ବିଶ୍ୱନାଥ ଅଗ୍ରୱାଲା

ଇଂରାଜୀ ଲିଙ୍କ

https://or.wikipedia.org/wiki/B._N._Agrawal

ବିଶ୍ୱନାଥ ଅଗ୍ରୱାଲା (ଜନ୍ମ ୧୫ ଅକ୍ଟୋବର ୧୯୪୪) ଭାରତୀୟ ସର୍ବୋଚ୍ଚ ନ୍ୟାୟାଳୟର ପୂର୍ବତନ ବିଚାରପତି । ସେ ନଭେମ୍ବର ୧୯୮୬ରେ ପାଟନା ଉଚ୍ଚନ୍ୟାୟାଳୟରେ ବିଚାରପତି ଭାବେ କାର୍ଯ୍ୟ ଆରମ୍ଭ କରିଥିଲେ । ପରେ, ସେ ନଭେମ୍ବର ୧୯୯୯ରେ ଓଡ଼ିଶା ଉଚ୍ଚନ୍ୟାୟାଳୟର ମୁଖ୍ୟ ବିଚାରପତି ହୋଇଥିଲେ। ସେ ୧୯ ଅକ୍ଟୋବର ୨୦୦୦ରେ ଭାରତର ସର୍ବୋଚ୍ଚ ନ୍ୟାୟାଳୟରେ ବିଚାରପତି ଭାବେ ନିଯୁକ୍ତ ହୋଇଥିଲେ ଏବଂ ୨୦୦୯ରେ କାର୍ଯ୍ୟରୁ ଅବସର ଗ୍ରହଣ କରିଥିଲେ ।^[୧][୨] ସେ ୨୦୧୪ରେ ରାଷ୍ଟ୍ରୀୟ ନ୍ୟାୟୀକ ନିଯୁକ୍ତି ଆୟୋଗ ଆଇନର ବିରୋଧ କରିଥିଲେ, ଯାହା ବିଚାରପତିମାନଙ୍କୁ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ସ୍ଥାନାନ୍ତର କରିପାରିଥାନ୍ତା । ଏହି ପ୍ରସଙ୍ଗରେ ସେ କହିଥିଲେ,^[୩]

“If Judiciary is finished, democracy will be finished. This bill (National Judicial Appointments Commission) affects the independence of the judiciary, there is no doubt about it. The way Governors are being transferred to Mizoram, the Chief Justices and judges of the HCs will be transferred to newly created HCs in North East. No judge will be able to pass strong orders."

(ଏହାର ଓଡ଼ିଆ ମର୍ମାନୁବାଦ:

"ନ୍ୟାୟପାଳିକା ସମାପ୍ତ ହୋଇଗଲେ ଲୋକତନ୍ତ୍ର ମଧ୍ୟ ସମାପ୍ତ ହୋଇଯିବ। ଏହି ବିଧେୟକ (ଜାତୀୟ ନ୍ୟାୟିକ ନିଯୁକ୍ତି ଆୟୋଗ) ନ୍ୟାୟପାଳିକାର ସ୍ୱାଧୀନତାକୁ ପ୍ରଭାବିତ କରୁଛି, ଏହାର କୌଣସି ସନ୍ଦେହ ନାହିଁ। ଯେପରି ଭାବେ ରାଜ୍ୟପାଳମାନଙ୍କୁ ମିଜୋରାମକୁ ସ୍ଥାନାନ୍ତର କରାଯାଉଛି, ଉଚ୍ଚନ୍ୟାୟାଳୟର ମୁଖ୍ୟ ବିଚାରପତି ଏବଂ ବିଚାରପତିମାନଙ୍କୁ ମଧ୍ୟ ଉତ୍ତର ପୂର୍ବର ନୂତନ ଉଚ୍ଚନ୍ୟାୟାଳୟକୁ ସ୍ଥାନାନ୍ତର କରାଯିବ । କୌଣସି ବିଚାରପତି ସଠିକ ତଥା ନ୍ୟାୟୋଚିତ ଆଦେଶ ଜାରୀ କରିପାରିବେ ନାହିଁ" ।)

ଅଗ୍ରୱାଲଙ୍କ ଜନ୍ମ ୧୯୪୪ ମସିହାରେ ହୋଇଥିଲା । ସେ ଏଲଏଲବି ପାସ୍ କରି ୧୯୯୬ରେ ପାଟନା ଉଚ୍ଚନ୍ୟାୟାଳୟରେ ଓକିଲାତି ଜୀବନ ଆରମ୍ଭ କରିଥିଲେ। ସେ ପ୍ରଧାନତଃ ଦେୱାନୀ ଏବଂ ସାମ୍ବିଧାନିକ ବିଷୟରେ ଓକିଲାତି ପେଷା ଆରମ୍ଭ କରିଥିଲେ । ସେ ୧୭ ନଭେମ୍ବର ୧୯୮୬ରେ ପାଟନା ଉଚ୍ଚନ୍ୟାୟାଳୟର ବିଚାରପତି ଭାବେ ନିଯୁକ୍ତ ହୋଇଥିଲେ । ଅଗ୍ରୱାଲ ନଭେମ୍ବର ୧୯୯୯ରେ ଓଡ଼ିଶା ଉଚ୍ଚନ୍ୟାୟାଳୟର ମୁଖ୍ୟ ବିଚାରପତି ହୋଇଥିଲେ । ତା'ପରେ ସେ ୧୯ ଅକ୍ଟୋବର ୨୦୦୦ରେ ଭାରତୀୟ ସର୍ବୋଚ୍ଚ ନ୍ୟାୟାଳୟର ବିଚାରପତି ପଦକୁ ପଦୋନ୍ନତ ହୋଇଥିଲେ ।^[୪]

ସେପ୍ଟେମ୍ବର ୨୦୧୭ରେ, ଭାରତୀୟ ଜାତୀୟ ଅନୁସନ୍ଧାନ ବ୍ୟୁରୋ (CBI)ଦ୍ୱାରା ଏହା ଅଭିଯୋଗ ହୋଇଥିଲା ଯେ ଅଗ୍ରୱାଲ ଲକ୍ଷ୍ନୌର ପ୍ରସାଦ ଇନ୍‌ଷ୍ଟିଟ୍ୟୁଟ୍ ଅଫ୍ ମେଡିକାଲ ସାଇନ୍ସକୁ ତାଙ୍କ ପକ୍ଷରେ ଉପଯୁକ୍ତ ରାୟ ପାଇବାରେ ସହାୟତା କରିବାକୁ ବଡ଼ ପରିମାଣର ଅନୈତିକ ଟଙ୍କା ଗ୍ରହଣ କରିଥିଲେ।^[୫] ସେ ବିଷୟର ତଦନ୍ତ କରିବା ପାଇଁ ସର୍ବୋଚ୍ଚ ନ୍ୟାୟାଳୟଦ୍ୱାରା ଜଣେ ବିଶେଷ ତଦନ୍ତ ଦଳ ଗଠନ କରାଯାଇଥିଲା ।^[୬][୭]