I'm So Afraid

«I'm So Afraid» er ein song skriven av Lindsey Buckingham for det britisk-amerikanske rockebandet Fleetwood Mac på det tiande albumet deira, Fleetwood Mac.

Songen er den siste på albumet og vart gjeven ut som B-side til songen «Over My Head». Det var ein hardrocksong, ganske atypisk for ein Fleetwood Mac-song (i det minste etter Peter Green-tida), men vart raskt eit fast nummer på konsertane deira, og vart spelt som siste songen på nesten alle turnane deira, ofte i ein mykje lengre versjon. Han finst på alle konsertalbuma til bandet etter han kom ut og den lengste versjonen (på albumet Fleetwood Mac: Live in Boston) klokkar inn på 9:39. Konsertutgåva frå The Dance vart gjeven ut i redigert form i USA og i 2009 på samlealbumet The Very Best of Fleetwood Mac.

Buckingham spelte òg songen på solokonsertane sine, og gav songen ut på to konsertalbum som soloartist, Live at the Bass Performance Hall, Songs from the Small Machine: Live in L.A. og One Man Show. Songen omhandlar frykt og paranoia.

Studioversjonen er spelt inn i g-moll, medan konsertversjonane vanlegvis er i f-moll.^[1] På nyare turnear har songen blitt spelt i d-moll.

• Mick Fleetwood - trommer
• John McVie - bassgitar
• Christine McVie - orgel
• Lindsey Buckingham - elektrisk gitar, akustisk gitar, solovokal