സയാമീസ് ഇരട്ടകൾ

ഭ്രൂണാവസ്ഥയിൽത്തന്നെ ശരീരം ഒട്ടിച്ചേർന്ന നിലയിൽ ജനിക്കുന്ന ഇരട്ടക്കുട്ടികളാണ് സയാമീസ് ഇരട്ടകൾ (Conjoined twins) ^[1]. ഒട്ടിച്ചേർന്ന ഇരട്ടകുട്ടികളുടെ മുൻഭാഗമോ പിൻഭാഗമോ പൂർണമായോ ഭാഗികമായോ ഒട്ടിച്ചേർന്നിരിക്കാം. ശരീരത്തിനുള്ളിലെ അവയവങ്ങൾ രണ്ടു കുട്ടികൾക്കും വെവ്വേറെയുണ്ടാവാം. ഇങ്ങനെയെങ്കിൽ ഈ കുട്ടികളെ ശസ്ത്രക്രിയയിലൂടെ വേർപെടുത്താം. ചിലപ്പോൾ പ്രധാനപ്പെട്ട ശരീരാവയവങ്ങൾ രണ്ടു കുട്ടികൾക്കുംകൂടി ഒന്നുമാത്രമേ കാണുകയുള്ളു. ഇങ്ങനെയുള്ള ഇരട്ടക്കുട്ടികൾക്ക് വെവ്വേറെയുള്ള ജീവിതം അസാധ്യമാണ്.

വളരെ അപൂർവ്വമായി മാത്രമേ സയാമീസ് ഇരട്ടകൾ ജനിക്കാറുള്ളു. ശരാശരി ഒരുലക്ഷത്തി ഇരുപതിനായിരത്തിന് ഒന്ന് എന്ന അംശബന്ധത്തിലാണ് ഇത്തരം ജനനം നടക്കുന്നത്^[2]. എഴുപത് ശതമാനം ശിശുക്കളും ജനിച്ച ഉടൻ തന്നെ മരണപ്പെടുന്നു. രക്ഷപ്പെടുന്നത് കൂടുതലും പെൺശിശുക്കളാണ്^[3]. സസ്തനികളെക്കൂടാതെ മത്സ്യങ്ങൾ, ഉരഗങ്ങൾ, പക്ഷികൾ തുടങ്ങിയ ജീവികളിലും ഈ പ്രതിഭാസം കാണാറുണ്ട്^[4].

ഗർഭധാരണത്തിന്റെ ആദ്യനാളുകുളി‍ലാണ് ഭ്രൂണം വിഘടിക്കുന്നത്. ഇത് പൂർണ്ണമായി നടക്കാതെ വിഭജനം അവസാനിക്കുമ്പോഴാണ് സയാമീസ് ഇരട്ടകൾ ഉണ്ടാവുന്നത് ^[5].

• 
  Conjoined brothers from Nuremberg Chronicle (1493).
• 
  Conjoined twin sisters from Nuremberg Chronicle (1493).
• 
  Larco Museum Collection Lima, Peru.
• 
  Chang and Eng Bunker, watercolor on ivory, 1835 or 1836
• 
  Grave of Eng and Chang Bunker near Mt. Airy, North Carolina
• 
  Conjoined twin lambs

1. ↑ "ആർക്കൈവ് പകർപ്പ്". Archived from the original on 2015-06-25. Retrieved 2020-03-08.
2. ↑ http://www.scielo.br/scielo.php?pid=S1807-59322006000200013&script=sci_arttext
3. ↑ http://emedicine.medscape.com/article/934680-overview
4. ↑ http://emedicine.medscape.com/article/934680-overview
5. ↑ http://www.nirbhayam.com/conjoined-twins-who-share-a-single-body-with-two-heads-cry-moments-after-being-born/