സെൻട്രൽ ജയിൽ, വിയ്യൂർ10°33′39″N 76°13′12″E / 10.5608803°N 76.220000°E
കേരളത്തിലെ തൃശ്ശൂർ ജില്ലയിലെ വിയ്യൂരിൽ സ്ഥിതി ചെയ്യുന്ന സെൻട്രൽ ജയിലാണ് വിയ്യൂർ സെൻട്രൽ ജയിൽ. 1914 ൽ കൊച്ചിരാജ്യത്തിന്റെ ഭാഗമായി ആരംഭിച്ച ഈ ജയിൽ സ്വാതന്ത്ര്യാനന്തരം കേരളത്തിലെ മൂന്നു സെൻട്രൽ ജയിലുകളിൽ ഒന്നായി മാറി. കണ്ണൂരിലും തിരുവനന്തപുരത്തെ പൂജപ്പുരയിലുമാണ് മറ്റ് രണ്ട് സെൻട്രൽ ജയിലുകൾ ഉള്ളത്.[1] വിയ്യൂർ സെൻട്രൽ ജയിലിനോട് ചേർന്ന് സ്പെഷൽ സബ് ജയിൽ, പുതിയ സബ് ജയിൽ, മദ്ധ്യമേഖലാ ഡി ഐ ജി ഓഫീസ്, ജീവനക്കാരുടെ താമസസ്ഥലം എന്നിവയുണ്ട്. കൃഷിക്കുപയോഗ്യമായ രീതിയിൽ ജയിലിലെ ബാക്കി സ്ഥലം വിനിയോഗിക്കുന്നു. ചരിത്രംഏതാണ്ട് 300 വർഷങ്ങൾക്ക് മുമ്പ് വടക്കുംനാഥക്ഷേത്രത്തിനു സമീപമായിരുന്നു തൃശ്ശൂർ ജയിൽ ഉണ്ടായിരുന്നത്. ശക്തൻ തമ്പുരാന്റെ ഭരണകാലത്ത് തൃശ്ശൂർ പൂരം അരങ്ങേറുമ്പോൾ തടവുകാർക്കുകൂടിയാസ്വദിക്കാൻ പാകത്തിൽ പ്രത്യേകസ്ഥലത്ത് കുടമാറ്റം നടത്തിയിരുന്നത്രേ. 1914-ൽ ക്ഷേത്രഭാരവാഹികളുടെ അഭ്യർത്ഥന മാനിച്ച് ഈ ജയിൽ വിയ്യൂരിലേക്ക് മാറ്റുകയാണുണ്ടായത്. കെട്ടിടഘടനവൃത്താകൃതിയിൽ 968 മീറ്റർ ചുറ്റളവും 150 മീറ്റർ ശരാശരി വ്യാസാർദ്ധവും 5.5 മീറ്റർ ഉയരവും ഉള്ള മതിലാണ് ജയിലിന്റേത്. ഉള്ളിൽ 17 മീറ്റർ ഉയരമുള്ള ഒരു നിരീക്ഷണഗോപുരം ഉണ്ട്. പുഷ്പദളാകൃതിയിൽ 6 കെട്ടിടങ്ങൾ ഓഫീസ് കെട്ടിടത്തിനുനേരെച്ചൂണ്ടുന്ന രീതിയിൽ ഉണ്ട്. ഇതിൽ നാലെണ്ണം 44 സെല്ലുകൾ വീതമുള്ളവയാണ്. ബാക്കി 2 സെല്ലുകളിൽ ഡോർമിറ്ററി രീതിയിൽ 4 വലിയ മുറികൾ ഉള്ളതിൽ അഞ്ചാമത്തെ കെട്ടിടം സ്ത്രീകളുടെ വിഭാഗമാക്കി മാറ്റിയിരിക്കുന്നു. ഇതോടൊപ്പം അടുക്കള, സൂക്ഷിപ്പുമുറി, നിർമ്മാണശാലകൾ, ലൈബ്രറി, ആശുപത്രി, ആരാധനാകേന്ദ്രങ്ങൾ എന്നിവയും സ്ഥിതി ചെയ്യുന്നു. അവലംബം<references>  Central Prison, Viyyur എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.
|
||||||||||||||||
Portal di Ensiklopedia Dunia
