ߊߡߊߘߎ߫ ߤߊ߲ߔߊߕߍ߬ ߓߊߊߡߊߘߎ߫ ߤߊ߲ߔߊߕߍ߬ ߓߊ
ߊߡߊ߬ߘߎ߬ ߤߊ߲ߔߊߕߍ߬ ߓߊ (ߡߏߦߌ߫ ߘߊ߫ ߁߉߀߀ ߣߌ߫ ߁߉߀߁ ߠߎ߬ ߘߏ߫ ߘߐ߫ ߞߋߟߋ߲߫ ߠߋ߬ ߟߊ߫ ߓߊ߲߬ߖߊ߬ߜ߭ߙߊ߫߸ ߡߊ߬ߟߌ ߟߊ߫, ߊ߬ ߣߌ߫ ߞߊ߬ ߛߊ߬ ߘߓߊ߬ߕߊ ߁߅, ߁߉߉߁ ߠߴߊߓߌߖߊ߲߬߸ ߞߘߏߥߊߙߌ߫) ߊ߬ ߕߘߍ߬ ߦߋ߫ ߡߊ߬ߟߌ ߛߌߦߊߟߐ߲ߘߐߦߊ ߛߓߍߦߟߊ߸ ߊ߬ ߣߌ߫ ߘߊߘߝߐߟߌ ߡߊߞߊ߲ߞߊ߲ߓߊ߮߸ ߊ߬ ߜߋ߲ߜߋ߲߫ ߝߌߟߌ. ߎ߳ߣߍߛߑߞߏ ߟߥߊ߬ߟߌ߬ߟߌ ߟߊ߬ߟߌ߰ߟߌ߬ߟߊ ߁߉߆߂ ߣߌ߫ ߁߉߇߀ ߟߎ߬ ߕߍ߫: ߊ߬ߟߋ ߟߋ߫ ߞߵߊ߬ ߦߌ߬ߘߊ߬ «ߞߏ߫ ߡߐ߬ߓߊ߬ߞߘߐ߬ ߞߋߟߋ߲߫ ߓߊ߯ ߛߊ߬ ߝߘߊ߬ߝߌ߲߬ߠߊ߫߸ ߞߴߏ߬ ߦߋ߫ ߛߓߍߘߊ߫ ߞߋߟߋ߲߫ ߖߋ߬ߣߌ߲߬ߣߍ߲ ߠߋ߬ ߘߌ߫»߸ ߊ߬ ߞߎߡߊ߫ ߞߊ߲ ߏ߬ ߟߋ ߞߍ߫ ߘߊ߫ ߛߊ߲߬ߘߊ ߘߌ߫ ߛߊ߫. ߊ߬ ߞߊ߬ ߞߟߌߟߌ ߟߐ߬ ߊߝߙߌߞߌ߬ ߡߐ߰ߓߊ ߟߎ߬ ߣߌ߫ ߡߊߙߑߞߏߙߌ߫ ߡߐ߰ߓߊ ߟߎ߬ ߡߊ߬. ߞߊ߲߬ߛߓߍߟߌߓߐߖߎ߸ ߘߋߣߍ߲ߦߊ ߣߌ߫ ߝߏߣߌ߲ߞߋߦߊߊߡߊߘߎ߫ ߊ߲ߔߊߕߊ߬ ߓߊ ߡߏߦߌ߫ ߘߊ߫ ߁߉߀߀ ߥߟߊ߫ ߁߉߀߁ ߟߋ߬ ߟߊ߫ ߓߊ߲ߖߊߜ߭ߙߊ߫߸ ߘߐ߬ߜ߭ߐ߲ ߠߎ߬ ߟߊ߫ ߞߊ߬ߝߏ ߘߎ߰ߓߊ ߣߌ߫ ߕߎߞߑߟߍߙߌ߫ ߝߊ߯ߡߟߊ ߞߎߓߋߘߊ߫ ߞߘߐ. ߤߊ߲ߔߊߕߍ߬ ߓߊ ߘߋ߲ ߦߋ߫ ߞߊ߬ߘߌߖߊ߬ ߔߊߕߍ߬ ߔߎߟߐ߬ ߖߊߟߏ߫ ߟߋ߬ ߘߌ߫߸ ߊ߬ ߦߋ߫ ߝߌߟߊ߫ ߟߊ߲ߔߊ߯ߛߌ߫ ߘߋ߲ߓߦߊ ߘߏ߫ ߘߋ߲ ߠߋ߬ ߘߌ߫߸ ߊ߬ ߝߊ߬ ߟߊ߫ ߛߊ߬ߦߊ ߣߐ߬ߞߟߊߡߊ߲ ߘߐ߫߸ ߊ߬ ߘߌ߫ ߘߴߊ߬ ߣߊ߫ ߝߘߎߡߊ߫ (ߗߍ߬) ߝߌߟߊߣߊ߲ ߕߌ߬ߖߊߣߌ߫ ߊߡߊߘߎ߫ ߗߊߡ ߡߊ߬߸ ߕߞߎߟߍߙߌ߫ ߛߌߦߊ ߟߎ߬ ߘߐ߫. ߊ߬ ߛߐ߰ ߘߊ߫ ߘߏ߲߭ ߡߊ߬ ߗߍߙߑߣߐ߫ ߓߎߓߞߊߙ ߟߊ߫ ߘߎ߱ߡߊ߬ ߞߊߙߊ߲ߕߊ ߟߋ߬ ߟߊ߫ ߡߎߣߎ߲߬߸ ߏ߬ ߕߘߍ߬ ߦߋ߫ ߕߌ߬ߖߊ߰ߣߌ߬ߦߊ ߓߏߟߏ߲ߝߘߊ ߡߊ߲߬ߕߎߙߋ ߘߏ߫ ߟߋ߬ ߘߌ߫߸ ߊ߬ ߘߌ߬ߢߍ߬ߟߊ߬ߢߌߣߌ߲߫ ߘߊ߫ ߘߏ߲߭ ߠߊ߫ ߝߊ߬ߙߊ߲߬ߛߌ߬ ߞߊߙߊ߲ߕߊ ߟߴߏ߬ ߟߋ ߞߐ߫ ߓߊ߲߬ߖߊ߬ߜ߭ߙߊ߫ ߣߌ߫ ߖߍ߬ߣߍ߫. ߁߉߁߅ ߟߊ߫߸ ߊ߬ ߔߘߏ߬ߞߟߏ߬ߡߊ߬ ߘߊ߫ ߞߊ߬ ߥߴߊ߬ ߣߊ߫ ߞߐ߫ ߞߊ߬ߕߌ߫߸ ߊ߬ ߥߊ߫ ߘߴߊ߬ ߟߊ߫ ߞߊ߬ߙߊ߲ ߘߊߡߌ߬ߣߊ߫ ߦߋ߲߬ ߕߎ߲߯ߣߌ߲߫. ߁߉߂߁ ߠߊ߫߸ ߊ߬ ߞߵߊ߬ ߓߊ߲߬ ߘߏ߲߬ ߞߏ ߡߊ߬ ߜ߭ߏߙߋ߫ ߞߊ߬ߙߊ߲߬ߡߐ߰ ߞߊ߬ߙߊ߲߬ ߞߊߙߊ߲ߕߊ ߟߊ߫. ߞߎ߲߬ߠߊ߬ߛߌ߰ߟߊ ߞߵߊ߬ ߟߊߥߟߌ߬ ߞߏߟߊߕߐ߲ ߡߵߊ߬ ߟߊ߫ ߞߵߏ߬ ߞߴߊ߬ ߟߥߊ ߘߌ߫ ߥߜ߭ߊ߬ߘߜ߭ߎ߫߸ ߞߊ߬ ߓߍ߲߬ ߊ߬ ߟߊ߫ «ߥߊ߯ߕߌߟߕߊߡߌ߲߫ ߛߓߍߦߟߊߦߊ ߖߐ߲ߖߐ߲ߡߦߊ߫ ߟߊߕߊ߲߬ߞߌ߲߬ߕߊ» ߡߊ߬. ߊ߬ ߓߊ߯ߙߊ߫ ߘߊ߫ ߞߐ߲ߛߐ߲ߧߊߟߌ ߗߋߘߊ ߛߌߦߊߡߊ߲߫ ߠߎ߫ ߟߋ߬ ߘߐ߫ ߥߊߟߌߕߊ ߛߊ߲ߘߐ (ߓߌ߲߭ ߓߙߎߞߌߣߊ߫ ߝߊ߬ߛߏ߫) ߘߐ߫ ߁߉߂߂ ߣߌ߫ ߁߉߃߂ ߟߎ߬ ߕߍ߫߸ ߊ߬ ߣߴߏ߬ ߞߐߝߍ߬ ߓߡߊ߬ߞߐ߫ ߤߊ߲߯ ߞߊ߬ ߥߴߊ߬ ߛߌ߰ ߁߉߄߂ ߟߊ߫. ߊ߬ ߞߊ߬ ߝߏ߲߬ߖߏ ߞߊߙߏ߫ ߥߐ߯ߙߐ߫ ߘߐ߬ߝߢߐ߬ߟߌ ߛߐ߬ߘߐ߲߫߸ ߊ߬ ߥߊ߫ ߘߊ߫ ߡߍ߲ ߠߊߕߊ߬ߡߌ߲߫ ߗߍߙߑߣߐ߫ ߓߏߞߊߙ ߝߍ߬߸ ߏ߬ ߡߍ߲ ߕߘߍ߬ ߦߴߊ߬ ߟߊ߫ ߘߌ߯ߣߊ߫ ߞߙߊߡߐ߮ ߟߋ߬ ߘߌ߫. ߘߊߞߎ߲߁߉߄߂ ߟߊ߫߸ ߊ߬ ߟߥߊ߫ ߘߊ߫ ߝߊ߬ߙߊ߲߬ߛߌ߫ ߟߴߊߝߙߌߞߌ߬ ߝߌ߲߰ߡߊ߲ ߠߎ߬ ߟߊ߫ ߘߋ߬ߙߌ߬ߘߊ ߟߊ߫ (IFAN) ߘߊ߬ߞߊ߯ߙߎ߫߸ ߊ߬ ߞߙߊ߬ߡߐ߰ ߕߋߏߘߐߙ ߡߣߏߘ ߟߊ߫ ߥߊߟߢߌߡߊ߫ ߞߍ߫ ߞߏߛߐ߲߬. ߊ߬ ߞߊ߬ ߝߛߍ߬ߝߛߍ߬ߟߌ ߞߍ߫ ߛߌߦߊߟߐ߲ߘߐߦߊ ߞߊ߲߬ ߊ߬߫ ߣߌ߫ ߞߊ߬ ߘߐ߬ߝߐ ߘߟߊߘߍߟߌ ߟߎ߬ ߘߟߊߘߍ߰. ߊ߬ ߞߵߊ߬ ߓߌ߲ߓߌ߲߫ ߏ߬ ߕߌߙߌ߲ߠߌ߲ ߞߊ߲߬ ߛߊ߲߬ ߁߅ ߖߊ߬ߕߋ߬ ߞߘߐ߫߸ ߡߍ߲ ߞߵߊ߬ ߘߍ߬ߡߍ߲߬ ߊ߬ ߛߋ߫ ߘߊ߫ ߡߊߛߌ߬ߣߊ߫ ߝߌߟߊ ߟߎ߬ ߟߊ߫ ߘߐ߬ߝߐ ߛߓߍ߫ ߟߊ߫. ߊ߬ ߞߊ߬ ߡ.ߟ.ߛ.ߟ.ߟ.ߟ (ߎ߳ߣߍߛߑߞߏ) ߓߊ߲߬ߘߊ߬ߡߌߘߊ ߛߐ߬ߘߐ߲߬ ߁߉߅߁ ߠߊ߫߸ ߡߍ߲ ߞߵߊ߬ ߕߏ߫ ߊ߬ ߥߊ߫ ߘߊ߫ ߓߐ߫ ߔߊ߬ߙߌ߬ ߞߊ߬ ߊߝߙߌߞߊ߲߫ ߟߊ߲ߘߌ ߟߎ߬ ߥߊ ߦߋ߫߸ ߊ߬ ߜߋ߲ߜߋ߲߫ ߡߊߙߑߛߍߟ ߜ߭ߑߙߌߏߟ. ߡߊ߬ߟߌ ߟߊ߫ ߘߍ߲ߖߘߍߟߦߊ ߝߍ߬ ߁߉߆߀ ߟߊ߫߸ ߊ߬ ߞߊ߬ ߡߐ߰ߣߌ߲߬ߝߌ߲ ߕߌߙߌ߲ߠߌ߲ ߘߋ߬ߙߌ߬ߘߊ ߟߐ߬ ߓߡߊ߬ߞߐ߫߸ ߊ߬ ߣߌ߫ ߞߊ߬ ߥߴߊ߬ ߝߊ߬ߛߏ ߞߐߦߌ߬ߘߊ߬ ߎ߳ߣߍߛߑߞߏ ߟߊ߫ ߝߘߏ߬ߓߊ߬ ߜߙߊ ߘߐ߫. ߁߉߆߂ ߟߊ߫߸ ߊ߬ ߛߎߘߊ߲߫ ߘߊ߫ ߎ߳ߣߍߛߑߞߏ ߟߥߊ߬ߟߌ߬ߟߌ ߟߊ߬ߟߌ߰ߟߌ߬ߟߊ ߘߌ߫. ߁߉߆߆ ߟߊ߫߸ ߊ߬ ߕߘߍ߬ ߘߊ߫ ߘߍ߰ߒ߬ߡߊ߬ ߛߓߍߟߌ߫ ߞߊ߲ߞߋ߫ ߝߊ߲߬ߝߘߊ߬ߡߊ߬ߞߍ߲ ߘߐ߫ ߝߘߊ߬ߝߌ߲߬ߞߊ߲ ߠߎ߬ ߢߍ߫. ߁߉߆߈ ߠߊ߫߸ ߊ߬ ߕߐ߯ߦߊ߫ ߘߊ߫ ߡߊ߬ߟߌ ߟߊ߫ ߟߊ߬ߛߌ߰ߘߋ߲ ߘߌ߫ ߞߘߏߥߊߙߌ߫. ߁߉߇߀ ߟߊ߫߸ ߊ߬ ߟߊ߫ ߟߐ߲߬ߞߋ߬ߟߊ ߓߊ߲߫ ߘߊ߫ ߎ߳ߣߍߛߑߞߏ ߟߊ߫. ߊߡߊߘߎ߫ ߤߊ߲ߔߊߕߍ߬ ߓߊ ߣߴߊ߬ ߞߐߓߌߟߊߘߋ߲߫ ߊߟߌߝߊ߫ ߌߓߑߙߊߤߌߡߊ߬ ߛߏ ߟߎ߬ ߞߐ߲ߘߐ߲߫ ߘߊ߫ ߝߊ߬ߙߊ߲߬ߛߌ߬ ߘߎ߲ߓߎ ߓߟߏ߫ ߁߉߇߅ ߟߴߊ߬ߟߎ߬ ߞߍ߫ ߘߐ߫ ߞߊ߬ ߗߋߘߊ߫ ߜߘߍ߫ ߢߊ߬ ߝߊ߬ߙߊ߲߬ߛߌ߫ ߞߊ߲ ߞߐߞߊ߲߬ (ߝߊ߬ߙߊ߲߬ߛߌ߬ ߞߊ߲ ߞߐ߲ߘߐ߲ ߥߊߘߌߜߍ ߞߎ߬ߢߊ߬ߘߐ). ߛߊ߲߬ ߠߊ߬ߓߊ߲ ߠߎ߬ߊߡߊߘߎ߫ ߤߊ߲ߔߊߕߍ߬ ߓߊ ߞߵߊ߬ ߓߌ߲ߓߌ߲߫ ߥߊ߯ߕߌ ߏ߬ ߟߴߊ߬ ߟߊ߫ ߕߌߙߌ߲ߠߌ߲ ߓߊ߯ߙߊ ߟߎ߬ ߣߌ߫ ߛߓߍߟߌ ߟߋ߬ ߞߊ߲߬ ߜߘߋߜߘߋ߫. ߊ߬ ߞߵߊ߬ ߟߊ߫ ߢߣߊߡߦߊ ߛߊ߲߬ ߠߊ߬ߓߊ߲ ߠߎ߬ ߟߊߕߊ߬ߡߌ߲߫ ߊߓߌߖߊ߲߬ ߠߋ߬߸ ߞߘߏߥߊߙߌ߫, ߞߵߊ߬ ߟߊ߫ ߢߣߊߡߦߊ ߛߓߍ߫ ߞߘߐ߫ ߟߊߡߙߊ߬ߣߍ߲ ߠߎ߬ ߛߙߊߛߌ߰ ߘߐ߬ߝߐ ߘߊߘߝߐߟߌ ߟߎ߬ ߞߊ߲߬ ߊߝߙߌߞߌ߬ ߕߟߋ߬ߓߋ ߘߐ߫߸ ߊ߬ ߣߌ߫ ߞߵߊ߬ ߤߊߞߟߌߟߕߊ ߟߎ߬ ߛߓߍ߫ ߞߏ߫ ߊߡߑߞߎߟߍߟ, ߝߌߟߊ߫ ߘߋߣߍ߲ ߣߌ߫ ߥߌ߫ ߡߐ߲߬ ߞߏߡߊ߲ߘߊ߲߫߸ ߏ߬ ߟߎ߫ ߟߋ߬ ߣߊ߬ ߘߊ߫ ߟߊߥߊ߲߬ߞߊ߫ ߝߊ߬ߙߊ߲߬ߛߌ ߘߐ߫ ߁߉߉߁ ߠߊ߫. ߊ߬ ߛߊ߬ ߘߊ߫ ߁߉߉߁ ߘߓߊ߬ߕߊ ߟߴߊߓߌߖߊ߲߬. ߤߋߟߍ߲ߣ ߓߍߞߑߡߊ߲ߣ ߞߊ߬ ߘߍ߬ߡߍ߲߬ߠߌ߲߬ߓߊ߫ ߞߴߊ߬ ߟߊ߫ ߛߓߍߟߌ ߟߎ߬ ߟߊߥߊ߲߬ߞߊ߭ ߣߴߊ߬ߟߎ߫ ߟߊߡߙߊ߬ߟߌ ߘߐ߫߸ ߏ߬ ߡߍ߲ ߞߍ߫ ߘߴߊ߬ ߡߏ߬ߛߏ ߘߌ߫ ߁߉߆߉ ߟߊ߫. ߊߝߙߌߞߌ߬ ߝߘߏ߬ߓߊ߬ߗߍ ߟߎ߬ ߡߊߞߊ߲ߞߊ߲ߓߊ߮ߖߘߍ߬ ߟߐ߲߬ߞߋ߬ߟߊ ߟߎ߫ߊ߬ ߞߎ߲ߝߊ߲ߣߍ߲߫ ߕߘߍ߬ ߦߴߊߝߙߌߞߌ߬ ߝߘߏ߬ߓߊ߬ߗߍ ߞߏ ߟߎ߬ ߝߍ߬߸ ߊߡߊߘߎ߫ ߤߊ߲ߔߊߕߍ߬ ߓߊ ߞߵߊ߬ߟߎ߫ ߘߟߊߘߍ߰ ߞߊ߬ ߓߊ߲߫ ߞߵߊ߬ߟߎ߬ ߛߓߍ߫߸ ߞߊ߬ ߓߊ߲߫ ߞߵߊ߬ߟߎ߬ ߘߟߊߡߌ߬ߘߊ߬ ߞߊ߬ߦߴߊ߬ ߟߊ߫ ߘߋߣߍ߲ߦߊ ߛߌ߬ߞߛߊߓߌ ߘߐ߫ ߊ߬ߟߎ߬ ߟߊߡߊ߲߬ߘߌ߬ ߞߊ߲ ߡߊ߬߸ ߊ߬ ߣߌ߫ ߞߊ߬ ߛߓߍߞߘߐ߫ ߣߝߊ߬ߡߊ ߟߎ߬ ߘߟߊߘߍ߰ ߝߊ߬ߙߊ߲߬ߛߌ߬ ߞߊ߲ ߘߐ߫߸ ߝߌߟߊ߫ ߞߊ߲ ߘߐ߫߸ ߊߖߊߡߌ ߘߐ߫߸ ߓߊ߲ߓߊߙߊ߲ ߘߐ߫߸ ߊ߬ ߣߌ߫ ߊߙߊߓߎ ߘߐ߫߸ ߡߍ߲ ߞߵߊ߬ ߟߊ߫ ߓߊ߯ߙߊ ߟߊߢߣߊߡߦߊ߫. ߊ߬ ߞߊ߬ ߝߌߟߊ ߟߎ߬ ߟߊ߫ ߘߊߘߝߐߟߌ ߟߎ߬ ߘߟߊߘߍ߰߸ ߞߵߊ߬ߟߎ߫ ߘߟߊߡߌ߬ߘߊ߬߸ ߊ߬ ߣߌ߫ ߞߵߊ߬ߟߎ߬ ߡߓߊߟߌߡߊ߫. ߊ߬ ߞߵߊ߬ ߟߊ߫ ߓߍ߲߬ߒߡߊ ߦߌ߬ߘߊ߬ ߊߝߙߌߞߌ߬ ߢߐ߲߯ߘߍߡߍ߲ ߡߐ߬ߟߐ߲ ߣߴߊ߬ ߢߊ߬ߕߣߐ ߟߊ߫ ߥߊ߬ߙߊ ߞߊ߲߬߸ ߊ߬ ߣߴߊߝߙߌߞߌ߬ ߛߏߡߐ߯ߦߊ߫ ߦߋߢߐ߲߯ߠߊ ߟߐ߬ߦߌߟߊ ߣߴߊ߬ ߖߋ߬ߓߌ߬ߦߊ߬ߟߌ߸ ߊ߬ ߣߌ߫ ߕߍߓߊ߯ߦߊ ߡߍ߲ ߦߋ߫ ߛߎ߲ߞߎ߲ ߣߌ߫ ߊߟߊߞߏ ߟߎ߬ ߕߍ߫. ߊ߬ ߞߵߊ߬ ߡߊߕߍ߰ ߞߏ߫ ߒ߬ ߧߋ߫ ߊߝߙߌߞߌ߬ ߦߋߢߐ߲߯ߠߊ ߟߊߜߎ߬ߝߎ߲߫ ߠߊ߫ ߟߋ߬ ߓߊߏ߬ ߒ߬ ߡߊ߫ ߝߏߦߌ߬ ߢߊߟߐ߲߫ ߊ߬ ߘߐ߫߸ ߣߴߊ߲ ߞߵߊ߬ ߝߛߍ߬ߝߍ߬ߛߍ߫ ߊ߬ ߢߊߖߎ߮ ߡߊ߬ ߞߊ߬ߣߌ߲߬. ߊ߬ ߟߊ߫ ߕߌߙߌ߲ߠߌ߲߫ ߝߟߐ ߝߍ߬ ߌߝߊߣ «IFAN», ߡߊߛߌ߬ߣߊ߬ ߝߌߟߊ߫ ߝߊ߯ߡߟߊ ߞߊ߲߬߸ ߊߡߊߘߎ߫ ߤߊ߲ߔߊߕߍ߬ ߓߊ ߞߎߡߊ߫ ߘߊ߫ ߘߊߘߝߐߟߌ ߝߛߍ߬ߝߛߍ߬ߣߍ߲ ߊ߬ ߢߊ߫ ߓߘߍ ߡߊ߬ ߞߊ߲߬߸ ߏ߬ ߘߌ߫ ߛߋ߫ ߖߊ߬ߕߋ߬ ߟߊ߫ ߛߓߍߞߘߐ߫ ߖߐ߲ߝߐ߲ߣߍ߲ ߘߌ߫ ߢߊ ߡߍ߲ ߡߊ߬. ߊ߬ߟߋ߬ ߓߟߏ߫߸ ߞߏ߫ «ߊ߲ ߠߎ߬ ߡߍ߲ ߠߎ߬ ߞߊ߬ ߘߊߘߝߐߟߌ ߕߊ߬ ߟߊ߫ ߗߍ߮ ߘߐ߫߸ ߊ߲ ߞߍߕߊ ߘߏ߫ ߟߋ߬ ߦߋ߫߸ ߞߴߊ߲ ߞߊߘߊ߲߫ ߊ߬ߟߎ߬ ߓߍ߯ ߟߊߕߊ߬ߡߌ߲߫ ߡߍ߲ ߠߎ߬ ߛߋ ߦߋ߫ ߒ߬ ߢߍ߫ ߦߊ߬ߣߌ߲߫ ߕߎ߬ߡߊ ߢߌ߬ߣߊ߬ ߕߐ߫ ߊ߬ߟߎ߬ ߞߐ߫߸ ߞߵߊ߬ߟߎ߫ ߖߏ߬ߛߌ߫ ߡߐ߱ ߤߊߞߟߌ ߟߊ߫». ߊ߬ ߟߊ߫ ߞߎߡߊ߫ ߕߊ ߎ߳ߣߍߛߑߞߏ ߟߊ߫ߎ߳ߣߍߛߑߞߏ ߟߊ߫ ߝߘߏ߬ߓߊ߬ ߜߙߊ߬ ߕߊ߲ߣߌߞߋߟߋ߲ߣߊ߲ ߝߍ߬߸ ߊߡߊߘߎ߫ ߤߊ߲ߔߊߕߍ߬ ߓߊ ߞߊ߬ ߓߋߟߋ߲ߠߊ ߘߏ߫ ߢߊߝߐ߫ ߁߉߆߀ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬߸ ߊ߬ ߞߊ߬ ߡߊ߬ߢߌ߬ߣߌ߲߬ߞߊ߬ߟߌ ߞߍ߫ «ߞߏ߫ ߘߊߘߝߐߟߌ ߟߎ߬ ߟߊߞߊ߲ߘߊ ߞߊߡߊ߲߫ ߞߊ߬ ߖߊ߬ߕߋ߫ ߜߍ߬ߘߍ߲߬ߘߐ߫ ߘߐߓߛߏߟߌ ߢߊ߲߬ߞߐ߬ߓߊߟߌ ߟߋ߬ ߘߌ߫ ߦߏ߫ ߣߎߓߌ߫ ߝߙߎߕߎ ߟߎ߬ ߦߋ߫ ߟߊߞߊ߲ߘߊ߫ ߟߊ߫ ߢߊ ߡߍ߲ ߡߊ߬». ߤߊߞߟߌߣߊ߲ ߣߌ߲߬ ߠߋ߬ ߦߴߊ߬ ߟߊ߫: «ߒߠߋ ߢߣߊ߫߸ ߒ ߧߋ߫ ߘߊߘߝߐߟߊ ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߟߊ߫ ߛߊ߬ߦߊ ߖߊ߬ߕߋ߬ ߟߊ߫ ߟߐ߲ߣߌ߲ߦߊ ߜߘߌ߫ ߟߊߓߊ߯ߙߊ߫ ߓߊߟߌ (ߛߓߍߘߊ) ߘߏ߫ ߖߋ߬ߣߌ߲߬ߣߍ߲ ߠߋ߬ ߘߌ߫» ߛߓߍߘߊ ߞߘߐ߬ߣߍ߲ߎ߳ߣߍߛߑߞߏ ߟߊ߫ ߟߥߊ߬ߟߌ߬ߟߌ߫ ߟߊߘߍ ߝߍ߬ ߁߉߆߂ ߟߊ߫߸ ߊ߬ ߛߎߘߊ߲߫ ߘߊ߫ ߞߐߟߕߊ ߡߍ߲ ߘߐ߫߸ ߊ߬ ߞߊ߬ ߊߡߍߙߌߞߌ߬ ߞߊ߲߬ߜߍ߫ ߓߍ߲ߕߐ߲߬ ߖߋ߬ߓߌ߫߸ ߏ߬ ߡߍ߲ ߞߊ߬ ߊߝߙߌߞߌߞߊ ߟߎ߫ ߖߊ߬ߕߋ߬ ߥߊߟߌߢߌߡߊߟߐ߲ߓߊߟߌ ߘߌ߫߸ ߛߓߍߟߐ߲ߓߊߟߌ ߘߌ߫߸ ߊ߬ ߣߌ߫ ߡߊ߬ߓߌ߬ߟߊ߬ߟߊ ߟߎ߬ ߘߌ߫: «ߒ ߓߍ߲߬ߣߍ߲߫ ߦߴߊ߬ ߡߊ߬ ߞߴߊ߲ ߧߋ߫ ߛߓߍߟߐ߲ߓߊߟߌ ߟߋ߬ ߘߌ߫߸ ߞߏ߬ߣߌ߲߬ ߒ ߡߊ߫ ߓߍ߲߬ ߊ߬ ߡߊ߬ ߞߏ߫ ߊ߲ ߧߋ߫ ߞߏߡߊߓߌߟߊߟߊ ߟߋ߬ ߘߌ߫.«ߒ ߘߍ߬ߢߍ߬ߣߍ߲߫ ߦߋ߫ ߞߏ߫ ߊ߲ ߧߋ߫ ߛߓߍߟߐ߲ߓߊߟߌ ߟߋ߬ ߘߌ߫߸ ߞߏ߬ߣߌ߲߬ ߒ ߡߊ߫ ߛߐ߲߬ ߞߴߊ߲ ߧߋ߫ ߞߏߡߊߓߌߟߊߟߊ ߟߋ߬ ߘߌ߫.«ߒ ߛߐ߲߬ߣߍ߲߫ ߦߋ߫ ߞߴߊ߲ ߧߋ߫ ߛߓߍߟߐ߲ߓߊߟߌ ߟߋ߬ ߘߌ߫߸ ߒ߬ߞߊ߬ ߝߋߎ߫߸ ߒ ߕߍ߫ ߛߐ߲߬ ߞߴߊ߲ ߧߋ߫ ߞߏߡߊߓߌߟߊߟߊ ߟߋ߬ ߘߌ߫. ߘߊߘߝߐߟߌ ߦߋߢߐ߲߯ߠߊ ߟߎ߬ ߘߐ߫߸ ߏ߬ ߟߎ߬ ߥߙߍߓߊߓߊ ߟߋ߬ ߘߐߞߊ߬ߣߍ߲߫ ߦߋ߫ ߦߙߐ ߟߎ߬ ߘߐ߫߸ ߡߍ߲ ߠߎ߬ ߦߋ߫ ߞߎߡߊ߫ ߟߊ߫ ߢߊߝߐߟߌ߫ ߝߘߏ߬ߣߍ߲߬ߢߐ߲߰ߡߊ ߟߎ߬ ߘߐ߫߸ ߦߏ߫ ߟߊߒߡߊ߫ ߘߐ߫ ߦߏ߫ «ߣߌ߫ ߡߐ߬ߓߊ߬ߞߘߐ ߘߏ߫ ߛߊ߬ ߘߊ߫ ߞߏߕߊ߲߫߸ ߏ߬ ߦߋ߫ ߟߋ߬ ߦߏ߫ ߛߓߍߘߊ߫ ߞߋߟߋ߲ ߡߎ߰ߡߍ ߓߊ߯ ߖߋ߬ߣߌ߲߬». ߏ߬ ߛߓߍߦߟߊ ߞߍ߫ ߘߴߊ߬ߟߋ ߖߍ߬ߘߍ ߟߋ߬ ߘߌ߫߸ ߡߍ߲ ߓߌ߬ߟߊ߬ ߘߊ߫ ߛߋ߲߬ߠߊ߫ ߝߘߊ߬ߝߌ߲ ߠߎ߬ ߟߊ߫ ߞߎ߬ߛߊ߲߬ߧߊ߬ߞߏ ߟߎ߬ ߘߎߢߊ߫ ߟߊ߫ ߢߊ߰ߢߊ߮ ߝߍ߬ ߘߊ߬ߞߊ߯ߙߎ߫ ߁߉߆߆ ߟߊ߫߸ ߊ߬ ߓߊ߲߫ ߘߊ߫ ߞߵߊ߬ ߡߙߌߦߊ ߟߊߞߎߘߦߊ߫ ߕߎ߲߯: «ߞߏ߫ ߡߐ߬ߓߊ߬ߞߘߐ ߘߊߘߝߐߟߊ ߘߏ߫ ߛߊ߬ ߘߊ߫ ߞߏߕߊ߲߫߸ ߞߏ߫ ߛߓߍߘߊ߫ ߟߊߓߊ߯ߙߊߓߊߟߌ ߘߏ߫ ߟߋ߬ ߖߋ߬ߣߌ߲߬ߣߍ߲߫ ߦߴߏ߬ ߘߌ߫» ߊ߬ ߟߊ߫ ߢߊߦߌߘߊߟߌ – «ߘߊߘߝߐߟߌ ߝߙߋ ߜߍߞߟߐ» – ߏ߬ ߘߏ߲߬ ߘߊ߫ ߝߘߊ߬ߝߌ߲߬ߠߊ߫ ߛߊ߲߬ߘߊ ߟߎ߬ ߛߝߊ ߘߐ߫ ߊ߬ ߣߌ߫ ߤߊ߲ߔߊߕߍ߬ ߓߊ ߕߐ߯ߟߊ߫ ߘߴߏ߬ ߘߐ߫ ߡߎ߬ߕߎ߲߫ ߞߏ߫ «ߡߐ߬ߓߊ߬ߞߘߐ߫ ߛߓߍߘߊ». ߟߊ߬ߞߋ߲߬ߛߎ߬ߟߌ ߣߌ߫ ߞߐߟߊߝߊ߲߁߉߇߅ ߟߊ߫߸ ߝߊ߬ߙߊ߲߬ߛߌ߫ ߘߎ߲ߓߎ ߞߊ߬ ߊߡߊߘߎ߫ ߤߊ߲ߔߊߕߍ߬ ߓߊ ߞߙߍߞߙߍ߫ ߝߊ߬ߙߊ߲߬ߛߌ߬ߞߊ߲ ߥߊߘߌߜߍ ߞߐ߲ߘߐ߲ ߠߊ߫ ߊ߬ ߟߊ߫ ߗߋߘߊ߫ ߢߊ߬ߣߍ߲ ߞߏߛߐ߲߬ ߝߊ߬ߙߊ߲߬ߛߌ߬ߞߊ߲ ߞߐߞߊ߲߬. ߁߉߇߄ ߠߊ߫߸ ߊߝߙߌߞߌ߬ ߝߘߊ߬ߝߌ߲߫ ߡߟߋߞߎߦߊ ߞߐ߲ߘߐ߲ ߘߌ߫ ߘߴߊ߬ ߡߵߊ߬ ߟߊ߫ ߥߊ߲߬ߜ߭ߍߙߍ߲߫ ߞߏ߫ ߟߏ߲ߟߊ߲ ߞߏߛߐ߲߬ ߊߡߊߘߎ߫ ߤߊ߲ߔߊߕߍ߬ ߓߊ ߖߎ߬ߓߌߟߊ (fondation) ߘߏ߫ ߡߊߘߍ߬ߡߍ߲߫ ߘߊ߫ ߞߘߏߥߊߙߌ߫ ߞߎ߲߬ߠߊ߬ߛߌ߮ ߟߎ߬ ߓߟߏ߫߸ ߏ߬ ߟߊߘߊ߲߫ ߘߊ߫ ߊߓߌߖߊ߲߬߸ ߞߊ߬ ߓߍ߲߬ ߊ߬ ߟߊ߫ ߘߐ߬ߖߊ (vocation) ߡߊ߬߸ ߊ߬ ߜߋ߲ߜߋ߲߫ ߛߊ߫ ߞߵߊ߬ ߟߊ߫ ߝߘߏ߬ߓߊ߬ߗߍ ߘߝߊߣߍ߲ ߠߊߡߊ߲߬ߘߌ߫ ߡߍ߲ ߓߌ߲ߓߌ߲ߣߍ߲߫ ߦߴߊ߬ ߟߊ߫ ߓߟߏߟߊߛߓߍߟߌ ߡߊ߬߸ ߟߊ߬ߥߊ߲߬ߞߊ߬ ߓߊߟߌ ߟߎ߬ ߦߴߊ߬ ߘߐ߫߸ ߕߌߙߌ߲ߠߌ߲ ߠߎ߬ ߣߴߊߡߊߘߎ߫ ߤߊ߲ߔߊߕߍ߬ ߓߊ ߟߊ߫ ߛߓߍߞߘߐ ߟߎ߬. ߓߙߊߘߐߦߊ ߖߐ߯ߙߊ߲ ߘߏ߫ ߟߎ߫ ߞߵߊ߬ߟߎ߬ ߓߌ߲ߓߌ߲߫ ߊߡߊߘߎ߫ ߤߊ߲ߔߊߕߍ߬ ߓߊ ߟߊ߫ ߗߍ߯ߞߏ ߡߊ߬߸ ߊ߬ ߣߌ߫ ߖߊ߯ߓߘߊ ߘߏ߫ ߕߐ߯ߟߊ߫ ߘߴߊ߬ ߟߊ߫ ߘߊ߬ߞߊ߯ߙߎ߫. ߊ߬ ߓߊ߯ߙߊߣߐ ߟߎ߬
ߦߟߌߣߐ ߣߌ߫ ߦߟߌߡߊߛߙߋ ߟߎ߬ |
Portal di Ensiklopedia Dunia
