Provença-Aups-Còsta d'Azur

Provença-Aups-Còsta d'Azur

Provence-Alpes-Côte d'Azur (fr)
(Bandiera)
Nom oficiau	Provence-Alpes-Côte d'Azur (fr)[1]
Administracion
Capitala	Marselha
• Autras lengas	occitan (provençau, vivaroaupenc), ligur
Politica
• President de conselh regional	Renaud Muselier (2017–)
Geografia
44° N, 6° E
Estat	França
Division territoriala francesa	França metropolitana
Superfícia	31 400 km²
Ponch culminant	Barra daus Escrinhs
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	5 170 312[2] ab. (1 de genièr de 2022 )
• Densitat	164,66 ab./km²
Autras informacions
ISO 3166-2	FR-PAC
Sit web	maregionsud.fr

Provença-Aups-Còsta d'Azur (PACA) o Provença-Alps-Còsta d'Azur (nom oficiau)^[3] o ben la region de Provença (forma corta), es una region administrativa e una collectivitat territoriala de l'estat francés que se tròba tota en Occitània e que coïncidís aperaquí amb la region istorica de Provença (lo nom francés es Provence-Alpes-Côte-d'Azur: ne fan l'abreviacion PACA, qu'una part de la populacion e dau movement occitanista considèra coma una forma despersonalizanta, tecnocratica e non istorica, de desconselhar). Dempuèi 2018 lo consèu regionau utiliza tanben la denominacion "région Sud" encara mai despersonalizanta. Es pasmens pas reconeissut per la prefectura de region.^[4]

Ten lei departaments seguents: Auts Aups, Aups d'Auta Provença, Aups Maritims, Var, Vauclusa e lei Bocas de Ròse.

Lo capluòc es Marselha. Son còdi INSEE es 93. Lo gentilici es provençau -ala (var. provençal -ala).

La circonscripcion d'accion regionala de Provença-Còsta d'Azur-Corsega es creada pel decret n°60-516 dau 2 de junh de 1960. Ten lei departaments seguents: Auts Aups, Aups d'Auta Provença, Aups Maritims, Bocas de Ròse, Corsega, Var e Vauclusa. Son còdi INSEE es 92. Lo decret n° 70-18 dau 12 de genièr de 1970 dessepara la circonscripcion en doas: Provença-Còsta d'Azur (còdi INSEE 93) e Corsega (còdi INSEE 94). En 1972, ven un establiment public regionau (lei n°72-619 dau 5 de julhet de 1972). Lo nom es cambiat en Provença-Aups-Còsta d'Azur pel decret n°76-722 del 2 d'agost de 1976. Finalament, ven una collectivitat territoriala mercé a la « lei Deferre » (lei n°82-213 dau 2 de març de 1982), a partir de las eleccions regionalas de 1986.

1. ↑ Afirmat dins: Code officiel géographique au 1er janvier 2020. Autor: Institut Nacional de l'Estatistica e dels Estudis Economics. Lenga: francés. Data de publicacion: 29 de setembre de 2020.
2. ↑ Afirmat dins: Populations légales 2022. Ostal d'edicion: Institut Nacional de l'Estatistica e dels Estudis Economics. Lenga: francés. Data de publicacion: 19 de decembre de 2024.
3. ↑ Dins l'occitan locau de la region, existan lei doas formas "Aups" e "Alps" (aquesta darriera se ditz en niçard e dins una partida de l'aupenc).
4. ↑ “Selon la préfecture, « l’appellation "Région Sud" n’est effectivement pas officielle. Selon les dispositions de l’article L4121-1 du Code général des collectivités territoriales, le nom d’une région est modifié par décret en Conseil d’Etat après consultation du conseil régional et des conseils départementaux intéressés ». Or, la demande de changement de nom n’a pas été déposée auprès du Conseil d’Etat par le conseil régional. ”, Adrien Max, "Paca: Pourquoi Renaud Muselier prend des risques avec l’appellation «Région Sud»?", 20 Minutes, 26 de març de 2019.

v · m Divisions administrativas de primièr nivèl en Occitània
Espanha: Comunautat autonòma	Catalonha
Itàlia: Regions	Calàbria  · Ligúria  · Piemont
França: Regions	Auvèrnhe-Ròse-Aups • Centre-Vau de Léger • Nòva Aquitània • Occitània (region administrativa) • Provença-Aups-Còsta d'Azur
Mónegue: Estat	Mónegue