്കാളി	ഡോ. ചിത്രതാര

ഡോ. വി.പി. ഗംഗാധരൻ (ജനനം 1954) അർബുദ ചികിൽസാ രംഗത്ത്‌ ശ്രദ്ധേയനായ ഓൺകോളജിസ്റ്റ് ആണ്. 2004 ൽ കൊച്ചിൻ കാൻസർ സൊസൈറ്റിക്ക് രൂപം നൽകുന്നതിൽ, പരേതനായ ഡോ. ചെറിയാൻ ജേക്കബിനൊപ്പം, പ്രധാനപങ്ക് വഹിച്ചിട്ടുണ്ട്. നേരത്തെ തിരുവനന്തപുരം റീജിയണൽ കാൻസർ സെന്ററിൽ വകുപ്പ് മേധാവിയായി സേവനം അനുഷ്ഠിച്ചിട്ടുണ്ട്. ^[1]

1954-ൽ തൃശ്ശൂർ ജില്ലയിലെ ഇരിഞ്ഞാലക്കുടയിൽ പദ്മനാഭൻ നായർ-സരസ്വതിയമ്മ ദമ്പതികളുടെ മകനായി ജനിച്ച ഗംഗാധരൻ, 1978-ൽ  കോട്ടയം മെഡിക്കൽ കോളേജിൽ നിന്ന് എംബിബിഎസും 1984-ൽ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ നിന്ന് റേഡിയോപതിയിൽ എം.ഡി നേടി. ഡോ. വി. പി. ഗംഗാധരന്റെ നേത്യത്വത്തിലാണ് കേരളത്തിലെ ആദ്യത്തെ രക്തകോശസെൽ ട്രാൻസ്പ്ലാന്റെഷൻ നടന്നത്^[2]. ദേശീയവും അന്തർദേശീയവുമായ മൂന്നു പാഠപുസ്തകങ്ങളിലും 35 പ്രസിദ്ധീകരണങ്ങളിലും ഡോ. വി.പി ഗംഗാധരനെക്കുറിച്ചുള്ള ലേഖനങ്ങൾ  പ്രസിദ്ധീകരിച്ചിട്ടുണ്ട്.^[2]

കാൻസർ രോഗികൾക്ക് മരുന്നിനേക്കാളുപരി മനഃശക്തിയാണ് ആവശ്യമെന്ന സന്ദേശം പ്രചരിപ്പിക്കുന്നതോടൊപ്പം രോഗം തടയാനുള്ള മാർഗ്ഗങ്ങളെക്കുറിച്ചുള്ള നിരവധി ബോധവൽക്കരണ പരിപാടികൾ സജീവമായി നടത്തിവരുന്നു^[3].

• ജീവിതമെന്ന അത്ഭുതം - സമ്പാദനം കെ.എസ്. അനിയൻ - ഡി.സി. ബുക്‌സ്‌ ^[4]. 2004 ലെ ബെസ്റ്റ് സെല്ലറായിരുന്നു ഈ പുസ്തകം.^[2]

. കാൻസറിനെ പേടിക്കേണ്ട

• ബഷീർ അവാർഡ് 2015 - പ്രവാസി ദോഹ ^[5]
• എൻ.എസ്.എച്ച്. ഗ്ലോബൽ ഹാർമണി അവാർഡ് 2017 - കുവൈത്ത്‌ ^[6]
• 2006 ഇന്ത്യൻ ഇൻസ്റ്റിറ്റ്യൂട്ട് ഓഫ് സയന്റിഫിക്ക് ഹെറിറ്റേജിന്റെ ശാസ്ത്രരത്ന അവാർഡ്
• 2007 ൽ ഇന്ദിരാഗാന്ധി നാഷ്ണൽ ഫൗണ്ടേഷന്റെ ഇന്ദിരാഗന്ധി അവാർഡ്
• 2008 കേരള മാപ്പിളകല അക്കാദമി അവാർഡ്
• ജെസിഐ ഇന്ത്യ അവാർഡ്
• 2009 ൽ ആദ്യത്തെ സംസ്ഥാന അവാർഡ്.^[2]