വൈപ്പിൻ വിളക്കുമാടം വൈപ്പിൻ ജെട്ടിയിൽ നിന്ന് 5 കിലോമീറ്റർ ദൂരെ പുതുവൈപ്പ് എന്ന സ്ഥലത്താണ് വൈപ്പിൻ വിളക്കുമാടം സ്ഥിതിചെയ്യുന്നത്. 1979 നവംബർ 15നാണ് വൈപ്പിനിലുള്ള വിളക്കുമാടം പ്രവർത്തനസജ്ജമായതെങ്കിലും കൊച്ചിൻ വിളക്കുമാടത്തിന് വളരെ നീണ്ട ചരിത്രമുണ്ട്. 1839 മുതൽ ഫോർട്ട് കൊച്ചിയിൽ നിലവിലുണ്ടായിരുന്ന വിളക്കുമാടമാണ് പിന്നീട് വൈപ്പിനിലേയ്ക്ക് മാറ്റി സ്ഥാപിച്ചത്. സാങ്കേതിക വിശദാംശങ്ങൾ46 മീറ്റർ ഉയരമുള്ള വൃത്താകൃതിയിലുള്ളതും രണ്ട് പാളികളുള്ളതുമായ സിമറ്റ് സിമറ്റ് സ്തംഭമാണീ വിളക്കുമാടത്തിനുള്ളത്. ദീപത്തിന് 28 നോട്ടിക്കൽ മൈൽ ദൂരത്തെത്താനാവുമത്രേ. മെറ്റൽ ഹാലൈഡ് ദീപവും ഡയറക്റ്റ് ഡ്രൈവ് സിസ്റ്റവുമാണിതിൽ ഉപയോഗിച്ചിരിക്കുന്നത്. വിശദമായ വിശദാംശങ്ങളടങ്ങിയ പട്ടിക കാണുക.
ചരിത്രംഫോർട്ട് കൊച്ചിയിലെ പഴയ വിളക്കുമാടം
1839 മുതൽ തന്നെ ഫോർട്ട് കൊച്ചിയിൽ ഒരു വിളക്കുമാടം പ്രവർത്തനത്തിലുണ്ടായിരുന്നു. എണ്ണകൊണ്ടു കത്തുന്ന ദീപമായിരുന്നു പ്രകാശസ്രോതസ്സ്. 1902-ൽ പുതിയ വിളക്കും പ്രകാശപ്രതിഭലന സംവിധാനവും നിലവിൽ വന്നു. 1914-ൽ വീണ്ടും പരിഷ്കരണങ്ങൾ നടത്തപ്പെട്ടു. 1920-ൽ 10 മീറ്റർ ഉയരമുള്ള പുതിയ സ്തംഭം നിലവിൽ വന്നു. രണ്ട് കറുപ്പ് വലയങ്ങളും ഒരു വെളുപ്പു നിറത്തിലുള്ള വലയവുമായിരുന്നു ഇതിൽ പൂശിയിരുന്ന നിറങ്ങൾ. പഴയ സ്തംഭത്തിലെ പ്രകാശവിസരണ സംവിധാനം പുതിയ സ്തംഭത്തിലേയ്ക്ക് മാറ്റപ്പെട്ടു. ആർ. സി. ബ്രിസ്റ്റോ എന്ന ഹാർബർ ചീഫ് എഞ്ചിനിയർ 1935-ൽ കൊച്ചി തുറമുഖത്തിന്റെ വികസനത്തിനും നവീകരണത്തിനുമായി ഒരു നാലു ഘട്ട പദ്ധതി ആവിഷ്കരിച്ചു. വെണ്ടുരുത്തി ദ്വീപും ചില തുരുത്തുകളും ചേർത്ത് വെല്ലിംഗ്ടൺ ഐലന്റ് എന്ന പുതിയ ദ്വീപ് നിർമ്മിക്കപ്പെട്ടു. വടക്കു കിഴക്കുഭാഗത്ത് കപ്പലുകളടുക്കുന്ന സ്ഥലം എറണാകുളം വാർഫെന്നും വടക്കുപടിഞ്ഞാറു ഭാഗത്ത് മട്ടാഞ്ചേരി വാർഫ് എന്നുമാണ് അറിയപ്പെട്ടിരുന്നത്. 1936-ൽ പ്രദേശം ആകമാനം വികസിക്കുകയുണ്ടായി. 25 മീറ്റർ ഉയരത്തിലുള്ള സ്റ്റീൽ സ്തംഭം സ്ഥാപിക്കപ്പെട്ടു. ചാരനിറമായിരുന്നു ഇതിന്. ഗാസുപയോഗിച്ചുള്ള ഒരു പ്രകാശസ്രോതസ്സ് ഇതിൽ സ്ഥാപിച്ചു. 1966-ൽ സൺ വാൾവ് എന്ന സംവിധാനം നിലവിൽ വന്നു. കൂടുതൽ ഉയരമുള്ളതും ശക്തിയുള്ള ഒരു വൈദ്യുതവിളക്കും റേഡിയോ ബീക്കൺ സംവിധാനവുമുള്ള സ്തംഭം സ്ഥാപിക്കാൻ പദ്ധതിയുണ്ടാക്കപ്പെട്ടു. പക്ഷേ ഫോർട്ട് കൊച്ചി മേഖലയിൽ ഇതിന് സ്ഥലം ലഭ്യമല്ലാതിരുന്നതിനാൽ പുതിയ വിളക്കുമാടം വൈപ്പിൻ ദ്വീപിലെ പുതുവൈപ്പിലേക്കും റേഡിയോ ബീക്കൺ അഴീക്കോടിലേയ്ക്കും മാറ്റാൻ തീരുമാനമെടുത്തു.[1] സ്ഥാനംകൊച്ചിയിലെ വൈപ്പിൻ ദ്വീപിലാണ് ഈ വിളക്കുമാടം സ്ഥാപിക്കപ്പെട്ടിരിക്കുന്നത്. എറണാകുളം ബോട്ട് ജെട്ടിയിൽ നിന്ന് വൈപ്പിനിലേയ്ക്ക് സ്ഥിരം ബോട്ട് സർവീസുണ്ട്. ഫോർട്ട് കൊച്ചിയിൽ നിന്ന് വൈപ്പിനിലേയ്ക്ക് ജങ്കാർ വഴി വാഹനത്തിലെത്താൻ സാധിക്കും. ഹൈക്കോർട്ടിനടുത്തുനിന്ന് ഗോശ്രീ പാലം വഴിയും വടക്കൻ പറവൂരിൽ നിന്നും ഇങ്ങോട്ട് റോഡ് മാർഗ്ഗം എത്തുകയും ചെയ്യാം. വൈപ്പിൻ ജട്ടിയിൽ നിന്ന് ഏകദേശം 8 കിലോമീറ്റർ ദൂരെ പുതുവൈപ്പ് എന്ന സ്ഥലത്താണ് ഈ വിളക്കുമാടം സ്ഥിതിചെയ്യുന്നത്. ഇവയും കാണുകപുറത്തേയ്ക്കുള്ള കണ്ണികൾഅവലംബം
 Vypin lighthouse എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്. |
||||||||||||||||||||||||||||||||||
.jpg)
Portal di Ensiklopedia Dunia
