ਮਾਇਲੀ ਸਾਇਰਸ

ਮਾਇਲੀ ਸਾਇਰਸ
ਮਾਇਲੀ ਸਾਇਰਸ
	2013 ਵਿੱਚ, ਮਾਇਲੀ ਜਿੰਗਲ ਬੇਲ ਉੱਪਰ ਅਭਿਨੈ ਕਰਦੀ ਹੋਈ
ਜਨਮ	ਡੇਸਟਨੀ ਹੌਪ ਸਾਇਰਸ; ਨਵੰਬਰ 23, 1992 (ਉਮਰ 32); ਫਰੈਂਕਲਿਨ, ਟੇਨੇਸੀ, ਯੂ.ਐਸ.
ਪੇਸ਼ਾ	ਗਾਇਕਾ; ਗੀਤਕਾਰ; ਅਭਿਨੇਤਰੀ;
ਸਰਗਰਮੀ ਦੇ ਸਾਲ	2001–ਵਰਤਮਾਨ
Parents	ਬਿਲੀ ਰੇ ਸਾਇਰਸ (ਪਿਤਾ); ਟੀਸ਼ਾ ਸਾਇਰਸ (ਮਾਤਾ);
ਰਿਸ਼ਤੇਦਾਰ	ਰਾਨ ਸਾਇਰਸ (ਦਾਦਾ); ਟਰੇਸ ਸਾਇਰਸ (ਵੱਡਾ ਭਰਾ); ਨੋਆਹ ਸਾਇਰਸ (ਛੋਟੀ ਭੈਣ);
	ਸੰਗੀਤਕ ਕਰੀਅਰ
ਵੰਨਗੀ(ਆਂ)	ਪਾੱਪ;
ਸਾਜ਼	ਕੰਠ ਸੰਗੀਤ; ਗਿਟਾਰ; ਪਿਆਨੋ;
ਸਾਲ ਸਰਗਰਮ	2006–ਵਰਤਮਾਨ
ਲੇਬਲ	ਵਾਲਟ ਡਿਜ਼ਨੀ; ਹਾਲੀਵੁਡ; ਆਰਸੀਏ (RCA);
ਵੈਂਬਸਾਈਟ	www.mileycyrus.com

ਮਾਇਲੀ ਰੇ ਸਾਇਰਸ ਇੱਕ ਅਮਰੀਕੀ ਗਾਇਕ, ਗੀਤਕਾਰ, ਅਭਿਨੇਤਰੀ ਅਤੇ ਪਰਉਪਕਾਰੀ ਹੈ। ਮਾਇਲੀ ਦਾ ਜਨਮ ਅਤੇ ਪਾਲਣ-ਪੋਸ਼ਣ ਫਰੈਂਕਲਿਨ, ਟੇਨੇਸੀ ਵਿੱਚ ਹੀ ਹੋਇਆ ਅਤੇ ਇਸਨੇ ਆਪਣੇ ਬਚਪਨ ਵਿੱਚ ਹੀ ਡਾੱਕ ਨਾਂ ਦੇ ਟੇਲੀਵਿਜਨ ਸੀਰੀਜ਼ ਤੇ ਬਿਗ ਫ਼ਿਸ਼ ਫ਼ਿਲਮ ਵਿੱਚ ਕੰਮ ਕੀਤਾ। ਇਸ ਤੋਂ ਬਾਅਦ ਮਾਇਲੀ ਨੇ ਡਿਜ਼ਨੀ ਚੈਨਲ ਉੱਤੇ 2006 ਵਿੱਚ ਆਪਣੇ ਟੇਲੀਵਿਜਨ ਸੀਰੀਜ਼ ਹੈਨਾ ਮੋਂਟੈਨਾ ਲਈ ਕੰਮ ਕੀਤਾ ਜਿਸ ਵਿੱਚ ਇਸਨੂੰ ਆਪਣੇ ਮੁੱਖ ਕਿਰਦਾਰ, ਹੈਨਾ ਸਟੇਵੈਰਟ, ਦੇ ਨਾਂ ਹੇਠ ਬਹੁਤ ਪ੍ਰਸਿਧੀ ਪ੍ਰਾਪਤ ਹੋਈ। ਇਸ ਸੀਰੀਜ਼, ਹੈਨਾ ਮੋਂਟੇਨਾ, ਵਿੱਚ ਮਾਇਲੀ ਦੇ ਪਿਤਾ ਨੇ ਵੀ ਭੂਮਿਕਾ ਅਦਾ ਕੀਤੀ ਹੈ। ਉਸ ਦੇ ਸੰਗੀਤ 'ਚ ਬਹੁਤ ਸਾਰੀਆਂ ਸ਼ੈਲੀਆਂ ਮਿਲਦੀਆਂ ਹਨ, ਜਿਸ ਵਿੱਚ ਪੌਪ, ਕੰਟਰੀ ਪੱਪ ਅਤੇ ਹਿੱਪ ਹੌਪ ਸ਼ਾਮਲ ਹਨ। ਸਾਇਰਸ ਦੀ ਨਿੱਜੀ ਜ਼ਿੰਦਗੀ, ਜਨਤਕ ਚਰਿਤਰ ਅਤੇ ਪ੍ਰਦਰਸ਼ਨਿਆਂ ਨੇ ਅਕਸਰ ਵਿਵਾਦ ਪੈਦਾ ਕੀਤਾ ਅਤੇ ਵਿਆਪਕ ਮੀਡੀਆ ਕਵਰੇਜ ਪ੍ਰਾਪਤ ਕੀਤੀ। ਬਾਲਗ ਅਵਸਥਾ ਵਿੱਚ ਉਸ ਨੂੰ ਸਭ ਤੋਂ ਸਫਲ ਮਨੋਰੰਜਕ ਕਲਾਕਾਰ ਮੰਨਿਆ ਜਾਂਦਾ ਹੈ ਜੋ ਇੱਕ ਬਾਲ ਸਿਤਾਰੇ ਵਜੋਂ ਉੱਭਰੀ। ਕਈ ਪੁਰਸਕਾਰਾਂ ਅਤੇ ਨਾਮਜ਼ਦਗੀਆਂ ਵਿੱਚ, ਸਾਇਰਸ ਨੂੰ ਸਾਲ 2008 ਅਤੇ 2014 ਦੋਵਾਂ ਵਿੱਚ ਟਾਈਮ 100 ਦੀ ਸੂਚੀ 'ਚ ਸ਼ਾਮਲ ਕੀਤਾ ਗਿਆ ਸੀ, ਜਿਸ ਨੂੰ ਐਮ.ਟੀ.ਵੀ. ਦਾ ਆਰਟਿਸਟ ਆਫ਼ ਦਿ ਈਅਰ ਘੋਸ਼ਿਤ ਕੀਤਾ ਗਿਆ ਸੀ, ਅਤੇ ਉਹ ਬਿਲਬੋਰਡ ਦੀ ਚੋਟੀ ਦੀਆਂ 125 ਕਲਾਕਾਰਾਂ ਦੇ ਆਲ ਟਾਈਮ ਦੀ ਸੂਚੀ ਵਿੱਚ 62ਵੇਂ ਸਥਾਨ 'ਤੇ ਸੀ।

