ਕੌਰ ਚੰਦ ਰਾਹੀ

ਕੌਰ ਚੰਦ ਰਾਹੀ ਪੰਜਾਬ ਦੇ ਮਾਲਵੇ ਦਾ ਕਿੱਸਾ ਕਵੀ ਤੇ ਗਲਪਕਾਰ ਹੋਇਆ ਹੈ। ਉਸ ਦਾ ਜਨਮ 4 ਅਗਸਤ 1920 ਨੂੰ ਉਸਦੇ ਨਾਨਕਾ ਪਿੰਡ ਚੰਦ ਭਾਨ ਵਿਖੇ ਹੋਇਆ। ਲੇਖਕ ਦਾ ਆਪਣਾ ਪਿੰਡ ਧੌਲਾ ਹੈ। ਧੌਲਾ ਪਿੰਡ ਨਾਭਾ ਰਿਆਸਤ , ਜਿਲ੍ਹਾ ਸੰਗਰੂਰ ਵਿੱਚ ਪੈਂਦਾ ਹੈ। ਕੌਰ ਚੰਦ ਰਾਹੀ ਨੂੰ ਮਾਲਵੇ ਵਿੱਚ 'ਕਬਿੱਤਾਂ ਵਾਲੇ ਕਵੀ ' ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਲੇਖਕ ਨੇ ਆਪਣੀਆਂ ਰਚਨਾਵਾਂ ਵਿੱਚ ਬਹੁਤ ਸਾਰੇ ਛੰਦਾਂ ਦੋਹਿਰਾ , ਬੈਂਤ ,ਕਬਿੱਤ, ਕੋਰੜਾ,ਕੁੰਡਲੀਆਂ ਆਦਿ ਦੀ ਵਰਤੋਂ ਕੀਤੀ ਹੈ। ਕੌਰ ਚੰਦ ਰਾਹੀ ਦੀ ਰਚਨਾ 'ਮਾਲਕੋਂਸ ' ਨੂੰ ਪੰਜਾਬੀ ਸਾਹਿਤ ਅਕਾਦਮੀ ਦਿੱਲੀ ਵੱਲੋਂ ਸਰਵੋਤਮ ਰਚਨਾ ਦਾ ਐਵਾਰਡ 1985 ਵਿੱਚ ਮਿਲਿਆ । ਪੰਜਾਬੀ ਸਾਹਿਤ ਅਕਾਦਮੀ ਚੰਡੀਗੜ੍ਹ ਨੇ 1991 ਵਿੱਚ ਕੌਰ ਚੰਦ ਰਾਹੀ ਨੂੰ ਸਨਮਾਨਿਆ।