ശ്രീ ശങ്കരാചാര്യ സംസ്കൃത സർവകലാശാല

ഇംഗ്ലീഷ് വിലാസം

https://ml.wikipedia.org/wiki/Sree_Sankaracharya_University_of_Sanskrit

ശ്രീ ശങ്കരാചാര്യ സംസ്കൃത സർവ്വകലാശാല

സർവകലാശാലയുടെ മുദ്ര
തരം	പൊതുമേഖല
സ്ഥാപിതം	1993
ചാൻസലർ	കേരള ഗവർണ്ണർ
വൈസ്-ചാൻസലർ	ഡോ. ധർമ്മരാജ് അടാട്ട്
അദ്ധ്യാപകർ	165[1]
സ്ഥലം	കാലടി, കേരളം, ഇന്ത്യ 10°10′13″N 76°26′19″E / 10.17028°N 76.43861°E / 10.17028; 76.43861
വെബ്‌സൈറ്റ്	ഔദ്യോഗിക വെബ്സൈറ്റ്

ശ്രീ ശങ്കരാചാര്യ സംസ്കൃത സർവകലാശാല എറണാകുളം ജില്ലയിലെ കാലടിയിൽ പൂർണ്ണാനദിയുടെ (പെരിയാർ) തീരത്താണ്^[2] സ്ഥിതി ചെയ്യുന്നത്. പ്രമുഖ ദാർശനികനും സന്ന്യാസിയുമായിരുന്ന ആദി ശങ്കരാചാര്യരുടെ പേരിലുള്ള ഈ സർവകലാശാല 1993ലാണ് സ്ഥാപിതമായത്.

ശ്രീ ശങ്കരാചാര്യ സംസ്കൃത സർവകലാശാലയുടെ പ്രധാന ലക്ഷ്യങ്ങൾ സംസ്കൃതത്തിന്റെ വിവിധ ശാഖകൾ, ഭാരതസംസ്കാരം, ഭാരതീയ ഭാഷകൾ, ഭാരതീയ തത്വജ്ഞാനം, കല, വിദേശ ഭാഷകൾ, സാമൂഹ്യശാസ്ത്രം എന്നീ മേഖലകളിൽ വിജ്ഞാനം പകരുക എന്നതാണ്.^[2] കൂടാതെ സംസ്കൃതഭാഷയുടെ പഠനവും അതിലെ ഗവേഷണവും പ്രോത്സാഹിപ്പിക്കുക, സംസ്കൃതത്തെ പരിപോഷിപ്പിക്കുന്ന മറ്റു ഭാഷകളെ ദേശീയ-അന്തർദേശീയ തലങ്ങളിൽ അഭിവൃദ്ധിപ്പെടുത്തുക എന്നിവയും പ്രഖ്യാപിത ലക്ഷ്യങ്ങളിൽ പെടുന്നു.^[2]

ശ്രീ ശങ്കരാചാര്യ സംസ്കൃത സർവകലാശാല സംസ്കൃതത്തിലും ഇതരഭാഷകളിലുമുള്ള രചനകൾ പ്രസിദ്ധീകരിക്കുകയും ഗ്രന്ഥങ്ങൾ ശേഖരിച്ച് സംരക്ഷിക്കുകയും ചെയ്യുന്നു.

ഒൻപത് പ്രാദേശിക കേന്ദ്രങ്ങളിലൂടെ ശ്രീ ശങ്കരാചാര്യ സംസ്കൃത സർവകലാശാല ഇപ്പോൾ പ്രവർത്തിക്കുന്നു. കേരള കലാമണ്ഡലം അടുത്ത കാലത്തായി സർവകലാശാലയുടെ അംഗീകാരം നേടുകയുണ്ടായി.^[2].

തദ്ദേശീയ കേന്ദ്രങ്ങൾ താഴെ പറയുന്നവയാണ്.

• തിരുവനന്തപുരം
• പന്മന
• തുറവൂർ
• ഏറ്റുമാനൂർ
• കാലടി(പ്രധാന കേന്ദ്രം)
• തൃശ്ശൂർ
• തിരൂർ
• കൊയിലാണ്ടി
• പയ്യന്നൂർ

പത്തൊൻപത് വിഭാഗങ്ങളാണ് ശ്രീ ശങ്കരാചാര്യ സംസ്കൃത സർവകലാശാലയിൽ പ്രവർത്തിക്കുന്നത്. അവ താഴെ പറയുന്നവയാണ്.

