အင်ဒို-အာရိယန် လူမျိုးများအင်ဒို-အာရိယန် လူမျိုးများသည် တောင်အာရှဒေသတွင်လူမျိုးစုများကွဲပြားစွာဖြင့်တည်ရှိနေသော အင်ဒို-အာရိယန်ဘာသာစကားပြောသူများဖြစ်သည်။သမိုင်းအရ ဗဟိုအာရှရှိ အင်ဒို-အီရန် ရွေ့ပြောင်းသူများသည် တောင်အာရှဒေသသို့ အင်ဒို-အာရိယန် တို့၏ ရှေ့ပြေး အုပ်စုအဖြစ် ရွေ့ပြောင်းရောက်ရှိလာသည်ဟု ယူဆရသည်။အင်ဒူမြစ်ဝှမ်းဒေသ၏မြောက်ပိုင်းဒေသများတွင်အခြေချနေထိုင်ခဲ့သော အစောပိုင်း အင်ဒို-အာရိယန် လူမျိုးများသည် အင်ဒို-အီရန်အုပ်စုနှင့် ယဉ်ကျေးမှု၊ဘာသာစကား၊သမိုင်းကြောင်းများ သိသာထင်ရှားစွာဆက်စပ်နေသည်။ထို အင်ဒို-အာရိယန် ဘာသာစကားပြောဆိုသူများသည် အင်ဒူမြစ်၏တောင်ပိုင်းဒေသများကိုဖြတ်သန်း တောင်အာရှဒေသခံ မျိုးနွယ်စုများနှင့်အားပြိုင်မှုများဖြစ်ခဲ့သည်၊ ထိုအားပြိုင်မှုသည် ရာမာယဏဇာတ်တော်တွင်ထင်ရှားသည်။ ထိုနောက်သက်တမ်းရှည် ပေါင်းသင်းနေထိုင်မှုများရှိသည်။ မိခင်ဘက်မျိုးနွယ်ဆိုင်ရာ mtDNA အချက်အလက်များအရ၊ ဒေသခံ ဒြာဝီဒီယန်မျိုးနွယ်အမျိုးသမီးများနှင့် ပေါင်းသင်းမှုရှိကြောင်း တွေ့ရသည်။ ယနေ့ခေတ် ဘင်္ဂလာဒေ့ရှ်၊ နီပေါနိုင်ငံတောင်ပိုင်း၊ သီရိလင်္ကာ၊ မော်လ်ဒိုက်၊ ပါကစ္စတန်နိုင်ငံအရှေ့ပိုင်းဒေသများနှင့် အိန္ဒိယ နိုင်ငံမြောက်ပိုင်းဒေသ များတွင့် ပြန့်နှံ့စွာနေထိုင်လျက်ရှိသည်။
|
||||||||||||||||||||||||||||||||||
Portal di Ensiklopedia Dunia
