ߝߏߘߋߞߊߙߌߦߊ߫ (ߓߊ߬ߟߌ߬ߡߊ߲߰ߠߊ߫)

ߝߏߘߋߞߊߙߌߦߊ߫ (ߓߊ߬ߟߌ߬ߡߊ߲߰ߠߊ߫)

ߖߌ߬ߣߍ߫ ߡߙߊ߬ߘߊ߰ߘߎ߯ߟߊ

ߟߊߝߟߐߕߎߡߊ	߁߆ ߕߙߊߓߊ 2021
ߖߡߊ߬ߣߊ߫	ߖߌ߬ߣߍ߫
ߕߌ߲߬ߞߎߘߎ߲	ߞߊ߲ߞߊ߲߫ ߕߌ߲߬ߞߎߘߎ߲
ߘߎ߰ߡߊ߬ߛߓߍ ߛߌ߰ߝߏ߲	߁߀°߁߈′߁߅″N ߉°߂߁′߅߆″W

ߓߊ߬ߟߌ߬ߡߊ߲߰ߠߊ߫ ߝߏߘߋߞߊ߯ߙߎߦߊ߫ ߦߋ߫ ߖߌ߬ߣߍ߬ ߛߏ ߣߴߊ߬ ߡߙߊ߬ߘߊ߬ߘߎ߯ߟߊ ߘߏ߫ ߟߋ߬ ߘߌ߫߸ ߡߍ߲ ߦߋ߫ ߞߊ߲ߞߊ߲߫ ߕߌ߲߬ߞߎߘߎ߲^[߁] ߘߐ߫^[߂].

ߊ߬ ߘߎ߰ߓߊ ߟߋ߬ ߦߋ߫ ߓߊ߬ߟߌ߬ߡߊ߲߰ߠߊ߫ ߝߏߘߋߞߊ߯ߙߎߦߊ߫ ߘߌ߫.

ߘߐ߬ߝߐ

ߓߙߋߕߋ ߟߎ߬ ߟߋ߬ ߞߊ߬ ߟߎ߬ ߟߋ߬ ߞߊ߬ ߝߏߘߋߞߊߙߌߦߊ߫ ߜߍ߲߭ ߕߍ߰߸ ߊ߬ߟߎ߫ ߥߟߌ߬ ߘߊ߫ ߦߙߐ߫ ߞߋߟߋ߲ ߡߍ߲ ߘߐ߫ ߞߊ߬ ߦߋ߲߬ ߡߊߜߍ߲߫߸ ߊ߲ ߡߴߏ߬ ߟߐ߲߫ ߡߎߣߎ߲߬. ߊ߬ߟߎ߫ ߣߊ߬ ߘߊ߫ ߛߌ߰ߦߌߟߊ ߢߌߣߌ߲߫ ߓߊߞߏ߲ߞߏߞߘߐߞߊ ߟߎ߬ ߟߋ߬ ߟߊ߫߸ ߏ߬ ߟߎ߬ ߝߣߊ߫ ߞߵߊ߬ߟߎ߫ ߟߊ߫ ߛߏ ߞߐ߬ߘߎ߰ߝߊ߲ ߘߴߊ߬ߟߎ߫ ߡߊ߬߸ ߊ߬ߟߎ߬ ߝߣߊ߫ ߞߊ߬ ߦߋ߲߬ ߕߐ߯ߟߴߊ߬ߟߎ߫ ߟߊ߫ ߡߐ߰ߓߊ ߟߊ߫߸ ߡߍ߲ ߕߐ߯ ߕߘߍ߬ ߞߏ߫ ߝߏߘߋ߫ ߞߊ߯ߙߎ߫߸ ߞߊ߬ ߞߐߣߙߊ ߟߊ (ߦߊ) ߟߴߊ߬ ߞߊ߲߬ ߞߵߊ߬ ߝߏߘߋߞߊ߯ߙߎߦߊ߫ ߘߌ߫. ߊ߬ߟߎ߬ ߕߏ߫ ߘߊ߫ ߛߌ߭ ߏ߬ ߟߋ ߘߐ߫ ߦߋ߲߬߸ ߏ߬ ߓߍ߲߬ ߘߊ߫ ߞߙߏ߬ߡߊ ߘߏ߫ ߟߎ߫ ߣߊ߭ ߡߊ߬߸ ߊ߬ߟߎ߫ ߞߊ߬ ߛߌ߰ߦߙߐ ߘߴߏ߬ ߟߎ߫ ߡߊ߬߸ ߊ߬ߟߎ߫ ߘߍ߬ ߘߊ߫ ߛߊ߫ ߞߊ߬ ߛߏ ߟߊߛߓߊ߬ߕߌ߫^[߃].

