Amadèu Ièr d'Espanha

Amadèu I d'Espanha, nomenat «el Rey Caballero»^[1] (en italian: Amedeo Ferdinando Maria di Savoia;^[2] Turin, Itàlia, lo 30 de mai de 1845 – Turin, lo 18 de genièr de 1890), foguèt rei d'Espanha del 2 de genièr de 1871 fins al 11 de febrièr de 1873. Unic monarca d'Espanba eissit de l'Ostal de Savòia, èra lo segond filh de Victor Emanuèl II, rei d'Itàlia, e de Maria Adelaïda d'Absborg.

Après la Revolucion de 1868, Isabèl II d'Espanha se refugièt a París. Lo nòu govèrn espanhòl redigèt la Constitucion de 1869 e chausèt, per vòte, lo 16 de novembre de 1870, Amadèu de Savòia coma rei d’Espanha. Mentretant, la Guèrra Carlista perdurava. Amadèu escapèt a una tentativa d'assassinat lo 19 de julhet de 1872. Amb son abdicacion lo 11 de febrièr de 1873, la Primièra Republica foguèt proclamada.

Maridatge e descendéncia

En 1867, maridèt sa cosina Maria Victoria del Pozzo. Aguèron tres mainatges:

Emanuèl Filibèrt, duc d'Aosta
Victor Emanuèl, comte de Turin
Loís Amedèu, duc dels Abruçes.

Après la mòrt prematura de sa primièra esposa l'8 de novembre de 1876 e un long periòde de veusatge, Amedèu se marida l'11 de setembre de 1888 a Turin amb sa neboda, la princessa francesa Marie-Laetitia Bonaparte, filha de sa sòrre, Maria Clotilda de Savòia. Aguèron un filh: Umbèrt de Savòia-Aosta.

Titulatura

30 de mai de 1845 – 18 de genièr de 1890: Sa Altesa Reiala lo duc d'Aosta.
2 de genièr de 1871 – 11 de febrièr de 1873: Sa Majestat lo rei d'Espanha.

Armas


Escut d'armas del duc d'Aosta (1845–1890)	Escut d'armas del rei d'Espanha (1871–1873)^[3]

Nòtas e referéncias

↑ Varvaro Pojero, Francesco (1882). A traverso la Spagna (en italian). Barcelona: Fratelli Treves, p. 304.
↑ van Kerrebrouck, Patrick; Brun, Christophe (2004). La maison de Bourbon (1256-2004). vol. 2, p. 547.
↑ Barrios, Feliciano; Alavarado Planas, Javier (2023). «El escudo de Amedeo de Saboya y de la Primera República». A: El escudo de España. Sanz y Torres, p. 156–157. ISBN 9788418316968.