အသက် ၂၂ နှစ်အောက် အာရှဖလား

အသက် ၂၃ နှစ်​အောက် အာရှဖလားဘောလုံးပြိုင်ပွဲ (၂၀၁၆–၂၀၂၀ : အာရှအသက် ၂၃ နှစ်​အောက်ချန်ပီယံရှစ်​ဘောလုံးပြိုင်ပွဲ၊ ၂၀၁၃ : အာရှအသက် ၂၂ နှစ်အောက်ချန်ပီယံရှစ်ဘောလုံးပြိုင်ပွဲ) သည် အာရှဘောလုံးအဖွဲ့ချုပ် မှကြီးမှူးကျင်းပ​​သော အာရှအဆင့် သက်တမ်းအလိုက်လူငယ်​ဘောလုံးပြိုင်ပွဲဖြစ်သည်။ ပထမဆုံးအကြိမ်ကျင်းပ​သော ၂၀၁၃ အသက် ၂၂ နှစ်အောက် အာရှဖလား ကို ၂၀၁၁ ခုနှစ် တွင်စတင်ရန်ဆုံးဖြတ်ခဲ့သော်လည်း ၂၀၁၂ ခုနှစ် မှစ၍သာ ခြေစစ်ပြိုင်ပွဲ(အရည်ချင်းစစ်ပြိုင်ပွဲ) များစွာကို ပထမဆုံးအကြိမ် အုပ်စုအလိုက် စ​တင်၍ ကျင်းပခဲ့သည်။ နောက်ဆုံးအဆင့်ပြိုင်ပွဲကိုမူ ၂၀၁၃ ခုနှစ်အစား ၂၀၁၄ နှစ်ဆန်းပိုင်းမှသာ ကျင်းပနိုင်ခဲ့သည်။ ထိုသို့ ၂ နှစ် တစ်ကြိမ်ကျင်းပနေခဲ့သော ပြိုင်ပွဲကို ၂၀၁၆ ခုနှစ်မှစ၍ ​ပြိုင်ပွဲ၏အသက်ကန့်သတ်ချက်အား အသက် ၂၃ နှစ်အောက်အဖြစ် ​ပြောင်းလဲသတ်မှတ်ကာ ​နွေရာသီအိုလံပစ်ပြိုင်ပွဲကျင်းပသည့် နှစ်များတွင် ပြုလုပ်​သော အသက် ၂၃ နှစ်​​အောက်အာရှဖလားပြိုင်ပွဲကို ​​ထိုနှစ်၏နွေရာသီအိုလံပစ်အားကစားပွဲ အမျိုးသား​ဘောလုံးပြိုင်ပွဲအတွက် ခြေစစ်ပွဲ အဖြစ်ကျင်းပရန် အာရှဘောလုံးအဖွဲ့ချုပ် မှဆုံးဖြတ်ခဲ့သည်။ သို့ရာတွင်၂၀၂၈ ခုနှစ်မှစတင်၍ ပြိုင်ပွဲကို ၄ နှစ်တစ်ကြိမ်ကျင်းပရန် ၂၀၂၄ ခုနှစ်တွင် အာရှဘောလုံးအဖွဲ့ချုပ် မှပြောင်းလဲဆုံးဖြတ်ခဲ့ပြန်သည်။

အသက် ၂၃ နှစ်အောက် အာရှဖလား ပြိုင်ပွဲပုံစံ မှာ အောက်ပါအတိုင်းဖြစ်သည်။

• အိမ်ရှင်အသင်း အပါအဝင် အသင်းပေါင်း ၁၆ သင်း ခြေစစ်ပွဲအောင်မည်။
• နောက်ဆုံးပွဲ များကို ၁၈ ရက်အတွင်း အပြီးကျင်းပသွားမည်ဖြစ်သည်။
• နောက်ဆုံးပွဲ များအတွက် ဘောလုံးကွင်း ၃ ကွင်း (သို့မဟုတ်) ၄ ကွင်းတွင် ကျင်းပမည်ဖြစ်သည်။

နှစ်	အိမ်ရှင်	ဗိုလ်လုပွဲ			တတိယလုပွဲ
		အနိုင်ရအသင်း	ဂိုးရလဒ်	ဒုတိယရအသင်း	တတိယရအသင်း	ဂိုးရလဒ်	စတုတ္တရအသင်း
အာရှ အသက် ၂၂ နှစ်အောက် ချန်ပီယံရှစ်ဘောလုံးပြိုင်ပွဲ
၂၀၁၃ အသေးစိတ်	အိုမန်	အီရတ်	၁–၀	ဆော်ဒီအာရေးဘီးယား	​ ဂျော်ဒန်	၀–၀ (ပင်နယ်တီ: ၃–၂)	တောင်ကိုရီးယား
အာရှ အသက် ၂၃ နှစ်အောက် ချန်ပီယံရှစ်ဘောလုံးပြိုင်ပွဲ
၂၀၁၆	ကာတာ	ဂျပန်	၃–၂	တောင်ကိုရီးယား	အီရတ်	၂–၁ (အချိန်ပို: ၁–၀)	ကာတာ
၂၀၁၈	တရုတ်	ဥဇဘက်ကစ္စတန်	၂–၁ (အချိန်ပို: ၁–၀)	ဗီယက်နမ်	ကာတာ	၁–၀	တောင်ကိုရီးယား
၂၀၂၀	ထိုင်း	တောင်ကိုရီးယား	၁–၀ (အချိန်ပို: ၁–၀)	ဆော်ဒီအာရေးဘီးယား	ဩစတြေးလျ	၁–၀	ဥဇဘက်ကစ္စတန်
အသက် ၂၃ နှစ်အောက် အာရှဖလားဘောလုံးပြိုင်ပွဲ
၂၀၂၂	ဥဇဘက်ကစ္စတန်	ဆော်ဒီအာရေးဘီးယား	၂–၀	ဥဇဘက်ကစ္စတန်	ဂျပန်	၃–၀	ဩစတြေးလျ
၂၀၂၄	ကာတာ	ဂျပန်	၁–၀	ဥဇဘက်ကစ္စတန်	အီရတ်	၂–၁ (အချိန်ပို: ၁–၀)	အင်ဒိုနီးရှား
၂၀၂၆	ဆော်ဒီအာရေဗျ

• ၂၀၁၃ အသက် ၂၂ နှစ်အောက် အာရှဖလား
• ၂၀၁၃ အသက် ၂၂ နှစ်အောက် အာရှဖလား အရည်ချင်းပြည့်မီချက်