ߛߏ߬ߦߌ߬ߟߊ߫ߛߏ߬ߦߌ߬ߟߊ߫ ߦߋ߫ ߖߊ߰ߣߍ߫ ߛߏ ߟߋ߬ ߘߌ߫߸ ߡߍ߲ ߠߎ߬ ߓߐߣߍ߲߫ ߦߋ߫ ߓߊߕߍ߫ ߣߝߊ߬ߖߌ߫ ߞߊ߬ ߦߌ߬ߙߌ߲߬ߘߌ߫ ߞߊ߬ ߥߴߊ߬ߟߎ߫ ߛߌ߰ ߦߋ߲߬. ߊ߬ߟߋ ߦߋ߫ ߓߊߕߍ߫ ߣߝߊ߬ߖߌ߫ ߡߙߊ߬ߘߊ߰ߘߎ߯ߟߊ ߟߋ߬ ߘߐ߫߸ ߦߋ߲߬ ߡߍ߲ ߝߣߊ߫ ߦߋ߫ ߞߊ߲ߞߊ߲߫ ߡߙߊ߬ߓߊ߰ߘߊ ߣߌ߫ ߞߊ߲ߞߊ߲߫ ߕߌ߲߬ߞߎߘߎ߲ ߠߎ߬ ߘߐ߫. ߓߐߕߏ߲ ߦߴߊ߬ ߣߌ߫ ߞߐ߭ߝߌ߬ߟߊ߬ߣߍ߲߫ ߕߍ߫ ߞߐ߬ߘߎ߮ ߘߐ߫߸ ߓߊߞߏ߲ߞߏߛߌ߬ߛߋ߬ߟߊ߫ ߕߍ߫ ߥߙߏ߬ߘߎ߮ ߘߐ߫߸ ߜߍ߲߬ߛߏ߫ ߕߍ߫ ߕߟߋ߬ߓߋ ߘߐ߫߸ ߊ߬ ߣߌ߫ ߘߎ߰ߕߌ߬ߟߊ߬ߓߊ߫ ߕߍ߫ ߕߟߋ߬ߓߋ ߘߐ߫. ߞߎߘߍ߫ ߞߋߟߋ߲߫ ߠߋ߬ ߦߋ߫ ߛߏ߬ߦߌ߬ߟߊ߫ ߣߌ߫ ߛߌ߯ߙߌ߲߫ ߣߌ߫ ߞߊ߲ߞߊ߲߫ ߕߍ ߛߌߟߓߊ ߕߍ߫߸ ߊ߬ ߦߋ߫ ߛߌߟߊ ߕߟߋ߬ߓߐ ߟߋ߬ ߘߐ߫[߁]. ߘߐ߬ߝߐߛߏߦߌ߬ߟߊ߫ ߘߐ߬ߝߐ ߟߐ߲ߣߍ߲߫ ߕߍ߫ ߒߠߋ ߓߟߏ߫ ߡߎߣߎ߲߬߸ ߊ߬ ߞߏ߬ߣߌ߲ ߟߐ߲ߣߍ߲߫ ߦߋ߫ ߞߴߊ߬ߟߎ߫ ߓߐ߫ ߘߊ߫ ߓߊߕߍ߫ ߣߝߊ߬ߖߌ߫ ߟߋ߬ ߞߊ߬ ߦߌ߬ߙߌ߲߬ߘߌ߫ ߦߋ߲߬…. ߝߐߟߌߟߊ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߝߐߢߐ߲߯ߞߐ ߟߋ߬ ߘߏ߲߬ ߘߊ߫ ߞߊ߬ߓߊ ߟߎ߬ ߣߌ߫ ߖߊ߰ߣߍ ߟߎ߬ ߕߍ߫߸ ߏ߬ ߟߋ ߞߍ߫ ߘߊ߫ ߝߐߢߐ߲߯ߞߐ߫ ߓߊ߫ ߘߌ߫߸ ߝߏ߫ ߖߊ߰ߣߍ ߟߎ߬ ߡߐߣߍ߫ ߘߊ߫ ߞߊ߬ ߥߊ߫ ߛߌ߰ߦߙߐ ߢߌߣߌ߲߫ ߓߊߞߏ߲ߞߏߛߌߛߋߟߞߊ ߟߎ߬ ߟߊ߫. ߏ߬ ߟߋ ߦߴߊ߬ ߞߍ߫ ߟߊ߫ ߖߊ߰ߣߍ ߝߊ߬ߓߏ߲߬ ߛߌ߫ ߦߋ߫ ߣߝߊ߬ߖߌ߫߸ ߊ߬ ߝߊ߲߬ߓߊ ߓߍ߯ ߦߋ߫ ߛߏ߬ߦߌ߬ߟߊ߫. ߕߏ߯ߘߊ ߟߎ߬ߕߏ߯ߘߊ߫ ߘߏ߫ ߟߎ߫ ߦߋ߫ ߛߏ߬ߦߌ߬ߟߊ߫ ߟߊ߫߸ ߏ߬ ߘߏ߫ ߟߎ߫ ߟߋ߬ ߦߴߊ߬ ߣߐ߬ߘߎ߮ ߟߎ߬ ߘߌ߫ ߝߣߊ߫: ߘߎ߰ߕߌ߬ߟߊ߬ߓߊ߫ ߘߎ߰ߕߌ߬ߟߊ߬ߣߍ߲߫ ߞߐ߬ߓߙߐ߬ߣߍ߲ ߖߌ߰ߣߍ߲ߘߐ ߕߌ߬ߢߍ߬ߞߐ߫؟ ߣߊߡߎ߲ ߣߌ߫ ߟߐ߲ߣߌ߲ߦߊ ߟߎ߬ߣߊߡߎ߲߫ ߞߋߟߋ߲߫ ߔߋߛߊ߫ ߟߋ߬ ߦߋ߫ ߛߏ߬ߦߌ߬ߟߊ߫ ߛߏ ߞߣߐ߫߸ ߏ߬ ߟߋ ߦߋ߫ ߛߌ߬ߟߡߊ߬ߦߊ ߘߌ߫. ߞߏ߬ߣߌ߲߬ ߞߊ߬ ߓߍ߲߬ ߟߏ߲ߟߊ߫ ߠߊߖߌߦߊ ߡߊ߬߸ ߟߏ߲ߟߊ߲ ߘߏ߫ ߟߎ߫ ߣߊ߬ߣߍ߲߫ ߘߌ߫ ߞߍ߫ ߝߘߊ߬ߝߌ߬ߣߊ߫ ߘߌ߯ߣߊ߫ ߞߘߐߓߊ ߘߴߊ߬ߟߎ߫ ߝߍ߬. ߘߏ߲߬ߛߏ ߟߎ߬ ߦߋ߫ ߛߏ߬ߦߌ߬ߟߊ߫߸ ߒ߬ߞߵߊ߬ߟߎ߫ ߦߴߊ߬ ߛߣߍ߬ߓߏ߲߬ߘߊ ߟߎ߬ ߟߋ߬ ߘߐ߫ ߓߘߍߞߍ߭[߂]߸ ߏ߬ ߟߎ߬ ߦߋ߫ ߡߊ߲߬ߘߋ߲߬ߓߏ߬ߙߌ߫ ߟߊ߫ ߟߊ߲߬ߘߊ ߟߎ߬ ߡߊߓߎ߬ߢߊ߬ ߟߊ߫߸ ߣߊߟߌ߬ߡߎ߲߫ ߘߊ߲߬ߞߎ߲߬ߛߐ ߣߌ߫ ߖߌߓߐ߲ ߣߌ߫ ߛߌ߲߬ߓߏ߲߬ߛߌ߮ ߟߎ߬ ߘߌ߫߸ ߊ߬ ߣߌ߫ ߜߟߏ߬ߡߊ߬ߓߏ߲ ߠߎ߬ ߣߌ߫ ߛߙߍߥߊ߫[߃] ߘߌߡߊ߲߫ ߞߋ߬ߟߋ߲߬ ߞߋߟߋ߲ ߠߎ߬. ߦߟߌߡߊߛߙߋ ߟߎ߬ |
Portal di Ensiklopedia Dunia
