Filmen Deadpool

**Deadpool**
Regi	Tim Miller
Forfattar(ar)	Stan Lee
Produsent(ar)	Lauren Shuler Donner, Simon Kinberg, Ryan Reynolds
Manus	Rhett Reese, Paul Wernick
Basert på	Deadpool
Medverkande	Ryan Reynolds, Morena Baccarin, Ed Skrein, T.J. Miller, Gina Carano, Brianna Hildebrand, Andre Tricoteux, Leslie Uggams, Jed Rees, Karan Soni, Taylor Hickson, Randal Reeder, Isaac C. Singleton Jr., Stan Lee, Rob Liefeld, Stefan Kapičić, Rob Hayter
Klipp	Julian Clarke
Musikk	Junkie XL
Sjeffotograf	Ken Seng
Produksjonsselskap	Marvel Entertainment, The Donners' Company, TSG Entertainment, Genre Films
Distributør	20th Century Studios, InterCom, Netflix, Disney+
Utgjevingsdato	11. februar 2016 (Tyskland), 10. februar 2016 (Frankrike), 2016, 12. februar 2016 (USA)
Lengd	108 minutt
Opphavsland	USA
Språk	engelsk
Inntening	782 836 791 US-dollar (verdsfemnande), 363 070 709 US-dollar (USA)
Sjanger	actionfilm, superhelt, svart komedie, Erotiske filmar

Deadpool er ein amerikansk superheltfilm frå 2016, basert på Marvel Comics-karakteren under same namn. Filmen er den åttande i filmserien X-Men og den første Deadpool-filmen. Han er regissert av Tim Miller og skriven av Rhett Reese og Paul Wernick, med Ryan Reynolds i hovudrolla, i tillegg til Morena Baccarin, Ed Skrein, T.J. Miller, Gina Carano og Brianna Hildebrand i andre roller. Handlinga i filmen fokuserer på Wade Wilson som er på jakt etter mannen som gav han mutant-superkrefter, men også ein arrete utsjånad, som antihelten Deadpool.^[7]

Deadpool vart publisert i USA 12. februar 2016, etter ein ukonvensjonell marknadskampanje der reklame for filmen vart sirkulert hyppig over internettet. Filmen vart ein kommersiell og kritisk suksess. Han tente inn over 783 millionar USD mot eit budsjett på 58 millionar USD.^[8] Filmen fekk positiv omtale for skodespelet til Reynolds, humoren og for å vere trufast til dei opphavlege teikneseriane. Ein oppfølgjar, Deadpool 2, vart utgjeven i mai 2018.