ਸਾਇਰਸ ਦਾ ਜਨਮ ਟੇਨੇਸੀ ਦੇ ਫਰੈਂਕਲਿਨ ਦੇ ਸੰਗੀਤ ਗਾਇਕ ਬਿਲੀ ਰੇਅ ਸਾਇਰਸ ਦੀ ਇੱਕ ਧੀ ਹੈ। ਉਹ ਡਿਜ਼ਨੀ ਚੈਨਲ ਦੀ ਟੈਲੀਵਿਜ਼ਨ ਲੜੀ "ਹੈਨਾ ਮੋਂਟਾਨਾ" (2006–2011) ਦੇ ਸਿਰਲੇਖ ਦੇ ਰੂਪ ਵਿੱਚ ਇੱਕ ਕਿਸ਼ੋਰ ਕੁੜੀ ਦੀ ਭੂਮਿਕਾ ਨਿਭਾਈ, ਜਿਸ ਦੁਆਰਾ ਮੀਡੀਆ ਫ੍ਰੈਂਚਾਈਜ਼ੀ ਰਾਹੀਂ ਉਸ ਨੇ ਯੂ.ਐਸ ਬਿਲਬੋਰਡ 200 ਉੱਤੇ ਦੋ ਨੰਬਰ-ਇੱਕ ਅਤੇ ਤਿੰਨ ਚੋਟੀ ਦੇ ਦਸ ਸਾਊਂਡਟ੍ਰੈਕਸ, ਅਤੇ ਚੋਟੀ ਦੇ 10 ਯੂ.ਐਸ ਬਿਲਬੋਰਡ ਹਾਟ 100 'ਤੇ ਸਿੰਗਲ "ਹੀ ਕੁੱਡ ਬੀ ਦ ਇਕ" ਪ੍ਰਾਪਤ ਕੀਤੇ। ਸਾਇਰਸ ਦੀ ਡਿਸਕੋਗ੍ਰਾਫੀ ਵਿੱਚ ਯੂ.ਐਸ ਦੀ ਨੰਬਰ ਇੱਕ ਐਲਬਮ "ਮੀਟ ਮਾਈਲੀ ਸਾਇਰਸ" (2007), "ਬ੍ਰੇਕਆਊਟ" (2008), ਅਤੇ ਬੈਨਗਰਜ਼ (2013) ਸ਼ਾਮਲ ਹਨ; ਟਾਪ-ਪੰਜ ਰੀਲੀਜ਼ਾਂ "ਕੈਂਟ ਬੀ ਟੈਮਡ" (2010), ਯੰਗਰ ਨਾਓ, ਅਤੇ "ਸ਼ੀ ਇਜ਼ ਕੰਮਿੰਗ" (2019); ਅਤੇ "ਮਾਈਲੀ ਸਾਇਰਸ ਐਂਡ ਹਰ ਡੈੱਡ ਪੈਟਜ਼" (2015), ਜੋ ਸਾਉਂਡ ਕਲਾਉਡ 'ਤੇ ਮੁਫਤ ਆਨਲਾਈਨ ਸਟ੍ਰੀਮਿੰਗ ਲਈ ਜਾਰੀ ਕੀਤੀ ਗਈ ਸੀ। ਉਸ ਦੇ ਸਿੰਗਲਜ਼ ਵਿੱਚ ਯੂ.ਐਸ ਦੇ ਚੋਟੀ ਦੇ ਦਸ-ਚਾਰਟਿੰਗ "ਸੀ ਯੂ ਅਗੇਨ", "7 ਥਿੰਗਜ਼", "ਦਿ ਕਲਾਇੰਬ", "ਪਾਰਟੀ ਇਨ ਦ ਯੂ.ਐਸ.ਏ", "ਕੈਂਟ ਬੀ ਟੈਮਡ", "ਵੀ ਕੈਂਟ ਸਟੋਪ", "ਮਾਲੀਬੂ", ਅਤੇ ਚਾਰਟ-ਟੌਪਿੰਗ "ਰੈਕਿੰਗ ਬੌਲ" ਸ਼ਾਮਿਲ ਹਨ। ਉਸ ਦੀ ਆਉਣ ਵਾਲੀ ਸੱਤਵੀਂ ਸਟੂਡੀਓ ਐਲਬਮ, "ਸ਼ੀ ਇਜ਼ ਮਾਇਲੀ ਸਾਇਰਸ", ਨੂੰ 2020 ਵਿੱਚ ਜਾਰੀ ਕੀਤੇ ਜਾਣ ਦੀ ਉਮੀਦ ਹੈ। ਕੁਲ ਮਿਲਾ ਕੇ, ਸਾਇਰਸ ਨੇ ਦੁਨੀਆ ਭਰ ਵਿੱਚ 20 ਮਿਲੀਅਨ ਤੋਂ ਵੀ ਜ਼ਿਆਦਾ ਐਲਬਮਾਂ ਅਤੇ 55 ਮਿਲੀਅਨ ਸਿੰਗਲ ਵੇਚੇ ਹਨ।

