ਸੋਫ਼ੀਆ ਅਸ਼ਰਫ

ਸੋਫੀਆ ਅਸ਼ਰਫ (ਜਨਮ 1987) ਇੱਕ ਭਾਰਤੀ ਰੈਪਰ ਅਤੇ ਗਾਇਕਾ ਹੈ। ਉਸ ਦੇ ਗੀਤ ਕਾਰਪੋਰੇਸ਼ਨਾਂ ਦੀ ਲਾਪਰਵਾਹੀ ਨੂੰ ਸੰਬੋਧਿਤ ਕਰਦੇ ਹਨ ਜੋ ਉਦਯੋਗਿਕ ਆਫ਼ਤਾਂ ਨੂੰ ਸਾਫ਼ ਕਰਨ ਵਿੱਚ ਅਸਫਲ ਰਹਿੰਦੇ ਹਨ। ਉਸਦਾ 2008 ਦਾ ਗੀਤ ਡੌਟ ਵਰਕ ਫਾਰ ਡਾਓ ਭਾਰਤ ਵਿੱਚ 1984 ਦੇ ਭੋਪਾਲ ਗੈਸ ਤ੍ਰਾਸਦੀ ਦੇ ਪੀੜਤਾਂ ਨੂੰ ਮੁਆਵਜ਼ਾ ਦੇਣ ਵਿੱਚ ਡਾਓ ਦੀ ਅਸਫਲਤਾ ਦੀ ਆਲੋਚਨਾ ਕਰਦਾ ਹੈ। 2015 ਵਿੱਚ, ਉਸਨੇ ਕੋਡਾਈਕਨਾਲ ਵੌਂਟ ਜਾਰੀ ਕੀਤਾ, ਇੱਕ ਬਹੁ-ਰਾਸ਼ਟਰੀ ਉਪਭੋਗਤਾ ਸਮਾਨ ਕੰਪਨੀ, ਯੂਨੀਲੀਵਰ ਦੀ ਮਲਕੀਅਤ ਵਾਲੀ ਇੱਕ ਥਰਮਾਮੀਟਰ ਫੈਕਟਰੀ ਤੋਂ ਕੋਡਾਈਕਨਾਲ ਵਿੱਚ ਪਾਰਾ ਪ੍ਰਦੂਸ਼ਣ ਨੂੰ ਸੰਬੋਧਿਤ ਕਰਦਾ ਇੱਕ ਸੰਗੀਤ ਵੀਡੀਓ ਹੈ।

Iਜੂਨ 2016 ਵਿੱਚ, ਉਸਨੇ "Dow vs. Bhopal: a Toxic Rap Battle" ਰਿਲੀਜ਼ ਕੀਤੀ। ^[1]

ਅਰੰਭਕ ਜੀਵਨ

1987 ਵਿੱਚ, ਸੋਫੀਆ ਅਸ਼ਰਫ ਦਾ ਜਨਮ ਚੇਨਈ, ਤਾਮਿਲਨਾਡੂ ਵਿੱਚ ਇੱਕ ਕੱਟੜ ਮਲਿਆਲੀ ਮੁਸਲਿਮ ਪਰਿਵਾਰ ਵਿੱਚ ਹੋਇਆ ਸੀ। ਸੋਫੀਆ ਚੇਨਈ ਵਿੱਚ ਇੱਕ ਮੁਸਲਿਮ ਨੌਜਵਾਨ ਸਮੂਹ ਦਾ ਹਿੱਸਾ ਸੀ, ਅਤੇ ਉਸਨੇ ਇਸਲਾਮਿਕ ਇਤਿਹਾਸ ਅਤੇ ਦਰਸ਼ਨ ਦਾ ਬੜੀ ਲਗਨ ਨਾਲ ਅਧਿਐਨ ਕੀਤਾ। ਉਸਨੇ ਸਟੈਲਾ ਮਾਰਿਸ ਕਾਲਜ, ਚੇਨਈ ਵਿੱਚ ਗ੍ਰਾਫਿਕ ਡਿਜ਼ਾਈਨ ਦੀ ਪੜ੍ਹਾਈ ਕੀਤੀ, ਜਿੱਥੇ ਉਹ ਪਾਠਕ੍ਰਮ ਤੋਂ ਬਾਹਰ ਦੀਆਂ ਗਤੀਵਿਧੀਆਂ ਵਿੱਚ ਜੋਸ਼ ਨਾਲ ਹਿੱਸਾ ਲੈਂਦੀ ਸੀ। ਉਸਨੇ ਇੱਕ ਕਾਲਜ ਫੈਸਟੀਵਲ ਦੌਰਾਨ ਸਟੇਜ 'ਤੇ ਹਿਜਾਬ ਪਹਿਨ ਕੇ ਆਪਣੇ ਹੀ ਬੋਲਾਂ ਵਿੱਚ ਰੈਪ ਕੀਤਾ ਜਿਸ ਵਿੱਚ ਉਸਨੇ 11 ਸਤੰਬਰ ਦੇ ਹਮਲਿਆਂ ਤੋਂ ਬਾਅਦ ਮੁਸਲਮਾਨਾਂ ਪ੍ਰਤੀ ਲੋਕਾਂ ਦੇ ਰਵੱਈਏ 'ਤੇ ਸਵਾਲ ਉਠਾਏ। ਇਸ ਘਟਨਾ ਤੋਂ ਬਾਅਦ ਪ੍ਰੈਸ ਨੇ ਉਸ ਨੂੰ "ਬੁਰਕਾ ਰੈਪਰ" ਕਿਹਾ। ^[2] ਇਸ ਦੇ ਬਾਵਜੂਦ ਉਸਦੀ ