ਮਨਮੋਹਨ ਸਿੰਘ (ਫ਼ਿਲਮ ਨਿਰਦੇਸ਼ਕ)

ਮਨਮੋਹਨ ਸਿੰਘ
ਮਨਮੋਹਨ ਸਿੰਘ
ਜਨਮ	ਮਨਮੋਹਨ ਸਿੰਘ; ਨੇਜਾ ਡੇਲਾ ਕਲਾਂ, ਸਿਰਸਾ ਜ਼ਿਲਾ, ਹਰਿਆਣਾ;
ਰਾਸ਼ਟਰੀਅਤਾ	ਭਾਰਤੀ
ਹੋਰ ਨਾਮ	ਮਾਨ ਜੀ
ਪੇਸ਼ਾ	ਫ਼ਿਲਮ ਨਿਰਦੇਸ਼ਕ, ਸਿਨਮੈਟੋਗ੍ਰਾਫਰ, ਪਾਇਨੀਅਰਿੰਗ ਡਾਇਰੈਕਟਰ
ਸਰਗਰਮੀ ਦੇ ਸਾਲ	1970s-ਮੌਜੂਦ
ਲਈ ਪ੍ਰਸਿੱਧ	ਸਿਨੇਮਾਟੋਗ੍ਰਾਫੀ, ਦਿਸ਼ਾ ਨਿਰਦੇਸ਼
ਜ਼ਿਕਰਯੋਗ ਕੰਮ	ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ, ਜੀ ਆਇਆ ਨੂੰ;

ਮਨਮੋਹਨ ਸਿੰਘ ਪੰਜਾਬੀ ਫ਼ਿਲਮਾਂ ਦੇ ਨਿਰਦੇਸ਼ਕ ਹਨ ਅਤੇ ਬਾਲੀਵੁੱਡ ਫ਼ਿਲਮਾਂ ਦੇ ਸਿਨੇਮਾਟੋਗ੍ਰਾਫਰ ਹਨ। ਉਹ ਅਕਸਰ ਯਸ਼ ਚੋਪੜਾ ਨਾਲ ਮਿਲਦੇ ਸਨ, ਜਿਸ ਲਈ ਉਹਨਾਂ ਨੇ ਚਾਂਦਨੀ (1989), ਡਰ (1993), ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ (1995), ਦਿਲ ਤੋ ਪਾਗਲ ਹੈ (1997) ਅਤੇ ਮੁਹੱਬਤੇਂ (2000) ਨੂੰ ਸ਼ੂਟ ਕੀਤਾ। ਇੱਕ ਸਿਨੇਮਾਟੋਗ੍ਰਾਫਰ ਦੇ ਤੌਰ 'ਤੇ ਉਹਨਾਂ ਦੇ ਬਾਲੀਵੁੱਡ ਕੈਰੀਅਰ ਤੋਂ ਇਲਾਵਾ, ਉਹਨਾਂ ਨੂੰ ਪੰਜਾਬੀ ਸਿਨੇਮਾ ਵਿੱਚ ਪਾਇਨੀਅਰੀ ਡਾਇਰੈਕਟਰ ਵੀ ਕਿਹਾ ਜਾਂਦਾ ਹੈ।^[1] ਉਸਨੇ ਆਪਣੀ ਪਹਿਲੀ ਹਿੰਦੀ ਫ਼ਿਲਮ ਪਹਿਲਾ ਪਹਿਲਾ ਪਿਆਰ ਨੂੰ 1994 ਵਿੱਚ ਨਿਰਦੇਸ਼ਿਤ ਕੀਤਾ ਅਤੇ 2003 ਵਿੱਚ ਪਹਿਲੀ ਪੰਜਾਬੀ ਫ਼ਿਲਮ ਜੀ ਆਇਆ ਨੂੰ ਨਿਰਦੇਸ਼ਿਤ ਕੀਤਾ।^[2]

ਸ਼ੁਰੂਆਤੀ ਜ਼ਿੰਦਗੀ ਅਤੇ ਕਰੀਅਰ

ਮਨਮੋਹਨ ਸਿੰਘ ਦਾ ਜਨਮ ਪਿੰਡ ਨੇਜਾਡੇਲਾ ਕਲਾਂ, ਜ਼ਿਲ੍ਹਾ ਸਿਰਸਾ, ਹਰਿਆਣਾ ਵਿਚ ਹੋਇਆ ਸੀ। ਉਸ ਦਾ ਪਹਿਲਾ ਵੱਡਾ ਪ੍ਰੋਜੈਕਟ ਸਨੀ ਦਿਓਲ, ਦੀ ਪਹਿਲੀ ਫ਼ਿਲਮ ਬੇਤਾਬ ਸੀ। ਉਸ ਤੋਂ ਬਾਅਦ, ਉਸ ਨੇ 1990 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਲੇਕਿਨ, ਲਮਹੇਂ, ਚਾਲਬਾਜ਼ ਵਰਗੀਆਂ ਕਈ ਫ਼ਿਲਮਾਂ ਵਿੱਚ ਕੰਮ ਕੀਤਾ। ਉਹਨਾਂ ਨੇ ਯਸ਼ ਚੋਪੜਾ ਦੀ ਡਰ ਅਤੇ ਚਾਂਦਨੀ ਲਈ ਦੋ ਫ਼ਿਲਮਫੇਅਰ ਅਵਾਰਡ ਜਿੱਤੇ। ਮਨਮੋਹਨ ਸਿੰਘ ਨੇ ਕਈ ਬਾਲੀਵੁੱਡ ਫ਼ਿਲਮਾਂ ਦੇ ਗਾਣੇ ਗਾਏ ਜਿਵੇਂ "ਮੇਰੀ ਪਿਆਰ ਕੀ ਉਮਰ" ਨੂੰ ਵਾਰਿਸ ਤੋਂ, ਜੀਨੇ ਦੇ ਯੇ ਦੁਨਿਆ ਚਾਹੇ ਮਾਰ ਡਾਲੇ (ਲਾਵਾ) 1985 ਵਿਚ ਆਸ਼ਾ ਭੌਂਸਲੇ ਨਾਲ।

2000 ਤੋਂ, ਮਨਮੋਹਨ ਸਿੰਘ ਨੇ ਪੰਜਾਬੀ ਫ਼ਿਲਮਾਂ ਦਾ ਨਿਰਦੇਸ਼ਣਾ ਸ਼ੁਰੂ ਕੀਤਾ। ਉਸ ਦੀ ਪਹਿਲੀ ਪੰਜਾਬੀ ਫ਼ਿਲਮ ਜੀ ਆਇਆ ਨੂੰ 2003 ਵਿੱਚ ਸੀ, ਅਤੇ ਉਸਨੇ ਨਤੀਜੇ ਵਜੋਂ ਦਿਲ ਆਪਣਾ ਪੰਜਾਬੀ, ਮੇਰਾ ਪਿੰਡ ਅਤੇ ਮੁੰਡੇ ਯੂ.ਕੇ. ਦੇ ਵਰਗੀਆਂ ਫ਼ਿਲਮਾਂ ਬਣਾਈਆਂ।