သည်အမျိုးသမီး (ရုပ်ရှင်)
ဂုဏ်သရေရှိ အမျိုးသမီးကြီး (အင်္ဂလိပ်: The Lady)အမည်ရှိ ရုပ်ရှင်သည် ပြင်သစ် နာမည်ကျော် ဒါရိုက်တာ လုခ် ဘက်ဆုံ (Luc Besson) ၏ လက်ရာ မြန်မာ့ နိုင်ငံရေးခေါင်းဆောင်တစ်ဦးဖြစ်သူ ဒေါ်အောင်ဆန်းစုကြည်အကြောင်းကို ရိုက်ကူးထားသော ရုပ်ရှင်ဖြစ်သည်။[၆] ဒေါ်စုအဖြစ် တရုတ်နွယ်ဖွား မလေးရှားနိုင်ငံသူ မစ်ရှဲ ယိုး (Michelle Yeoh) ကလည်းကောင်း၊ David Thewlis က ဒေါ်စု၏ ခင်ပွန်း Michael Aris အဖြစ်လည်းကောင်း ပါဝင် သရုပ်ဆောင်ထားသည်။[၇][၈][၉][၁၀] ဇာတ်လမ်း၁၉၄၇ ခုနှစ်တွင် အောင်ဆန်းစုကြည်သည် နှစ်နှစ်သမီးအရွယ်သာရှိသေးပြီး သူ၏ဖခင်ဖြစ်သူ ဗိုလ်ချုပ်အောင်ဆန်းသည် မြန်မာနိုင်ငံကို လွတ်လပ်ရေးရအောင် စွမ်းဆောင်ပေးခဲ့သည်။ ထို့နောက်မကြာမီ ၁၉၄၇ ဇူလိုင် ၁၉ ရက်နေ့တွင်သူ၏ ဖခင်ဖြစ်သူဗိုလ်ချုပ်အောင်ဆန်းနှင့် ပါလီမန်အဖွဲ့ဝင်များကို လက်နက်ကိုင်အဖွဲ့တစ်ခုမှ ဝင်ရောက်ပစ်ခတ်လုပ်ကြံသတ်ဖြတ်လိုက်သည်။[၁၁] အရွယ်ရောက်သည့်အခါတွင် စုကြည်သည် အင်္ဂလန်သို့ ပြောင်းရွှေ့သွားခဲ့ပြီး သူချစ်ရသည့်ခင်ပွန်းနှင့် အိမ်ထောင်ကျကာ မိသားစုဘဝတစ်ခုကို ပိုင်ဆိုင်ခဲ့သည်။ ၁၉၈၈ ခုနှစ် သူမ၏ မိခင်ဖြစ်သူသည် ကျန်းမာရေးဆိုးရွားလျက်ရှိကာ ထိုအဖြစ်သည် သူမအား မြန်မာသို့ ပြန်လာရန် တွန်းအားပေးလျက်ရှိသည်။ ၁၉၈၈ ခုနှစ်တွင် သူမသည် အမေဖြစ်သူကို ကြည့်ရှုရန်အတွက် ဆေးရုံသို့ရောက်လာခဲ့သည်။ ရှစ်လေးလုံးအရေးအခင်းဖြစ်နေသည့်အချိန်ဖြစ်သည့်အတွက် သူမသည် ဆေးရုံတွင် တပ်မတော်၏ သတ်ဖြတ်မှုများကြောင့် ဒဏ်ရာအနာတရများရနေသည့် များစွာသော ပြည်သူများကို တွေ့မြင်ခဲ့သည်။ သူမသည် မြန်မာနိုင်ငံ၏ နိုင်ငံရေးသည် ပြုပြင်ပြောင်းလဲရန် လိုအပ်နေပြီး ပိုမိုကောင်းမွန်လာစေရန် လုပ်ဆောင်ရန် ဖြစ်လာခဲ့သည်။[၁၂] သူမသည် မြန်မာပြည်သူများအား ကိုယ်ပိုင်ဆုံးဖြတ်ချက်ဖြင့်တိုက်ပွဲဝင်မှု၏ အရေးပါသည့်အခန်းကဏ္ဍမှ ပါဝင်ရန် လက်ခံခဲ့သည်။ သူမသည် ပိုမိုသော နိုင်ငံရေးလွတ်လပ်မှုများကို ရရှိနိုင်ရန် လုပ်ဆောင်မှုများအတွက် သစ္စာပြုခဲ့သည်။[၁၃] သူမသည် နိုင်ငံရေးပါတီတစ်ခုကို တည်ထောက်ခဲ့ပြီး သူမ၏ ပါတီသည် ၁၉၉၀ ခုနှစ် ရွေးကောက်ပွဲတွင် ရှင်းလင်းပြတ်သားစွာ အနိုင်ရခဲ့သည်။ သို့သော်လည်း မြန်မာစစ်တပ်သည် ထိုရွေးကောက်ပွဲရလဒ်ကို လက်ခံရန် ငြင်းဆန်ခဲ့ကြပြီး သူမကို ထိန်းသိမ်းထားခဲ့ကြသည်။ သူမသည် မိသားစုနှင့် ကွဲကွဲနေခဲ့သည့်အချိန်တွင် သူမ၏ ခင်ပွန်းနှင့်ကလေးများကို မြန်မာသို့လာရောက်ခွင့်ကို စစ်တပ်သည် ပိတ်ပင်ခဲ့သည်။ ထို့နောက်တွင် ၁၀ စုနှစ် တစ်ခုကျော်အောင် သူမကို အိမ်အကျယ်ချုပ်ထားရှိခဲ့သည်။[၁၄] သူမ၏ မိသားစုဝင်များ၏ ကြိုးပမ်းမှုကြောင့် သူမသည် အာရှတွင် ငြိမ်းချမ်းရေးနိုဘယ်ဆုရရှိသည့် ဒုတိယမြောက်အမျိုးသမီး ဖြစ်လာခဲ့သည်။ ပထမဆုံး ရရှိခဲ့သူမှာ ၁၉၇၉ ခုနှစ်တွင် အိန္ဒိယနိုင်ငံမှ မာသာထရီဇာ ဖြစ်သည်။ စစ်တပ်သည် သူမအား အကျယ်ချုပ်ထားရှိထားဆဲဖြစ်သည့်အတွက် ဆုပေးသည့်အခမ်းအနားကို တက်ရောက်ခွင့်မရရှိခဲ့ပေ။ သူမ၏ ခင်ပွန်းဖြစ်သူ Michael Aris သည်လည်း သူမဆုံးခင် ဇနီးဖြစ်သူအား နောက်ဆုံးတစ်ကြိမ် မြင်တွေ့ခွင့် မရခဲ့ပေ။ သရုပ်ဆောင်များ
နောက်ခံသမိုင်းကြောင်းကိုးကား
|
||||||||||||||||||||||||||||||||||||||
Portal di Ensiklopedia Dunia
