Placa tectonica

Una placa tectonica o litosferica es una de las parts mobilas que forman lo segond jaç pus superficial de la Tèrra (la litosfèra). Aquelas placas forman un mosaïc en forma de copacap e son en movement de contunh a causa dels corrents convectius del mantèl superior. Las placas litosfericas subrenadan sus una capa pastosa nomenada astenosfèra que s'estend fins una prigondor de 250 quilomètres.

La tectonica de las placas es la teoria qu'explica l'estructura e dinamica de la superfícia de la Tèrra. Establís que la litosfèra, la porcion superiora pus freda e rigida de la Tèrra, es fragmentada en una seria de placas que se desplaçan sul mantèl terrèstre. Aquela teoria descriu tanben lo movement de las placas, las siás direccions e interaccions. La litosfèra terrèstra es dividida en 12 grandas placas e en divèrsas placas mendres o microplacas. A la broa de las placas se concentra activitat sismica, volcanica e tectanica. Aquò dona luòc a la formacion de grandas cadenas e concas.

Placa tectonica

Portal di Ensiklopedia Dunia