ߞߙߏ߬ߡߊ ߡߍ߲ ߠߎ߬ ߦߋ߫ ߛߌ߱ ߘߐ߫ ߝߏߘߋߞߊߙߌߦߊ߫߸ ߏ߬ ߟߎ߫ ߣߊ߬ߣߍ߲߫ ߦߋ߫ ߞߊ߬ ߓߐ߫ ߞߛߊߡߊߛߌ߬ ߟߋ߬߸ ߓߊߏ߬ ߝߊ߬ߞߏߟߌ߫ ߞߍ ߡߍ߲ ߞߍ߫ ߞߛߊߡߊߛߌ ߞߎ߲߬ߠߊ߬ߛߌ߰ߟߊ ߘߌ߫߸ ߡߊ߲߬ߘߋ߲߫ ߞߙߏ߬ߡߊ ߟߎ߬ ߛߌߦߊߡߊ߲߫ ߠߎ߫ ߥߊ߫ ߘߴߊ߬ ߣߐ߬ߟߊ߫ ߦߋ߲߬, ߊ߬ ߟߊ߫ ߛߊ߬ߦߊ ߞߐ ߟߋ߬ ߘߐ߫ ߛߊ߫߸ ߦߋ߲߬ ߛߌ߮ ߡߊ߫ ߓߍ߲߬ ߏ߬ ߟߎ߫ ߡߊ߬. ߞߙߏ߬ߡߊ ߏ߬ ߟߎ߫ ߥߟߌ߬ ߘߊ߫ ߦߋ߲߬ ߛߊ߰ߖߌ ߘߏ߫ ߘߌ߫߸ ߞߙߋ߫ ߥߐ߯ߙߐ߫ ߟߋ߬ ߕߘߍ߬ ߦߴߏ߬ ߡߊ߬߸ ߛߴߊ߬ߟߎ߫ ߓߴߊ߬ߟߎ߫ ߛߌ߰ ߕߍ ߡߍ߲ ߘߐ߫߸ ߊ߬ߟߎ߬ ߘߴߏ߬ ߞߴߊ߬ߟߎ߫ ߟߊ߫ ߛߘߊߞߊ ߘߌ߫ ߦߋ߲߬.

ߊ߬ߟߎ߫ ߣߊ߬ ߘߴߊ߬ߟߎ߫ ߟߊ߫ ߛߊ߰ߖߌ ߏ߬ ߟߋ ߘߌ߫ ߤߊ߲߯ ߖߋ߬ߟߌ߬ߓߊ߬ߞߘߐ߫߸ ߏ߬ ߟߎ߫ ߞߊ߬ ߛߌ߰ߟߌ ߢߌߣߌ߲߫ ߊ߬ߟߎ߫ ߝߍ߬ ߞߊ߬ ߞߢߊ߬ ߊ߬ߟߎ߫ ߟߊ߫ ߕߍ߲ߕߍߘߍ߲߫߹ ߊ߬ߟߎ߬ ߡߊ߫ ߛߐ߲߬ ߛߌ߰ߟߌ ߡߊ߬ ߡߍ߲ ߞߍ߫߸ ߞߏ߫ ߒ߬ߓߊ߬ ߊߟߎ߫ ߦߋ߫ ߘߌ߬ߢߍ߬ ߊ߲ ߧߴߊߟߎ߫ ߟߊ߫ ߛߘߊߞߊ ߓߐ߫ ߦߊ߲߬߸ ߊ߬ߟߎ߬ ߡߊ߫ ߛߐ߲߬ ߏ߬ ߡߊ߬ ߡߍ߲ ߞߍ߫߸ ߦߋ߲߬ ߡߊ߲߬ߛߊ߬ߞߍ ߞߵߊ߬ ߝߐ߫ ߞߏ߫ ߒ߬ߓߊ߬ ߊߟߎ߫ ߞߵߊ߬ߟߎ߫ ߛߐ߲߬߸ ߊ߬ߟߎ߫ ߞߵߊ߬ߟߎ߫ ߓߊ߲߬߸ ߊ߬ ߘߌ߫ ߓߐ߫ ߦߊ߲߬, ߏ߬ ߛߘߊߞߊߓߐ ߓߊ߲ߣߍ߲߸ ߊ߬ߟߎ߫ ߞߊ߬ ߛߌߟߊ ߕߊ߬ ߞߊ߬ ߥߴߊ߬ߟߎ߫ ߦߋ߫.

ߊ߬ߟߎ߫ ߛߋߣߍ߲ ߝߏߘߋߞߊߙߌߦߊ߫߸ ߦߋ߲߬ߞߊ ߟߎ߬ ߝߣߊ߫ ߞߊ߬ ߛߌ߰ߟߌ ߢߌߣߌ߲߫ ߊ߬ߟߎ߫ ߝߍ߬߸ ߊ߬ߟߎ߫ ߞߵߊ߬ ߝߐ߫ ߞߴߊ߬ߟߎ߫ ߕߴߊ߬ߟߎ߫ ߛߌ߰ ߟߊ߫ ߡߐ߱ ߝߍ߬߸ ߏ߬ ߟߎ߫ ߞߵߊ߬ߟߎ߫ ߢߌ߬ߣߌ߲߬ߞߊ߫ ߞߴߊߟߎ߫ ߕߴߊߟߎ߫ ߛߌ߰ ߟߊ߫ ߟߋ߬ ߓߊ߰ ߊߟߎ߫ ߕߴߊߟߎ߫ ߛߌ߰ ߟߊ߫ ߡߐ߱ ߟߋ߬ ߝߍ߬؟ ߊ߬ߟߎ߫ ߞߊ߲߫ ߞߴߊ߬ߟߎ߫ ߕߴߊ߬ߟߎ߫ ߛߌ߰ ߟߊ߫ ߡߐ߱ ߟߋ߬ ߝߍ߬߸ ߏ߬ ߟߎ߫ ߞߵߊ߬ ߝߐ߫ ߞߏ߫ ߒ߬ߓߊ߬ ߊߟߎ ߦߴߊߟߎ߫ ߛߌ߰ ߊ߲ ߠߎ߬ ߘߴߊ߲ ߛߌ߰ ߊߟߎ ߝߍ߬.

ߏ߬ ߟߋ ߞߍ߫ ߘߊ߫ ߓߙߋߕߋ ߟߎ߬ ߥߌ߬ߟߌ ߘߌ߫ ߡߐ߰ߓߦߊ߬ ߜߟߏ ߘߐ߫ ߞߵߊ߬ߟߎ߫ ߟߊߛߌ߰ ߏ߬ ߣߐ߭ ߘߐ߫߸ ߏ߬ ߟߋ ߝߣߊ߫ ߞߍ߫ ߘߊ߫ ߛߏߕߌ߯ߦߊ ߓߐ ߘߌ߫ ߓߙߋߕߋߟߊ߫ ߞߊ߬ ߦߟߍ߬ߡߊ߲߫ ߞߙߏ߬ߡߊ߬ߟߊ߫߸ ߏ߬ ߟߋ ߕߍ߯ߓߍ߲ ߣߌ߫ ߞߊ߲ߓߍ߲ ߦߴߊ߬ߟߎ߬ ߟߊ߫ ߛߏ ߞߣߐ߫^[߄].

ߊ߬ ߞߍ߫ ߘߊ߫ ߡߙߊ߬ߘߊ߬ߘߎ߯ߟߊ ߘߌ߫ ߕߙߊߓߊ ߁߆ ߟߋ߬ ߟߊ߫ ߂߀߂߁ ߠߊ߫. ߊ߬ ߕߘߍ߬ ߦߋ߫ ߓߊߕߍ߫ ߣߝߊ߬ߖߌ߫ ^[߅]ߟߋ߬ ߘߐ߫ ߞߘߐ߬ߡߊ߲߫.

ߓߊ߬ߟߌ߬ߡߊ߲߰ߠߊ߫ ߝߏߘߋߞߊ߯ߙߎߦߊ߫ ߛߏ߯ߙߏߣߍ߲߫ ߦߋ߫ ߞߊ߬ߝߏ߬ߙߋ߲߫ ߛߊ߬ߓߊ߫ ߟߋ߬ ߘߌ߫.

• ߖߌ߯ߓߊ ߞߎߦߊߕߍ߫ ߖߌ߬ߣߍ߫ ߢߊ߬ߙߊ ^[߆]

1. ↑ ߞߊ߲ߞߊ߲߫ ߕߌ߲߬ߞߎߘߎ߲ ߡߊߝߟߍ߫ ߓߊ߫
2. ↑ [߁] ߞߎߡߘߊ ߣߌ߲߬ ߘߟߊߡߌ߬ߘߊ߬ߣߍ߲߫ ߦߋ߫ ߝߊ߬ߙߊ߲߬ߛߌ ߥߞߌߔߋߘߌߦߊ ߟߋ߬ ߡߊ߬
3. ↑ ߘߝߐ߬ߦߊ߬ߟߊ ߟߎ߬ ߓߍ߲߬ߣߍ߲߫ ߦߋ߫ ߞߎߡߊ ߣߌ߲߬ ߡߊ߬߸ ߘߎߡߊ߫ ߕߍ߫ ߛߏߞߣߐ߫ ߡߐ߮ ߟߎ߬ ߖߍ߬ߘߍ ߡߊ߬
4. ↑ ߕߍߕߍ߮ ߣߌ߲߬ ߞߎߡߊ ߟߎ߬ ߦߋ߫ ߛߟߏ߬ߡߊ߯ߣߊ߫ ߞߊ߲ߕߍ߫ ߟߊ߫ ߞߊ߬ߝߊ ߘߏ߫ ߘߐ߫ ߞߏ߫ ߡߊ߲߬ߘߋ߲߫ ߘߐ߬ߝߐ߸ (ߞߐߜߍ ؟)
5. ↑ ߓߊߕߺߍ߫ ߣߝߊ߬ߖߺߌ߫ ߞߊ߬ߝߏ߬ߙߋ߲߬ ߠߎ߬ ߘߐߜߍ߫
6. ↑ ߛߏߡߊ߫ ߖߋߟߌ