ကူပန်မြို့
ကူပန်မြို့ (အင်ဒိုနီးရှား: Kota Kupang, [ˈkupaŋ])၊ (ယခင်က- ကိုးပံ)သည် အင်ဒိုနီးရှားနိုင်ငံ၊ အရှေ့နုဆာတင်ဂါရာပြည်နယ်၏ မြို့တော်ဖြစ်သည်။ ၂၀၂၀တွင် လူဦးရေ ၄၄၂၇၅၈ရှိသည်။ [၄] ၎င်းသည် တီမောကျွန်းပေါ်တွင် အကြီးဆုံးမြို့နှင့် ဆိပ်ကမ်းမြို့ဖြစ်ပြီး တီမောလက်စ်တေ-အင်ဒိုနီးရှား-ဩစတြေးလျ ကြီးထွားမှုတြိဂံ လွတ်လပ်သောကုန်သွယ်မှုဇုန် ၏ အစိတ်အပိုင်းတစ်ခုဖြစ်သည်။ သမိုင်း  အစောပိုင်းသမိုင်းနှင့် ပေါ်တူဂီတို့၏ လွှမ်းမိုးမှုကူပန်သည် ပေါ်တူဂီ နှင့် ဒတ်ခ်ျ ကိုလိုနီခေတ်များအတွင်း အရေးကြီးသော ဆိပ်ကမ်းနှင့် ကုန်သွယ်ရေးစခန်းဖြစ်သည်။ ထိုမြို့၌ ကိုလိုနီခေတ်၏ အပျက်အစီးများနှင့် အကြွင်းအကျန်များ ရှိသေးသည်။ ဒတ်ခ်ျအရှေ့အိန္ဒိယကုမ္ပဏီ (VOC) မှ ကိုယ်စားလှယ်များသည် ဆိုလော်ကျွန်းပေါ်ရှိ ပေါ်တူဂီခံတပ်ကို သိမ်းပိုက်ပြီးနောက် ၁၆၁၃ခုနှစ်တွင် ကူပန်ကို ပထမဆုံး သိမ်းပိုက်ခဲ့သည်။ ဤအချိန်တွင် မြို့တော်ဧရိယာအား မာလူကူကျွန်းစုရှိ ဆဲရမ်ကျွန်းမှဆင်းသက်လာသူ ဟဲလုံမျိုးနွယ် မှ ရာဇက အုပ်ချုပ်ခဲ့သည်။ ကူပံမြို့သည် တည်နေရာမှနေ၍ ကျွန်း၏တောင်ဘက်ကမ်းရိုးတန်းတစ်လျှောက် သင်္ဘောသွားလာလှုပ်ရှားမှုများကို စောင့်ကြည့်နိုင်သောကြောင့် တီမော၏ အစိတ်အပိုင်းများကို ထိန်းချုပ်ရန်အတွက် စံပြမဟာဗျူဟာမြောက် အနေအထားကို သိမ်းပိုက်ခဲ့သည်။ ထို့အပြင် ကွီနီနိုမြစ် သည် မြို့အတွက် ရေချိုကို ထောက်ပံ့ပေးသည်။[၅] [၆] ကိုးကား
|
||||||||||||||||||||||||||||||||||||||||||||||||
Portal di Ensiklopedia Dunia