ਸਾਇਰਸ ਦੀ ਫ਼ਿਲਮੋਗ੍ਰਾਫੀ ਵਿੱਚ ਐਨੀਮੇਟਿਡ ਫਿਲਮ "ਬੋਲਟ" (2008), ਅਤੇ ਫੀਚਰ ਫਿਲਮਾਂ "ਹੈਨਾ ਮੋਂਟਾਨਾ: ਦਿ ਮੂਵੀ" (2009) ਅਤੇ "ਦਿ ਲਾਸਟ ਸੋਂਗ (2010) ਸ਼ਾਮਲ ਹਨ। ਟੈਲੀਵਿਜ਼ਨ 'ਤੇ, ਉਹ 2015 ਐਮ.ਟੀਵੀ ਵੀਡੀਓ ਸੰਗੀਤ ਅਵਾਰਡਜ਼ ਦੀ ਮੇਜ਼ਬਾਨ ਸੀ ਅਤੇ 2011 ਤੋਂ ਤਿੰਨ ਵਾਰ ਸ਼ਨੀਵਾਰ ਨਾਈਟ ਲਾਈਵ ਦੀ ਮੇਜ਼ਬਾਨੀ ਕਰ ਚੁੱਕੀ ਹੈ। ਸਾਇਰਸ ਨੂੰ ਗਾਇਨ ਮੁਕਾਬਲੇ ਦੀ ਟੈਲੀਵਿਜ਼ਨ ਦੀ ਲੜੀ 'ਦਿ ਵਾਇਸ' ਦੇ ਕੋਚ ਵਜੋਂ ਦਰਸਾਇਆ ਗਿਆ ਹੈ; ਉਹ 2016 ਵਿੱਚ ਆਪਣੀ ਸ਼ੁਰੂਆਤ ਤੋਂ ਬਾਅਦ ਸ਼ੋਅ ਦੇ ਦੋ ਸੀਜ਼ਨਾਂ ਵਿੱਚ ਪੇਸ਼ ਹੋਈ। 2019 ਵਿੱਚ, ਉਹ ਤਿੰਨ ਵੱਖ-ਵੱਖ ਨਾਮਾਂ ਨਾਲ ਬਿਲਬੋਰਡ ਚਾਰਟਸ ਵਿੱਚ ਦਾਖਲ ਹੋਣ ਵਾਲੀ ਪਹਿਲੀ ਔਰਤ ਬਣ ਗਈ ਸੀ ਜਿਸ ਦਾ ਪ੍ਰਵੇਸ਼ ਉਸ ਦੇ ਕਿਰਦਾਰ ਐਸ਼ਲੇ ਓ ਦੇ ਤੌਰ ‘ਤੇ ਕੀਤਾ ਗਿਆ ਸੀ, ਉਸ ਨੇ ਇਹ ਕਾਲਪਨਿਕ ਭੂਮਿਕਾ ਟੈਲੀਵਿਜ਼ਨ ਦੀ ਲੜੀ "ਬਲੈਕ ਮਿਰਰ" ਵਿੱਚ ਨਿਭਾਈ ਸੀ।^[1]

