အဆန်တီ ရိုးရာအဆောက်အဦးများ
အဆန်တီ ရိုးရာအဆောက်အဦးများ သည် ဂါနာနိုင်ငံ မှ ကမ္ဘာ့အမွေအနှစ်နေရာ တစ်ခု ဖြစ်ပြီး အရှန်တီ အင်ပိုင်ယာခေတ်က တည်ဆောက်ခဲ့သော ရိုးရာ အဆောက်အဦး ၁၃ ခုကို ပေါင်းစည်းခေါ်ဝေါ်ခြင်း ဖြစ်သည်။ အဆန်တီ ဘုရင့်နိုင်ငံတော်သည် ၁၈ ရာစုအတွင်း ရွှေရောင်လွှမ်းသောခေတ် ဖြစ်ခဲ့ပြီး ထိုဒေသတို့ ဗြိတိသျှတို့ ကျူးကျော်ဝင်ရောက်ချိန် ၁၈၀၆ မှ ၁၉၀၁ အတွင်းတွင် ပြိုလဲခဲ့ကာ ထိုအချိန်က တည်ဆောက်ခဲ့သော အဆောက်အဦး အတော်များများမှာ ပျက်စီးခဲ့ရသည်။ ထိုအဆောက်အဦးများထဲမှ တော်ဝင်ဂူသင်္ချိုင်းအား ဘေဒန်ပေါင်ဝဲလ်မှ ၁၈၉၅ ခုနှစ်တွင် ဖျက်ဆီးခဲ့သည်။ အဆောက်အဦးများအား လူနှင့် နတ်ဘုရားတို့၏ အိမ် အဖြစ် ဖော်ပြကြပြီး အဆန်တီလူမျိုးတို့၏ နောက်ဆုံးကြွင်းကျန်ရစ်သော သမိုင်းနှင့် ယဉ်ကျေးမှုပင်ဖြစ်သည်။ အိမ်များအား ရွှံ့၊ ကောက်ရိုး နှင့် သစ်တို့ဖြင့် တည်ဆောက်ထားသဖြင့် သဘာဝဘေးဒဏ်ကြောင့် ထိခိုက်ပျက်စီးနိုင်သည်။ ထို့အတွက်ကြောင့် ထိုအဆောက်အဦးများအား ထိန်းသိမ်းရန် လိုအပ်သည်။ ကိုးကား |
||||||||||||||||||||||
Portal di Ensiklopedia Dunia
