ശ്രീ സി. അച്യുതമേനോൻ ഗവണ്മെന്റ് കോളേജ്
ശ്രീ സി അച്യുതമേനോൻ ഗവണ്മെന്റ് കോളേജ് തൃശൂരിലെ കുട്ടനെല്ലൂരിലാണ് സ്ഥിതിചെയ്യുന്നത്. ഈ കോളേജ് കാലിക്കട്ട് സർവ്വകലാശാലയുടെ കീഴിലാണ് പ്രവർത്തിക്കുന്നത്. ഇവിടെ ഹോസ്റ്റൽ സൗകര്യങ്ങൾ ഉണ്ട്. ആർട്സ്, സയൻസ്, കൊമേഴ്സ് വിഷയങ്ങളിലുള്ള ബാച്‍ലർ ഡിഗ്രി കോഴ്സുകൾ ഇവിടെ നടത്തപ്പെടുന്നു.[1][2] ചരിത്രം1972 ലാണ് തൃശ്ശൂർ ഗവണ്മെന്റ് കോളേജ് സ്ഥാപിതമായത്. തൃശൂരിൽ ഒരു ഗവണ്മെന്റ് കോളേജ് വേണമെന്നുള്ള സമൂഹത്തിന്റെ വിവിധ കോണിൽ നിന്നുള്ള് ആവശ്യത്തെത്തുടർന്നാണ് ഇത് സംഭവിച്ചത്. ഉന്നത വിദ്യാഭ്യാസ രംഗത്തെ മികവ് പ്രോത്സാഹിപ്പിക്കുന്നതിനും സമൂഹത്തിലെ പിന്നോക്ക വിഭാഗങ്ങളുടെ ഉന്നമനവും ലക്ഷ്യമാക്കിയാണ് കോളേജ് സ്ഥാപിതമായത്. 1972 ഓഗസ്റ്റ് 14 ന് ഇപ്പോഴത്തെ ഗവണ്മെന്റ് ട്രെയിനിംഗ് കോളേജിന്റെ ക്യാമ്പസിൽ 200 കുട്ടികളും 9 അദ്ധ്യാപകരുമായാണ് ഈ കോളേജ് പ്രവർത്തനമാരംഭിച്ചത്. പ്രഫ. സുബ്ബയ്യൻ ടി.ആറായിരുന്നു ആദ്യത്തെ പ്രിൻസിപ്പാൾ. തേഡ് ഗ്രൂപ്പിനും ഫോർത്ത് ഗ്രൂപ്പിനുമുള്ള ഓരോ പ്രീഡിഗ്രിബാച്ചും ചരിത്രത്തിനും കൊമേഴ്സിനുമുള്ള ഡിഗ്രിബാച്ചുകളുമായാണ് കോളേജിന്റെ തുടക്കം. 28 ഒക്ടോബർ 1972 ന് അന്നത്തെ മുഖ്യമന്ത്രിയായിരുന്ന സി. അച്യുതമേനോനാണ് കോളേജിന്റെ ഉദ്ഘാടനം നിർവ്വഹിച്ചത്. 1976 ൽ ബി.എ. ഇംഗ്ലീഷും 1978 ൽ ബി.കോമും തുടങ്ങി. 1984 ലാണ് ആദ്യ എം.കോം ബാച്ച് തുടങ്ങിയത്. ഇതോടെ ഇത് ഒരു പോസ്റ്റ് ഗ്രാജ്യുവേറ്റ് കോളേജായി മാറി. കോളേജിന്റെ നല്ല പ്രകടനത്തിനും വികസനത്തിനുമുള്ള സാധ്യതയെ അംഗീകരിക്കുകയും കുട്ടനാട്ടൂരിൽ സ്വന്തമായി ഒരു 25 ഏക്കർ ഉള്ള ക്യാമ്പസിലേക്ക് കോളേജ് മാറ്റാൻ തീരുമാനിച്ചു. 20 ഏപ്രിൽ 1985 ന് അന്നത്തെ മുഖ്യമന്ത്രിയായിരുന്ന ശ്രീ. കെ. കരുണാകരനാണ് പുതിയ കെട്ടിടത്തിന്റെ തറക്കല്ലിട്ടത്. 1991 ൽ കോളേജ് പുതിയ ക്യാമ്പസിലേക്ക് മാറ്റിസ്ഥാപിച്ചു. അതിനുശേഷം മൂന്ന് പുതിയ പോസ്റ്റ്-ഗ്രാജ്യുവേറ്റ്ബാച്ചുകൾ ഹിസ്റ്ററി, എകണോമിക്സ്, ഇംഗ്ലീഷ് എന്നീ വിഷയങ്ങളിൽ 1995, 1996, 1998എന്നീവർഷങ്ങളിൽ ആരംഭിച്ചു. 1997 കോളേജിന്റെ സിൽവർ ജ്യൂബിലി വർഷത്തിൽ കോളേജിനെ ശ്രീ. സി. അച്യുതമേനോൻ ഗവണ്മെന്റ് കോളേജ് എന്ന് പുനർനാമകരണം ചെയ്തു. വിഭാഗങ്ങൾ
Academic coursesഇവിടെ ഗ്രാജ്യുവേറ്റ് കോഴ്സുകളും പോസ്റ്റ് ഗ്രാജ്യുവേറ്റ് കോഴ്സുകളും പഠിപ്പിക്കുന്നുണ്ട് അണ്ടർ-ഗ്രാജ്യുവേറ്റ് കോഴ്സുകൾ
പോസ്റ്റ്-ഗ്രാജ്യുവേറ്റ് കോഴ്സുകൾ
അവലംബങ്ങൾ
പുറത്തേക്കുള്ള കണ്ണികൾ Sri C. Achutha Menon Government College എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്. |
||||||||||||||||
Portal di Ensiklopedia Dunia
