မိုးညှင်းသမ္ဗုဒ္ဓေ

ဤဆောင်းပါးကို သမ္ဗုဒ္ဓေစေတီ နှင့် ပေါင်းစပ်ရန် အကြံပြုထားပါသည်။ (ဆွေးနွေးရန်)

ပြည်ထောင်စု သမ္မတ မြန်မာနိုင်ငံတော်၊ စစ်ကိုင်း တိုင်းဒေသကြီး၊ မုံရွာမြို့နယ် မုံရွာမြို့၏ အရှေ့တောင်ဘက် (၇)မိုင်ကျော် အကွာ မြေနဲရွာ တွင် မိုးညှင်း ကျောင်းတိုက်ကြီး တည်ရှိသည်။

မိုးညှင်း အမည်မှာ အင်းဝခေတ် သက္ကရာဇ် ၇၈၈ ခုနှစ်တွင် နန်းတက်သော မိုးညှင်းမင်းတရားမှ ဆင်းသက်လာသော အမည်နှင့် သက္ကရာဇ် ၁၃ဝ၁ ခုနှစ်တွင် စတင်တည်ထားခဲ့သော အမည်နှစ်ခု ပေါင်းစပ်ဖွဲ့စည်းမှုအရ ဖြစ်ပေါ်လာသော သမိုင်းပေါင်းကူး အမည်ထူးဖြစ်သည်။

ထို မိုးညှင်းသမ္ဗုဒ္ဓေ ကျောင်းတိုက်အတွင်း သမ္ဗုဒ္ဓေစေတီတော်ကြီးနှင့် တကွထင်ရှားသော သာသနိက အဆောက်အအုံများ များစွာရှိသည်။

၁။ သမ္ဗုဒ္ဓေ စေတီတော် ၂။ အာလိန်ငါးဆင့် ခေါ် တာဝတိံသာ စူဠာမဏိ စေတီတော် ၃။ ကမ္ဘာအကြီးဆုံး ဆင်ခံဘုရားနှစ်ဆူ ၄။ ဝိပသနာတရားများပွားများအားထုတ်ရာ ပဌာန်းအဓိပတိဓမ္မာရုံကြီး ၅။ အချိန်ကာလ တန်ဖိုးပြ ညွန်ကြားလျက် ရှိသော နာရီစင်ကြီး ၆။ သမိုင်းကြောင်းစုံ ခြုံငုံပြသထားသော သမိုင်းပြတိုက်ကြီး ၇။၂ဝရာစု သာသနာပြု ပုဂ္ဂိုလ်ကျော် မိုးညှင်းဆရာတော် ပုံတူပြတိုက် စသည်တို့ဖြစ်သည်။

စေတီတော်ကြီးနှင့် တကွထင်ရှားသော သာသနိက အဆောက်အအုံများ များစွာရှိသည်။ ၁။ သမ္ဗုဒ္ဓေ စေတီတော် ၂။ အာလိန်ငါးဆင့် ခေါ်တာဝတိံသာ စူဠာမဏိ စေတီတော် ၃။ ကမ္ဘာအကြီးဆုံး ဆင်ခံဘုရားနှစ်ဆူ ၄။ ဝိပသနာတရားများပွားများအားထုတ်ရာ ပဌာန်းအဓိပတိဓမ္မာရုံကြီး ၅။ အချိန်ကာလ တန်ဖိုးပြ ညွန်ကြားလျက် ရှိသော နာရီစင်ကြီး ၆။ သမိုင်းကြောင်းစုံ ခြုံငုံပြသထားသော သမိုင်းပြတိုက်ကြီး ၇။၂ဝရာစု သာသနာပြု ပုဂ္ဂိုလ်ကျော် မိုးညှင်းဆရာတော် ပုံတူပြတိုက် စသည်တို့ဖြစ်သည်။

ယခုအနေ မိုးညှင်းသမ္ဗုဒ္ဓေ မိုး ညှင်းသမ္ဗုဒ္ဓေ ကျောင်းတိုက်ကြီးအတွင်း အခြား⁠အခြားသော အဆောက်အဦး များနှင့် လေ့လာဖွယ်ရာများလည်း စုံလင်လှသည်။ နေ့ည ဘုရားဖူးရောက်လာသူတို့ နေထိုင် တည်းခိုရန် အဆောက်အအုံများစွာလည်း ရှိသည်။ နားနေရန် အဆောင်များအဖြစ် ရွေစိတ်ကြိုက် ရွေစိတ်ကြည် ရွေစိတ်ပျှော် ရွေစိတ်အေး ရွေစိတ်ရွင် ရှူ့ခင်းသာ အဆောင် စသည်တို့ရှိသည်။ ညဉ့်အိပ်တည်းခိုရန်အဖြစ် မြတ်သီရိ၊ မြတ်ပီတိ၊ မြတ်ချမ်းသာ အဆောင်များနှင့် ကြည်နူးဖွယ် ၁၊ ၂၊ ၃ စသည့် အဆောင်များ ရှိသည်။ နေ့ည လျှပ်စစ်ဓာတ်အား လွတ်ပေးထားသဖြင့် အမှောင်မချဉ်း အရောင်လင်းလျှက် ရှိသည်။ သောက်သုံးရေအတွက် မြင့်မားသော ရေစင်ကြီးများမှ ရေများ အဆက်မပြက် လွတ်ပေးထားသည်။ မိုးညှင်းသမ္ဗုဒ္ဓေသို့ ဘုရားရောက် တည်းခိုဘူးသူတိုင်း ကိုယ်စိတ်နှစ်ဖြာ ရွင်လန်း ချမ်းသာကြလေသည်။

ယခု အခါ သမ္ဗုဒ္ဓေ စေတီတော်ကြီးနှင့် မိုးညှင်းသမ္ဗုဒ္ဓေ ကျောင်းတိုက်ကြီးကို ကျောင်းတိုက်အတွင်းရှိ သံဃာအဖွဲ့နှင့် ဂေါပကအဖွဲ့တို့က ဖိဖိစီးစီး ထိန်သိမ်းစောင့်လျောက်လျှက် ရှိသည်။ ကျေးဇူးရှင် ပထမဆရာတော် အရှင်မြတ်ကြီး စတင်စိုက်ထူခဲ့သော ပန္နက်မူအတိုင်း အရာရာမှာ အတတ်နိုင်ဆုံး ထိန်းသိမ်း လိုက်နာလျက်ရှိသည်။