ജർമ്മൻ വീൽചെയർ ടെന്നീസ് താരമാണ് സാബിൻ എല്ലെർബ്രോക്ക് (ജനനം: നവംബർ 1, 1975) [2] വീൽചെയർ വനിതാ സിംഗിൾസിൽ 2013-ലെ ഫ്രഞ്ച് ഗ്രാൻസ്ലാം ചാമ്പ്യനായിരുന്നു എല്ലെർബ്രോക്ക്.
ടെന്നീസ് കരിയർ
എല്ലെർബ്രോക്ക് 25 വർഷത്തോളം ടെന്നീസ് മത്സരങ്ങളിൽ പങ്കെടുത്തു. [3] 2007-ൽ ഒരു ശസ്ത്രക്രിയയ്ക്ക് ശേഷം അവർക്ക് കാലിൽ അണുബാധയുണ്ടായതിനെ തുടർന്ന് 2009-ൽ വീൽ ചെയർ ടെന്നീസ് കളിക്കാൻ തുടങ്ങി.[3]
2013-ഇതുവരെ
2013 സീസണിനിടെ എല്ലെർബ്രോക്ക് ക്വീൻസ്‌ലാന്റ്, [4]അഡ്‌ലെയ്ഡ്, [5]നോട്ടിംഗ്ഹാം, [6]സാൽ‌സ്ബർഗ്,[7] ഗ്രോസ്-സീഗാർട്ട്സ്, [8] ടൂറിൻ, സാർഡിനിയ[9][10]എന്നിവിടങ്ങളിൽ കിരീടങ്ങൾ നേടി. പാരീസിലും ജാംബെസിലും പരാജയപ്പെട്ട ഫൈനലിലെത്തിയ കളിക്കാരിയായിരുന്നു എല്ലെർബ്രോക്ക്.[11][12]എല്ലെർബ്രോക്ക് മെൽബണിൽ നടന്ന ആദ്യ ഗ്രാൻസ്ലാം മത്സരത്തിൽ ഫൈനലിലെത്തി. ഏഴ് മാച്ച് പോയിന്റുകൾ ലഭിക്കുകയും അവസാന സെറ്റിൽ 2–5 ൽ എത്തുകയും ചെയ്തെങ്കിലും മൂന്നാം സെറ്റിൽ 5-7 ന് തോറ്റതിനാൽ എല്ലാം വെറുതെയായി.[13][14]എന്നിരുന്നാലും എല്ലെർബ്രോക്ക് തന്റെ ആദ്യ ഗ്രാൻസ്ലാം കിരീടം റോളണ്ട് ഗാരോസിൽ നേടി.[15] എല്ലെർബ്രോക്ക് ന്യൂയോർക്കിലെ റണ്ണറപ്പായിരുന്നു.[16]ഈ സീസണിൽ ഫ്രഞ്ച് ഓപ്പണിന് ശേഷം എല്ലെർബ്രോക്ക് ലോക ഒന്നാം സ്ഥാനത്തെത്തി. അവിടെ ഫൈനലിൽ തോറ്റു. എന്നാൽ സെമി ഫൈനലിൽ അനീക്ക് വാൻ കൂട്ട് പരാജയപ്പെട്ടതോടെ ജൂലൈ 1 ന് സാബീന് ഒന്നാം സ്ഥാനം നേടാൻ സാധിച്ചു.[17]ന്യൂയോർക്കിൽ നടന്ന യുഎസ് ഓപ്പൺ ഫൈനലിൽ ഡച്ച് കളിക്കാരിയോട് പരാജയപ്പെട്ടതിന് ശേഷം വാൻ കൂട്ടിന് വേണ്ടി അവർ സ്ഥാനം ഉപേക്ഷിച്ചു.[16]
ഡബിൾസ് മത്സരത്തിൽ എല്ലെർബ്രോക്ക് ജാംബസിൽ മോണ്ട്ജെയ്നൊപ്പം റണ്ണറപ്പായി.[12] സാൽസ്ബർഗിലും സാർഡിനിയയിലും മരിയാന ലോറോയ്‌ക്കൊപ്പം എല്ലെർബ്രോക്ക് വിജയിച്ചു.[7][10]റോളണ്ട് ഗാരോസിൽ ഷാരോൺ വാൽറവനോടും ന്യൂയോർക്കിൽ യുയി കമിജിയോടുമൊപ്പം റണ്ണറപ്പ് ആയി.[15][18]എല്ലെർബ്രോക്ക് ഓസ്ട്രേലിയൻ ഓപ്പൺ ജയിച്ചതിനുശേഷമാണ് 2014-ലെ സീസൺ ആരംഭിച്ചത്. വാൻ കൂട്ടിന് പരിക്കേറ്റതിനെ തുടർന്ന് അവർ ലോക ഒന്നാം നമ്പർ സ്ഥാനത്തേക്ക് എത്തി.[19]
