ഇൻഫ്രാറെഡ് കിരണങ്ങൾ ഉപയോഗിച്ച് പ്രവർത്തിക്കുന്ന ഒരു ബഹിരാകാശ ദൂരദർശിനിയാണ് വൈസ് എന്നറിയപ്പെടുന്ന വൈഡ് ഫീൽഡ് ഇൻഫ്രാറെഡ് സർവ്വേ എക്സ്പ്ലോറർ. 2009 ഡിസംബർ മാസത്തിലാണ് ഇത് വിക്ഷേപിച്ചതു്.[1][2][3] ആദ്യമായി Y ഡ്വാർഫ് വിഭാഗത്തിൽ പെടുന്ന നക്ഷത്രത്തെ കണ്ടെത്തിയത് വൈസ് ആണ്. കൂടാതെ ആയിരക്കണക്കിന് ഛിന്നഗ്രഹങ്ങളെയും നക്ഷത്രസമൂഹങ്ങളെയും കണ്ടെത്തി.[4][5][6][7][8][9]
ആകാശം മുഴുവൻ ജ്യോതിശാസ്ത്രവിശകലനം നടത്തു വൈസ് 3.4, 4.6, 12, 22 μm എന്നീ തരംഗദൈർഘ്യത്തിലുള്ള ഇമേജുകളാണ് ലഭ്യമാക്കുന്നത്. 40സെ.മീറ്റർ(16 ഇഞ്ച്) ഇൻഫ്രാറെഡ് ദൂരദർശിനിയാണ് ഇതിൽ ഉപയോഗിക്കുന്നത്.[10]ഹൈഡ്രജൻ ശീതീകാരി ഒഴിവാക്കിയതിനു ശേഷം നാലു മാസത്തോളം ഭൂസമീപത്തു കൂടി പോകുന്ന ചെറുസൗരയൂഥപദാർത്ഥങ്ങളെ കുറിച്ചു പഠിക്കുന്നതിനു വേണ്ടി ഉപയോഗപ്പെടുത്തി. നിയോവൈസ് എന്നായിരുന്നു ഈ ദൗത്യത്തിനു നൽകിയ പേര്.[11]
വൈസിന്റെ സർവ്വെയിൽ നിന്നും കിട്ടി വിവരങ്ങളും വിശദാംശങ്ങളും ചിത്രങ്ങളുമെല്ലാം 2012 മാർച്ച് 12൹ പൊതുജനങ്ങൾക്കായി സമർപ്പിച്ചു.[12][13][14][15] 2013 ആഗസ്റ്റ് മാസത്തിൽ വൈസ് ദൗത്യം പുനരുജ്ജീവിപ്പിച്ചതായി നാസ വെളിപ്പെടുത്തി. മൂന്നു വർഷത്തേക്കു കൂടിയാണ് ഇങ്ങനെ കാലാവധി നീട്ടിക്കിട്ടിയത്. ഭൂമിയുമായി കൂട്ടിയിടിക്കാൻ സാധ്യതയുള്ള ഛിന്നഗ്രഹങ്ങളെ കണ്ടെത്തുക എന്നതാണ് ഇതിന്റെ പുതിയ ദൗത്യം.[16]
↑Rebecca Whatmore; Brian Dunbar (December 14, 2009). "WISE". NASA. Archived from the original on 2009-11-09. Retrieved December 26, 2009.{{cite web}}: CS1 maint: multiple names: authors list (link)
.jpg)
