ਗੀਤ ਚਤੁਰਵੇਦੀ

ਗੀਤ ਚਤੁਰਵੇਦੀ
ਗੀਤ ਚਤੁਰਵੇਦੀ
ਜਨਮ	27 ਨਵੰਬਰ 1977 (ਉਮਰ 47); ਮੁੰਬਈ, ਭਾਰਤ
ਕਿੱਤਾ	ਕਵੀ, ਕਹਾਣੀਕਾਰ, ਪੱਤਰਕਾਰ ਅਤੇ ਅਨੁਵਾਦਕ
ਰਾਸ਼ਟਰੀਅਤਾ	ਭਾਰਤੀ
ਪ੍ਰਮੁੱਖ ਅਵਾਰਡ	ਮਦਰ ਇੰਡੀਆ ਕਵਿਤਾ ਲਈ ਵਰਸ਼ 2007 ਦਾ ਭਾਰਤ ਭੂਸ਼ਣ ਅਗਰਵਾਲ ਪੁਰਸਕਾਰ।

ਗੀਤ ਚਤੁਰਵੇਦੀ (ਜਨਮ 27 ਨਵੰਬਰ 1977, ਮੁੰਬਈ, ਮਹਾਰਾਸ਼ਟਰ) ਪ੍ਰਸਿੱਧ ਹਿੰਦੀ ਕਵੀ, ਕਹਾਣੀਕਾਰ ਅਤੇ ਨਾਵਲਕਾਰ ਹੈ। ਉਸਨੂੰ 2007 ਵਿੱਚ ਕਵਿਤਾ ਦਾ ਭਾਰਤ ਭੂਸ਼ਣ ਅਗਰਵਾਲ ਪੁਰਸਕਾਰ ਮਿਲਿਆ ਸੀ।^[1] ਉਹ ਭੋਪਾਲ, ਭਾਰਤ ਵਿੱਚ ਰਹਿੰਦਾ ਹੈ। ਉਹ ਇੱਕ ਗਲਪ ਲੇਖਕ ਅਤੇ ਆਲੋਚਕ ਦੋਨਾਂ ਵਜੋਂ ਸਰਗਰਮ ਹੈ। 2011 ਵਿੱਚ, ਇੰਡੀਅਨ ਐਕਸਪ੍ਰੈਸ ਨੇ ਉਸਨੂੰ ਭਾਰਤ ਦੇ 'ਦਸ ਸਰਵੋਤਮ ਲੇਖਕਾਂ' ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ।^[2] ਉਸ ਦੀਆਂ ਕਵਿਤਾਵਾਂ ਦਾ ਦੁਨੀਆਂ ਭਰ ਦੀਆਂ 22 ਭਾਸ਼ਾਵਾਂ ਵਿੱਚ ਅਨੁਵਾਦ ਹੋ ਚੁੱਕਾ ਹੈ। ਉਸਨੇ ਮਹਾਨ ਸਪੈਨਿਸ਼ ਕਵੀ ਪਾਬਲੋ ਨੇਰੂਦਾ ਦੇ ਕੰਮ ਦਾ ਹਿੰਦੀ ਵਿੱਚ ਅਨੁਵਾਦ ਕੀਤਾ।

ਚਤੁਰਵੇਦੀ 2010 ਵਿੱਚ ਕਾਵਿ ਸੰਗ੍ਰਹਿ ਅਲਾਪ ਮੈਂ ਗਿਰਾਹ, 2017 ਵਿੱਚ ਨਿਊਨਤਮ ਮੈਂ, ਅਤੇ 2019 ਵਿੱਚ ਖੁਸ਼ੀਆਂ ਕੇ ਗੁਪਤਚਰ ਸਮੇਤ ਗਿਆਰਾਂ ਕਿਤਾਬਾਂ ਦੇ ਲੇਖਕ ਹਨ। ਉਸਨੇ 2010 ਵਿੱਚ ਨਾਵਲਾਂ ਦੇ ਦੋ ਸੰਗ੍ਰਹਿ, ਸਾਵੰਤ ਆਂਟੀ ਕੀ ਲੜਕੀਆਂ ਅਤੇ ਪਿੰਕ ਸਲਿਪ ਡੈਡੀ ਵੀ ਪ੍ਰਕਾਸ਼ਤ ਕੀਤੇ। ਨਾਵਲ "ਪਿੰਕ ਸਲਿਪ ਡੈਡੀ" ਨੂੰ ਸਾਹਿਤਕ ਅਖ਼ਬਾਰ ਕਥਾਦੇਸ਼ ਦੁਆਰਾ ਸਮਕਾਲੀ ਹਿੰਦੀ ਲੇਖਣੀ ਵਿੱਚ ਗਲਪ ਦੀਆਂ ਸਭ ਤੋਂ ਵਧੀਆ ਰਚਨਾਵਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਸੀ।^[3]