ਸਾਇਰਸ ਇੱਕ ਪਸ਼ੂ-ਅਧਿਕਾਰਾਂ ਦੀ ਵਕਾਲਤ ਕਰਨ ਵਾਲੀ ਸਖਸ਼ੀਅਤ ਹੈ, ਅਤੇ 2014 ਵਿੱਚ ਇੱਕ ਸ਼ਾਕਾਹਾਰੀ ਜੀਵਨ ਸ਼ੈਲੀ ਅਪਣਾਈ। ਉਸ ਸਾਲ, ਉਸ ਨੇ ਇੱਕ ਗੈਰ-ਮੁਨਾਫਾ "ਹੈਪੀ ਹਿੱਪੀ ਫਾਉਂਡੇਸ਼ਨ" ਦੀ ਸਥਾਪਨਾ ਕੀਤੀ, ਜੋ ਕਿ ਨੌਜਵਾਨਾਂ ਦੇ ਬੇਘਰ ਅਤੇ ਐਲ.ਜੀ.ਬੀ.ਟੀ. ਕਮਿਊਨਿਟੀ 'ਤੇ ਕੇਂਦ੍ਰਤ ਹੈ।

ਡਿਸਕੋਗ੍ਰਾਫੀ

ਹੈਨਾ ਮੋਂਟਾਨਾ 2: ਮੀਟ ਮਾਇਲੀ ਸਾਇਰਸ (2007)
ਬ੍ਰੇਕਆਉਟ (ਮਾਇਲੀ ਸਾਇਰਸ ਐਲਬਮ) (2008)
ਕੈਂਟ ਬੀ ਟੈਮਡ (2010)
ਬੇਂਗਰਜ਼ (2013)
ਮਾਈਲੀ ਸਾਇਰਸ ਐਂਡ ਹਰ ਡੈੱਡ ਪੈਟਜ਼ (2015)
ਯੰਗਰ ਨਾਓ (2017)
ਸ਼ੀ ਇਜ਼ ਮਾਈਲੀ ਸਾਇਰਸ (2020)

ਫ਼ਿਲਮੋਗ੍ਰਾਫੀ

ਬਿੱਗ ਫਿਸ਼ (2003)
ਹੈਨਾ ਮੋਂਟਾਨਾ ਐਂਡ ਮਾਈਲੀ ਸਾਇਰਸ: ਬੈਸਟ ਆਫ ਬੌਥ ਵਰਲਡਜ਼ ਕਨਸਰਟ (2008)
ਬੋਲਟ (2008)
ਹੈਨਾ ਮੋਂਟਾਨਾ: ਦ ਮੂਵੀ (2009)
ਦ ਲਾਸਟ ਸੋਂਗ (2010)
LOL (2012)
So Undercover (2012)
Miley: The Movement (2013)
The Night Before (2015)
A Very Murray Christmas (2015)
Crisis in Six Scenes (2016)
Guardians of the Galaxy Vol. 2 (2017)

ਟੂਰ

ਇਹ ਵੀ ਦੇਖੋ

ਹਵਾਲੇ

↑ Trust, Gary (June 26, 2019). "Miley, Hannah & Ashley O, Too: 'On a Roll' Adds Another Name to Cyrus' Chart History". Billboard. Retrieved June 27, 2019.

ਹੋਰ ਵੀ ਪੜ੍ਹੋ

Cyrus, Miley; Liftin, Hilary (2009). Miles to Go. Disney-Hyperion Books. ISBN 978-1-4231-1992-0. OCLC 244417637. {{cite book}}: Unknown parameter |lastauthoramp= ignored (|name-list-style= suggested) (help)Miles to Go ਗੂਗਲ ਬੁਕਸ 'ਤੇ.