വോസ്തോക്ക് തടാകം

ഇംഗ്ലീഷ് വിലാസം

https://ml.wikipedia.org/wiki/Lake_Vostok

അന്റാർട്ടിക്കയിൽ ഹിമാവരണത്തിനു താഴെയുള്ള തടാകങ്ങളിൽ ഏറ്റവും വലുതാണ് വോസ്തോക്ക് തടാകം. സെൻട്രൽ അന്റാർട്ടിക് ഐസ്ഷീറ്റിൽ 4000 മീറ്റർ(13,000 അടി) താഴെയാണ് ഈ തടാകത്തിന്റെ കിടപ്പ്. തടാകത്തിന്റെ ഏറ്റവും വിസ്തൃതമായ ഭാഗത്ത് 250 കിലോമീറ്റർ നീളവും 50 കിലോമീറ്റർ വീതിയുമുണ്ട്. 14,000 ച.കി.മീ വിസ്തൃതിയുള്ള തടാകത്തിന്റെ മധ്യത്തിൽ ഒരു ദ്വീപുണ്ടെന്ന് 2005 മെയിൽ കണ്ടെത്തി. റഷ്യയുടെ അന്റാർട്ടിക് ഗവേഷണകേന്ദ്രമായ വോസ്തോക്ക് സ്റ്റേഷനടിയിൽ കണ്ടെത്തിയതുകൊണ്ടാണ് തടാകത്തിന് ആ പേരു കിട്ടിയത്. റഷ്യൻ ഭാഷയിൽ വോസ്തോക്കിന് കിഴക്ക് എന്നാണർത്ഥം.

1996 ൽ റഷ്യൻ, ബ്രീട്ടിഷ് ശാസ്ത്രജ്ഞരാണ് തടാകത്തിന്റെ അസ്തിത്വം കണ്ടുപിടിച്ചത്. 2005 ഏപ്രിലിൽ ജർമ്മൻ, റഷ്യൻ ശാസ്ത്രജ്ഞന്മാർ ചേർന്ന് തടാകത്തിൽ തിരകൾ ഉണ്ടാകുന്നതായി കണ്ടെത്തി. സൂര്യന്റെയും ചന്ദ്രന്റെയും സ്ഥാനമനുസരിച്ച് തടാകത്തിന്റെ ജലനിരപ്പിൽ നേർത്ത വ്യത്യാസമുണ്ടാകുന്നതായും അവർ തിരിച്ചറിഞ്ഞു.