ဂျာမနီ အမျိုးသား ဘောလုံးအသင်း

ဂျာမနီ

Shirt badge/Association crest
အမည်ပြောင်	Nationalelf (national eleven) DFB-Elf (DFB Eleven) Die Mannschaft (The Team)[၁][၂]
အဖွဲ့	German Football Association (Deutscher Fußball-Bund – DFB)
မဟာမိတ်အဖွဲ့	UEFA (ဥရောပ)
နည်းပြချုပ်	Joachim Löw
လက်ထောက် နည်းပြ	Thomas Schneider
အသင်းခေါင်းဆောင်	Manuel Neuer
Most caps	Lothar Matthäus (၁၅၀)
Top scorer	Miroslav Klose (၇၁)
ဖီဖာကုဒ်	GER
FIFA အဆင့်	၁ (၁၇ မေ ၂၀၁၈)
အမြင့်ဆုံး FIFA အဆင့်	၁[၃] (ဒီဇင်ဘာ ၁၉၉၂– ဩဂုတ် ၁၉၉၃၊ ဒီဇင်ဘာ ၁၉၉၃ – မတ် ၁၉၉၄၊ ဇွန် ၁၉၉၄၊ ဇူလိုင် ၂၀၁၄ – ဇွန် ၂၀၁၅၊ ဇူလိုင် ၂၀၁၇၊ စက်တင်ဘာ ၂၀၁၇ – လက်ရှိ)
အနိမ့်ဆုံး FIFA အဆင့်	၂၂[၃] (မတ် ၂၀၀၆)
Elo အဆင့်	၂ (၁၈ ဧပြီ ၂၀၁၈)
အမြင့်ဆုံး Elo အဆင့်	၁ (၁၉၉၀–၉၂၊ ၁၉၉၃–၉၄၊ ၁၉၉၆–၉၇၊ ဇူလိုင် ၂၀၁၄ – မေ ၂၀၁၆၊ အောက်တိုဘာ ၂၀၁၇ – နိုဝင်ဘာ ၂၀၁၇)
အနိမ့်ဆုံး Elo အဆင့်	၂၄ (စက်တင်ဘာ ၁၉၂၄ – အောက်တိုဘာ ၁၉၂၅)
အိမ်ကွင်း ဝတ်စုံရောင် အဝေးကွင်း ဝတ်စုံရောင်
ပထမဆုံး နိုင်ငံတကာပွဲ
ဆွစ်ဇာလန် 5–3 ဂျာမနီ  (Basel, Switzerland; 5 April 1908)[၄]
အကြီးအကျယ် အနိုင်ရ
ဂျာမနီ 16–0 Russian Empire (Stockholm, Sweden; 1 July 1912)[၅]
အကြီးအကျယ် ရှုံး
England Amateurs 9–0 ဂျာမနီ  (Oxford, England; 13 March 1909)[၆][၇]
ကမ္ဘာ့ဖလား
မြင်တွေ့ရမှုများ	၁၈ (First in ၁၉၃၄)
အကောင်းဆုံးရလဒ်	Champions, ၁၉၅၄, ၁၉၇၄, ၁၉၉၀ and ၂၀၁၄
European Championship
မြင်တွေ့ရမှုများ	၁၂ (First in ၁၉၇၂)
အကောင်းဆုံးရလဒ်	Champions, ၁၉၇၂, ၁၉၈၀ and ၁၉၉၆
Confederations Cup
မြင်တွေ့ရမှုများ	၃ (First in ၁၉၉၉)
အကောင်းဆုံးရလဒ်	Champions, ၂၀၁၇

ဂျာမနီ အမျိုးသား ဘောလုံးအသင်း(ဂျာမန်: Die deutsche Fußballnationalmannschaftသည် ဂျာမနီနိုင်ငံကိုယ်စားပြု အမျိုးသား ဘောလုံးအသင်းတစ်သင်းဖြစ်ပြီး ၁၉၀၈ ခုနှစ်တွင် နိုင်ငံတကာပြိုင်ပွဲများတွင် ဝင်ရောက်ယှဉ်ပြိုင်ရန်အတွက် ဖွဲ့စည်းခဲ့သည်။^[၄] ဂျာမနီအမျိုးသား ဘောလုံးအသင်းကို ၁၉၀၀ ခုနှစ်တွင် တည်ထောင်ခဲ့သော ဂျာမနီနိုင်ငံ ဘောလုံးအဖွဲ့ချုပ်(German Football Association (Deutscher Fußball-Bund))မှ စီမံခန့်ခွဲသည်။^[၈][၉] ၁၉၄၉ နှင့် ၁၉၉၀ နှစ်များကြားတွင် မဟယမိတ်တို့၏ ဂျာမနီကိုသိမ်းပိုက်၍ နယ်မြေကွဲထွက်မှုများကြောင့် သီးခြား ဂျာမနီအသင်းများကို ဖီဖာက အသိအမှတ်ပြုပေးခဲ့သည်။ သီးခြားဂျာမနီအသင်းများမှာ ၁၉၄၉ မှ ၁၉၉၀ အထိ အနောက်ဂျာမနီအမည်တွင်သည့် ဂျာမနီသမ္မတပြည်ထောင်စုနိုင်ငံ (Federal Republic of Germany) ကို DFB အသင်းက ကိုယ်စားပြုသည်။ ၁၉၅၀-၁၉၅၆ တွင် ဆား(Sarr) အထိန်းသိမ်းခံနိုင်ငံကို ဆားလန်း အမျိုးသား ဘောလုံးအသင်းက ကိုယ်စားပြုသည်။ ၁၉၅၂-၁၉၉၀ ကြားကာလတွင် အရှေ့ဒီမိုကရက်တစ်သမ္မတနိုင်ငံကို အရှေ့ဂျာမနီ အမျိုးသား ဘောလုံးအသင်းက ကိုယ်စားပြုယှဉ်ပြိုင်ခဲ့သည်။ ဖော်ပြခဲ့သော ဆားအသင်း၊ အရှေ့ဂျာမနီအသင်းတို့သည် အသင်းများနှင့်အတူ မှတ်တမ်းများလည်း ယခု၌ ပျက်ပြယ်ပြီဖြစ်သည်။^{[၁၀][၁၁]} လက်ရှိအသင်းသည် ၁၉၉၀ ၌ ပြန်လည်ပေါင်းစည်းခဲ့သော နိုင်ငံကို ကိုယ်စားပြု၍ တရားဝင်အားဖြင့် Germany FR (FRG)၊ အတိုကောက် Germany (GER) ဟုသုံးစွဲ၏ ။

ဂျာမနီအသင်းသည် အအောင်မြင်ဆုံးအသင်းတစ်သင်းဖြစ်၍ ဖီဖာ ကမ္ဘာ့ဖလားကို ၁၉၅၄၊ ၁၉၇၄၊ ၁၉၉၀၊ ၂၀၁၄ တို့တင် လေးကြိမ်ရရှိခဲ့ကာ ယူအေးဖာ ဥရောပဖလား ပြိုင်ပွဲကို ၁၉၇၂၊ ၁၉၈၀၊ ၁၉၉၆ တို့တွင်ရရှိခဲ့သည်။ ဖီဖာတိုက်ကြီးများဖလားပွဲတွင်လည်း ၂၀၁၇ ၌ အနိုင်ရရှိထားသည်။^[၈] ဒုတိယနေရာကို ဥရောပဖလားပြိုင်ပွဲများ၌ သုံးကြိမ်၊ ကမ္ဘာ့ဖလားပြိုင်ပွဲများတွင် လေးကြိမ်စီရရှိခဲ့သည်။^[၈] အရှေ့ဂျာမနီအသင်းသည် ၁၉၇၆ အိုလံပစ်ပြိုင်ပွဲ၌ ရွှေတံဆိပ်ရရှိဖူးသေးသည်။^[၁၂]

ဂျာမနီသည် ဖီဖာ ကမ္ဘာ့ဖလား၊ ဖီဖာ အမျိုးသမီး ကမ္ဘာ့ဖလားတို့ကို ရရှိထားသော တစ်ခုတည်းသောနိုင်ငံဖြစ်၏ ။^{[၁၃][၁၄]}

၂၀၁၄ ကမ္ဘာ့ဖလားအပြီး၌ အယ်လိုအဆင့်သတ်မှတ်ချက် (Elo rating) ကို အခြားသောနိုင်ငံများထက် အမှတ်ပိုရရှိခဲ့သောကြောင့် (၂,၂၀၅ မှတ်)ဖြင့် ကမ္ဘာ့အမြင့်ဆုံးနေရာကို ရရှိခဲ့သည်။^[၁၅] ဂျာမနီအသင်းသည် အမေရိကတိုက်များ(တောင်၊ မြောက်) ၌ ဖီဖာကမ္ဘာ့ဖလားကို ရယူနိုင်သော တစ်ခုတည်းသော ဥရောပနိုင်ငံဖြစ်သည်။