မာဆူးပီးယယ်

မာဆူးပီးယယ် ; (အင်္ဂလိပ်: Marsupial); Temporal range: 75–0 Ma PreЄ Є O S D C P T J K Pg N ကန်ပန္နီးယန်းခေတ် – လက်ရှိခေတ်
	ဝဲဘက်မှ နာရီလက်တံအတိုင်း။ ။ အရှေ့ဘက်ဒေသ မီးခိုးရောင် သားပိုက်ကောင်, ဗာဂျီနီးယား အိုပေါ့ဆမ်, နှာတံရှည် ဘန်ဒီကု, မွန္နီတိုဒဲမွန်တယ် and တက်စ်မေးနီးယား နတ်ဆိုး၊ Diprotodontia ၊ Didelphimorphia ၊ Peramelemorphia ၊ Microbiotheria နှင့် Dasyuromorphia မျိုးစဉ် တစ်ခုစီမှ တိရစ္ဆာန်များဖြစ်သည်။
မျိုးရိုးခွဲခြားခြင်း
လောက:	Animalia
မျိုးပေါင်းစု:	Chordata
မျိုးပေါင်း:	Mammalia
Clade:	Metatheria
Infraclass:	Marsupialia; Illiger, 1811
မျိုးစဉ်
	Ameridelphia Didelphimorphia; Paucituberculata; ; Australidelphia Microbiotheria; Dasyuromorphia; Peramelemorphia; Notoryctemorphia; Diprotodontia; †Yalkaparidontia; ;
	လက်ရှိကာလတွင် မာဆူးပီးယယ်များအား တွေ့ရှိရသော ဒေသများ (အပြာရောင်။ ။ နယူးဇီလန်သို့ မိတ်ဆက်ရောက်ရှိနေသည့် အခြေအနေမပါဝင်ပါ။)

အချင်းမပါဘဲ သားဖွားသော နို့တိုက်သတ္တဝါ သားပိုက်ကောင်၊ ကွားလားကောင် တို့ကို မာဆူးပီးယယ် (အင်္ဂလိပ်: Marsupial) ဟု ခေါ်ကြသည်။ မွေးကာစ သားပေါက်ငယ်ကို မိခင်၏ ဝမ်းနှင့် တစ်ဆက်တည်းရှိသော အိတ်ငယ်အတွင်း နေထိုင်စေသည်။ မွေးကာစ သားပေါက်ငယ်သည် အမွေးမရှိ၊ ကိုယ်အင်္ဂါစုံ မဖွံ့ဖြိုးသေးဘဲ သားပိုက်အိတ်အတွင်းမှ မိခင်နို့ရည်ကို သုံးဆောင်ပြီး ဆက်လက်ကြီးထွားရသည်။ အချင်းမရှိသောကြောင့် မိခင်လောင်းသည် သန္ဓေသားကို မြန်ဆန်ပေါ့ပါးစွာမွေးဖွားနိုင်သည်။ မွေးဖွားပြီးသား ကလေးငယ်ကို သွားလေရာခေါ်ဆောင်နိုင်သောကြောင့် သဘာဝဘေးနှင့် အခြားသတ္တဝါများ၏ အန္တရာယ်မှာ ကောင်းစွာကာကွယ်ပေးနိုင်သည်။ သားပေါက်ငယ်သည်လည်း မိခင်ဝမ်းအိတ်ထဲမှ နေ၍ အပြင်လောကကို လေ့လာစူးစမ်းရင်း ဆက်လက်ဖွံ့ဖြိုးခွင့်ရသည်။

မာဆူးပီးယယ် (Marsupial) ဆိုသည်မှာ သားပိုက်အိတ်၏ သိပ္ပံအခေါ် (Marsupium) မှ ဆင်းသက်လာချင်း ဖြစ်သည်။ မြန်မာအခေါ်ဖြင့် သားပိုက်ကောင် ဟု အသိများသော ကန်ဂရူး (Kangaroo) များသည် အကောင် အကြီးဆုံး သားပိုက်ကောင်အမျိုးအစားဖြစ်ပြီး ဩစတြေးလျတိုက်တွင် နေထိုင်ကြသည်။ အခြား သားပိုက်ကောင် အမျိုးအစားများမှာ ကွားလားကောင် နှင့် မြန်မာအမည် မရှိသေးသော ဝါလာဘီ (wallabies) ၊ ပိုဆမ် (possums) ၊ အိုပိုဆမ် (opossums) ၊ ဝမ်ဘက် (wombats) နှင့် တက်စမေးနီးယမ်း နတ်ဆိုး (Tasmanian devils) ကောင်များ ဖြစ်သည်။