• തൃശൂരിലെ പാഞ്ഞാൾ ഗ്രാമത്തിലെ പരമ്പരാഗത വേദപണ്ഡിതരുടെ സാമവേദ ഉരുവിടൽ 100 മണിക്കൂർ റെക്കോർഡ് ചെയ്യാനുള്ള പദ്ധതി പൂർത്തിയാക്കി.
• കേരളത്തിന്റെ പരമ്പരാഗത കലാരൂപമായ കൂടിയാട്ടത്തെ പറ്റി 100 മണിക്കൂർ ദൈർഘ്യമുള്ള ഡോക്യുമെന്ററി നിർമിച്ചു. കേന്ദ്ര മാനവവിഭവശേഷി മന്ത്രാലയത്തിന്റെ സാമ്പത്തിക പിന്തുണയോടുകൂടി നടത്തിയ ഈ പദ്ധതിയുടെ ചിത്രീകരണം നടത്തിയത് കേരള സംസ്ഥാന ചലച്ചിത്രവികസന കോർപ്പറേഷൻ ആണ്. 100 മണിക്കൂറിലെ 75 മണിക്കൂർ കൂടിയാട്ടം അവതരണത്തിനും 25 മണിക്കൂർ പ്രമുഖ കലാകാരന്മാരുടെ അഭിമുഖങ്ങൾക്കുമായി മാറ്റിവെച്ചു. 10 ഭാഗങ്ങളായാണ് ഇതിന്റെ നിർമ്മാണം നിർവഹിച്ചത്. 25 മിനുട്ട് ദൈർഘ്യമുള്ള 9 ഭാഗങ്ങളും 50 മിനുട്ട് ദൈർഘ്യമുള്ള 1 ഭാഗവും ചേർന്ന ഈ ഡോക്യുമെന്ററി കേരള കലാമണ്ഡലം, വൈലോപ്പിള്ളി സംസ്കൃതി ഭവൻ, ചിത്രാഞ്ജലി സ്റ്റുഡിയോ, സർവകലാശാലയുടെ കാലടി കേന്ദ്രത്തിലുള്ള കൂത്തമ്പലം എന്നിവിടങ്ങളിലാണ് ചിത്രീകരിച്ചത്.

സർവ്വകലാശാല കാമ്പസിലെ ഒരു പ്രധാന നിർമ്മിതിയാണ് ഇവിടുത്തെ പുരാണചിത്രമതിൽ. 1999 - 2000 കാലഘട്ടത്തിൽ ഇവിടുത്തെ അദ്ധ്യാപകനും പ്രശസ്ത ചുമർച്ചിത്രകലാകാരനുമായ കെ.കെ. സുരേഷാണ് 1600 അടി നീളത്തിലും അഞ്ചടി വീതിയിലും സിമന്റിൽ ഇത് നിർമ്മിച്ചത്. പുരാണചിത്രങ്ങൾ ആലേഖനം ചെയ്യപ്പെട്ട ഈ മതിൽ 2000-ൽ ലിംകാ ബുക്ക് ഓഫ് റെക്കോഡ്സിലേക്ക് നിർദ്ദേശിക്കപ്പെട്ടതായിരുന്നു. തുടർന്നു വന്ന വർഷങ്ങളിലെ അശ്രദ്ധമായ കൈകാര്യം മൂലം ഇത് കാടുകയറുകയും ഒരു ഭാഗം നിലം പതിക്കുകയും ചെയ്തു. 2014-ൽ വീണ്ടും ഈ മതിൽ വൃത്തിയാക്കിയിരുന്നു.^[3]

• ആദി ശങ്കരാചാര്യർ

1. ↑ "ആർക്കൈവ് പകർപ്പ്". Archived from the original on 2012-09-09. Retrieved 2012-09-07.
2. ↑ ^{2.0 2.1 2.2 2.3} "ആർക്കൈവ് പകർപ്പ്". Archived from the original on 2012-09-09. Retrieved 2012-09-07.
3. ↑ "സംസ്‌കൃത സർവ്വകലാശാല പുരാണ ചിത്രമതിലിന് ശാപമോക്ഷം". ജന്മഭൂമി. 20 സെപ്റ്റംബർ 2014. Archived from the original (പത്രലേഖനം) on 2014-09-22. Retrieved 22 സെപ്റ്റംബർ 2014.

Sree Sankaracharya University of Sanskrit എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

• സർവകലാശാലയുടെ ഔദ്യോഗിക വെബ്സൈറ്റ്