Wikipèdia:Bòt

Presentacion dels bòts

Aqueste article es un tèxt informatiu de Wikipèdia en occitan. Malgrat qu'aqueste document siá pas una politica e de las linhas directrises, descriu las practicas establidas de la comunautat en tèrmes de nòrmas de Wikipèdia. Miralha lo consensus o l'examèn de la comunautat dins una certana mesura.

Los bòts (abreviacion de robòts) son d'agents automatics o semiautomatics qu'interagisson amb Wikipèdia coma o fa un utilizaire lambda mas per de prètzfaches repetitius e fastidioses per un uman.

Los bòts se pòdon utilizar per generar d'articles. D'autres se pòdon utilizar per editar o quitament destruire d'articles. Cèrts bòts son especializats dins la gestion dels ligams d'interlenga, la resolucion de las omonimias o encara las operacions sus las categorias.

De bòts plan concebuts pòdon aportar un benefici concret a Wikipedia. Çaquelà, perque lo sistèma es pas estat concebut per suportar de bòts, quitament un bon bòt pòt aver d'efièches segondaris indesirables.

Requèstas Categorias

Argumentacion

Beneficis que los bòts presentan

Fornisson un bon modèl de donadas preformatadas pels contributors.
Fornisson potencialament una ressorsa unica qu'es pas dirèctament accessibla sul web.
Permeton de metre a jorn automaticament d'informacions coma una lista d'articles recents suls portals o d'efectuar de prètzfaches repetitius coma per exemple importar un grand nombre d'imatges.

Efièches segondaris inerents a l'utilizacion dels bòts dins lo sistèma actual

Ajustar a Wikipedia de desenas de milions d'entradas que son pas prèp d'èsser modificadas per un Wikipedian.
Aumenta artificialament l'activitat percebuda de Wikipedia.
Pòt èsser percebuda coma d'usurpacion de las tòcas de Wikipèdia, d'una enciclopèdia a una gaseta per exemple.
Dangièr d'abús per de «bòts vandals» o simplament de bòts errants. Un bòt incontrolable pòt potencialament causar una carga servidor importanta o quitament un atac DOS.
Planhs a prepaus d'interferéncias amb las operacions normalas dels contributors

Règlas d'utilizacion dels bòts

La lista actualizada automaticament de totes los Bots registrats per data de la darrièra activitat menada a tèrme es presenta en aquela pagina.

Tipologia

Se destria dos tipes de bòts

lo bòt utilizat de biais temporari e a escala pichona. Aqueste tipe de bòt pòt èsser utilizat dirèctament jol compte de l'utilizaire. Se recomanda a l'utilizaire de far "fòrt" atencion. En cas de problèma (derapatge del bòt), lo compte d'utilizaire poirà èsser blocat per un sysop ;
lo bòt a usatge frequent e escala granda. Çò que seguís concernís aqueste tipe de bòt.

Demarcha

Primièrament, un bòt deu èsser autorizat per que se pòsca utilizar. Per suggerir un trabalh susceptible d'èsser complit per un bòt, sometètz vòstra requèsta e metètz un mot a la tavèrna se la requèsta es importanta.

Lo creator de bòt deu demostrar que:

Lo bòt es util.
Lo bòt es sens dangièr.
Lo bòt satura pas lo servidor.
Lo bòt es estat aprovat per qualqu'un.

Verificacion

Dins l'ideal, se deuriá totjorn verificar amb un sysop o un desvolopaire abans d'utilizar lo bòt. Cal que lo bòt siá pro lent per que las errors pòscan èsser detectadas rapidament e corregidas pels autres abans que cause de damatges.

Segondament, lo bòt deu tanben far sos cambiaments coma un utilizaire loggat que pòt èsser contactat en cas de problèma. Un bòt deu poder èsser arrestat a tot moment per un sysop quin que siá.

Se demanda de crear un compte d'utilizaire independent, e de far enregistrar aqueste compte d'utilizaire jos un estatut de bòt. Aquò pòt èsser fach pels m:stewards sus meta.

Estatut de bòt

Se dèu far una demanda per la validacion d'un bòt novèl, dirigissètz-vos sus la pagina Wikipèdia:Bòt/Estatut. Se la requèsta es acceptada, lo proprietari del bòt pòt demandar lo bòt flag sus meta.

Validacion d'un bòt novèl

Se deu far una demanda sus la pagina Wikipèdia:Bòt/Estatut. Se la requèsta es acceptada, lo proprietari del bòt pòt demandar lo bòt flag sus meta.

Recomandacions

Ajust del sufixe bòt a la fin del nom

Per permetre als utilizaires de destriar melhor los robòts dels simples utilizaires, es desirable de causir un nom que s'acabe per la sillaba "bòt". Recipròcament, dins Ajuda:compte utilizaire, se demanda als simples utilizaires de defugir aquesta sillaba.

Aparicion dins los darrièrs cambiaments

Amb l'estatut de bòt, las contribucions del bòt apareisseràn pas automaticament dins los Darrièrs cambiaments. Çaquelà, es possible de veire lors contribucions en activant l'opcion «afichar los robòts».

De mai, se desconselha de levar las foncions de temporizacion dels bòts coma los sleep presents dins PyWikipedia. Quitament se los darrièrs cambiaments apareisson pas dins la lista abituala, es totjorn possible d'observar lo comportament dels bòts (via IRC) e los blocar en cas de modificacions en rafala. Una diminucion dels temps d'espèra se pòt envisatjar fins a un periòde rasonable (ie. cada 15 a 45 segondas). PyWikipedia per exemple prepausa un tal paramètre (vejatz minthrottle e maxthrottle dins config.py).

Acuèlh dels novèls venguts

L'utilizacion d'un bòt es de proscriure per aqueste trabalh. Es preferible de conservar un ajust manual dels bendèls per privilegiar los contributors serioses.

Ligams extèrns