ကိုကိုနိုင်၊ မွန်ပြည်နယ် (ရွှေဆိုင်းတော်မင်္ဂလာ)

ဤ ဆောင်းပါးသည် စိစစ်အတည်ပြုနိုင်ရန်အတွက် နောက်ထပ်ကိုးကားချက်များ လိုအပ်နေသည်။ ကျေးဇူးပြု၍ ယုံကြည်စိတ်ချရသော ရင်းမြစ်များ ကိုးကားထည့်သွင်းခြင်းဖြင့် ဤဆောင်းပါးကို ပြည့်စုံတိုးတက်လာအောင် ကူညီပေးပါ။ အကိုးအကားရင်းမြစ် မပါရှိသော အကြောင်းအရာများသည် စိန်ခေါ်ခြင်းခံရပြီး ဖယ်ရှားခံရနိုင်သည်။

မွန်ပြည်နယ် ကိုကိုနိုင် သည် မြန်မာနိုင်ငံသား ဆိုင်းဆရာဖြစ်သည်။^{[၁] [၂]} "မွန်ပြည်နယ် ကိုကိုနိုင် မင်္ဂလာဆိုင်း" အမည်ဖြင့် ဆိုင်းအဖွဲ့ ကို တည်ထောင်ထားသည်။

ဖခင် ဦးစံပွင့် နှင့် မိခင် ဒေါ်ဖွားသင် တို့မှ ၁၉၆၆ မတ်လ ၁၄ ရက်နေ့ တွင် မော်လမြိုင်မြို့၊ ငန်းတေးရပ်ကွက် တွင် ဖွားမြင်သည်။ မွေးချင်း ဆယ်ယောက်တွင် အငယ်ဆုံးဖြစ်သည်။

ဆရာ ဦးကိုကိုနိုင် ၏ သား မင်းကိုကိုထက် သည် ဖခင် အမွေကို ဆက်ခံပြီး ဆိုင်းဆရာတဦး ဖြစ်လာသည်။

ဆိုင်းကို အသက် ၆ နှစ်သားမှ စတင်တီးခတ်ခဲ့သည်။ လက်ဦးဆရာမှာ စိန်မြတင်ဖြစ်သည်။ အသက် ၁၆ နှစ် အရွယ်တွင် ဆိုင်းဆရာကြီး ကြို့ပင်ကောက် ဦးကြည်လှိုင်၏ သင်ကြားပြသမှုဖြင့် "မွန်ပြည်နယ်ကိုကိုနိုင်" ဆိုင်းအဖွဲ့ကို တည်ထောင်ခဲ့သည်။ ဆရာများမှာ မော်လမြိုင်စိန်ကုလား၊ စိန်သန်းမြင့်၊ စိန်လှမြိုင်၊ စိန်စတင်း၊ မြစတင်း တို့ဖြစ်သည်။

မြန်မာ့ရိုးရာ အဆို အက အရေး အတီး ဗဟိုအဆင့် ပြိုင်ပွဲများတွင် ပညာရှင်အဆင့် ဆိုင်းအတီး ရွှေတံဆိပ် (၆) ဆုရှင်ဖြစ်သည်။ ဆိုင်းပြိုင်ပွဲ ဒိုင်လူကြီး အဖြစ်လည်း တာဝန်ထမ်းဆောင်ခဲ့သည်။

ကမ္ဘာကျော် တေးသံသွင်းမှ ထုတ်လုပ်ဖြန့်ချိခဲ့သော ဆိုင်းတီးလုံး စီးရီး (၁၇) ခု ထွက်ရှိခဲ့ပြီးဖြစ်သည်။

1. ဂီတမြတ်မွန် ဓမ္မတေး ဧည့်ခံဆိုင်း (အဆို စိုင်းထီးဆိုင် စိုးစန္ဒာထွန်း ဇော်ဝမ်း ရီရီသန့် တွံတေးစိုးအောင် ကိုထွန်းရွှေ ရာဇာဝင်းတင့် ယမင်းသူ တို့နှင့် တွဲဖက်)
2. အလှူတော်အကြို ဆိုင်းလက်သံများ (၁)
3. အလှူတော်အကြို ဆိုင်းလက်သံများ (၂)
4. နတ်လူဗြဟ္မာ သာဓုခေါ်ပါ (အဆို တွံတေးစိုးအောင် နှင့် တွဲဖက်)

ဤ မြန်မာလူပုဂ္ဂိုလ် အတ္ထုပ္ပတ္တိ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ ရှု ပြော ပြင်