ഷാർക് ഉൾക്കടൽ
പടിഞ്ഞാറൻ ഓസ്ട്രേലിയയിലെ ഒരു ഉൾക്കടലും യുനെസ്കൊ ലോക പൈതൃകകേന്ദ്രവുമാണ് ഷാർക് ഉൾക്കടൽ (ഇംഗ്ലീഷ്: Shark Bay). 2,200,902 ഹെക്ടറോളം വിശാലമായ് ഈ പൈതൃക മേഖല പെർത്തിൽനിന്നും 800 കിലോമീറ്റർ വടക്കായാണ് സ്ഥിതിചെയ്യുന്നത്. ഓസ്ട്രേലിയൻ ഭൂഖണ്ഡത്തിന്റെ ഏറ്റവും പടിഞ്ഞാറേ അറ്റവുമാണ് ഈ പ്രദേശം. 2011-ലെ കാനേഷുമാരി പ്രകാരം 1000-ത്തിൽ താഴെ ആളുകൾ മാത്രമേ ലോകപൈതൃകമേഖലയിൽ പെടുന്ന പ്രദേശത്തിന്റെ പരിധിക്കുള്ളിൽ വസിക്കുന്നുള്ളൂ. അര ഡസ്സണോളം വരുന്ന ചെറിയ സമൂഹങ്ങളായി കഴിയുന്ന ഇവർ മൊത്തം ഭൂവിസ്തൃതിയുടെ വെറും 1% മാത്രമേ അതിവസിക്കുന്നുള്ളൂ. 1991-ലാണ് ഈ ഉൾക്കടലും അതിനോട് ചേർന്നുള്ള പ്രദേശങ്ങളും ലോകപൈതൃക പട്ടികയിൽ ഇടം നേടിയത്. 2,200,902 ഹെക്ടർ വരുന്ന ഈ പ്രദേശത്തിന്റെ 70%വും കടലാണ്. നിരവധി സംരക്ഷിത പ്രദേശങ്ങളും ഇതിൽ ഉൾക്കൊള്ളുന്നുണ്ട്. ഷാർക് ഉൾക്കടൽ- സാമുദ്രിക ഉദ്യാനം, ഫ്രാങ്കോ പെറോ ദേശീയോദ്യാനം, ഹാമെലിൻ പൂൾ സംരക്ഷിത സമുദ്ര മേഖല തുടങ്ങിയവ അതിൽ ചിലതാണ്.[1] ഡെൻഹാമും യൂസ് ല്ലെസ്സ് ലൂപ്പും ഇതിന്റെ അതിരുകളാണ്. അവലംബം
കൂടുതൽ വായനക്ക്
|
||||||||||||||||||
Portal di Ensiklopedia Dunia
