ߓߛߏߟߊ߲

ߓߛߏߟߊ߲ ߦߋ߫ ߞߎߡߊߘߋ߲ ߠߋ߬ ߘߌ߫ ߞߎߡߊߛߓߏ ߦߋ߫ ߓߛߏ߫ ߟߊ߫ ߡߍ߲ ߠߊ߫ ، ߏ߬ ߞߘߐ߫ ߟߋ߬ ߸ ߞߏ߫ ߊ߬ߟߋ߫ ߟߋ߬ ߞߎߡߊߛߓߏ ߟߊ߫ ߞߏ߫ ߞߍߕߊ ߞߍ߫ ߕߎ߬ߡߊ ߟߎ߬ ߦߌ߬ߘߊ߬ ߟߊ߫، ߞߵߊ߬ ߦߌ߬ߘߊ߬ ߣߴߊ߬ ߞߍߣߍ߲߫ ߞߘߐ ߟߋ߬، ߥߟߴߊ߬ ߞߍߣߍ߲߫ ߞߎߘߊ ߟߋ߬ ߤߊߡߊ߲ ߊ߬ ߞߍ߫ ߟߵߌߘߐ߫، ߥߟߴߊ߬ ߞߍߕߐ߫ ߟߋ߬ ߛߌߛߍ߲߬، ߥߟߴߊ߬ ߘߌ߫ ߞߍ߫ ߞߐߟߊ߫ ߤߊߡߊ߲ߕߍ߫ ߊ߬ ߓߍߣߊ߬ ߞߍ߫ ߕߎ߬ߡߊ߫ ߖߊ߲߫ ߠߋ߬ ߞߐ߫.

ߓߛߏߟߊ߲ ߠߎ߬ ߦߙߌߞߊ ߦߋ߫ ߕߊ߲߫ ߠߋ߬ ߘߌ߫، ߛߋߦߌ߲߫ ߓߌ߬ߟߊ߬ ߟߊ߫ ߞߎߡߊߛߓߏ ߢߍ߫ ߸ ߝߌ߬ߟߊ߬ ߦߋ߫ ߓߌ߬ߟߊ߬ ߟߴߊ߬ ߞߐ߫ ߣߴߌ ߞߊ߬ ߓߛߏߟߊ߲ ߦߙߌߞߊ ߛߋߣߍ߲ ߦߋ߫ ߕߊ߲߫ ߘߐ߫ ߸ ߏ߬ ߟߎ߬ ߟߋ߬ ߞߘߐ߫ ߞߋߟߋ߲߫ ߘߌ߫ ߸ ߘߏ ߟߎ߬ ߝߣߊ߫ ߞߘߐ ߛߎ߬ߘߎ߬ߡߊ߲߫ ߦߋ߫ ߢߐ߲߮ ߠߊ߫.

ߣߴߏ߬ ߕߍ߫ ߸ ߞߎߡߊߛߓߏ ߦߋ߫ ߓߊ߯ߙߊ߫ ߟߊ߫ ߕߎ߬ߡߊ ߛߓߊ߬ ߘߐߙߐ߲߫ ߠߋ߬ ߟߊ߫:

• ߕߊ߬ߡߌ߲߬ߣߍ߲: ߞߏ߫ ߘߝߐߕߊ ߡߍ߲ ߡߍ߲ ߢߊߝߐ ߦߴߌ ߘߴߊ߬ ߞߐ ߘߐ߫߸ ߥߟߊ߫ ߞߏ߫ ߕߊ߬ߡߌ߲߬ߣߍ߲ ߢߊߝߐ;

• ߓߌ߲߬ߺߕߊ: ߡߍ߲ ߞߍ߫ ߦߴߌߘߐ߫ ߞߊ߬ߣߌ߲߬, ߞߊ߬ ߞߏ ߢߊߝߐ߫ ߊ߬ ߕߎ߬ߡߊ߬ ߘߌߡߊ߲ ߠߊ߫ ߥߟߊ߫ ߞߵߊ߬ ߞߍ ߕߴߌ ߘߐ߫ ߞߵߊ߬ ߓߊ߬ߘߏ ߞߍ߫.

• ߟߐ߯ߟߊߟߌ: ߏ߬ ߦߋ߫ ߞߎߡߊ߫ ߘߝߐߝߐߕߊ ߘߝߐ ߟߋ߬ ߘߌ߫߸ ߟߊ߬ߡߍ߲߬ߠߌ߲߬ߠߊ ߟߎ߬ ߦߴߊ߬ ߟߐ߲߫ ߠߊ߫ ߞߏ߫ ߞߏ߫ ߟߐ߯ߟߊߣߍ߲߫ ߘߏ߫ ߟߋ߬ ߢߊߝߐ ߦߴߌ ߘߐ߫ ߣߌ߲߬ ߘߌ߫.

ߓߊ߬ߙߌ߬ ߞߘߐߢߐ߲߮ ߛߌߦߊߡߊ߲߫ ߠߋ߬ ߣߊ߬ ߛߊ߬ߓߊ ߏ߬ ߘߝߊ߫ ߟߊ߫ ߕߊ߲߫ ߠߊ߫ ߕߊ߲߬:

• «ߓߘߊ߫» ߏ߬ ߦߋ߫ ߕߊ߬ߡߌ߲߬ߣߍ߲߫ ߞߎߘߊ ߓߛߏߟߊ߲ ߘߌ߫.

• «ߞߊ߬» ߏ߬ ߦߋ߫ ߕߊ߬ߡߌ߲߬ߣߍ߲ ߞߘߐ ߓߛߏߟߊ߲ ߘߌ߫ ߕߊ߬ߡߌ߲߬ߖߘߍ߬ߟߊ ߘߐ߫.

• «ߘߊ߫» ߏ߬ ߦߋ߫ ߕߊ߬ߡߌ߲߬ߣߍ߲ ߞߘߐ߫ ߓߛߏߟߊ߲ ߘߌ߫ ߘߊ߲߬ߖߘߍ߬ߟߊ ߘߐ߫.

« ߡߍ߲ ߞߏ ߞߍ ߦߴߌߘߐ߫ ߛߌߛߊ߲߬ ߞߏ߬ߣߺߌ߲߬»

• « ߦߋ߫…. ߟߊ߫» ߏ߬ ߦߋ߫ ߓߌ߲߭ߕߊ ߖߍ߬ߘߍߖߍ߬ߘߍ߫ ߘߺߺߌ߫.

• « ߕߐ߫» ߏ߬ ߦߋ߫ ߓߌ߲߭ߕߊ ߞߎߘߍߞߎߘߍ ߘߺߺߌ߫.

• «ߓߍ߫» ߏ߬ ߦߋ߫ ߣߊ߬ߕߐ߬ ߖߏߣߊ ߝߟߐ ߘߌ߫، ߓߊ߬ߙߌ߬ ߸ ߊ߬ ߦߋ߫ ߓߌ߲߬ߕߊ ߟߋ߬ ߘߌ߫ ߓߡߺߊߣߺߊ߲߫ ߞߊ߲ ߘߐ߫.

• « ߘߌ߫» ߦߋ߫ ߣߊ߬ߕߐ߬ ߖߏߣߊ ߝߌߟߊߣߊ߲ ߘߌ߫،ߊ߬ ߣߌ߫ « ߓߍ߫» ߦߋ߫ ߞߘߐ߫ ߞߋߟߋ߲߫ ߠߋ߬ ߘߌ߫، ߓߡߊߣߊ߲ ߦߋ߫ ߓߍ߫ ߟߋ߬ ߝߐ߫ ߟߴߊ߬ߟߋ߬ ߢߐ߲߮ ߘߌ߫ ߞߘߊߎ߫.

• « ߓߍߣߊ߬» ߏ߬ ߦߋ߫ ߓߍ߫ ߣߊ߬ߕߐ߬ ߖߊ߲߫ ߠߋ߬ ߘߌ߫، ߟߐ߯ߟߊߟߌ ߖߊ߲ ߞߊ߬ߣߌ߲߬.

• « ߘߌߣߊ߬» ߏ߬ ߦߋ߫« ߘߌ߫» ߣߊ߬ߕߐ߬ ߖߊ߲ ߠߋ߬ ߘߌ߫، ߟߐ߯ߟߊߟߌ߫ ߖߊ߲ ߞߊ߬ߣߌ߲߬.

• « ߣߊ߬… ߶ ߏ߬ ߦߋ߫ ߣߊ߬ߕߐ߬ ߖߊ߲ ߠߋ߬ ߘߌ߫ ߟߊ߬ߘߛߍ߬ ߓߟߏ ߡߊ߬.
• « ߓߍߣߊ߬» ߣߌ߫« ߘߌߣߊ߬» ߟߊߘߛߍߣߍ߲ ߞߊ߬ߣߌ߲߬، ߓߺߊ، ߊ߬ ߦߋ߫ ߓߌ߬ߟߊ߬ ߟߴߏ߬ ߝߌ߬ߟߊ ߓߍ߯ ߟߋ߬ ߣߐ߭ ߘߐ߫، ߦߏ߫ ߕߊ߲߬:
• «  ߒ ߓߍߣߊ߬ ߕߊ߯، ߥߟߊ߫ ߒ ߘߌߣߊ߬ ߕߊ߯، ߤߊߡߊ߲ߕߍ߫ ߒ ߣߊ߬ ߕߊ߯ ߶» ߏ߬ ߛߊ߬ߓߊ ߓߍ߯ ߦߋ߫ ߞߘߐ߫ ߞߋߟߋ߲߫ ߠߋ߬ ߘߌ߫.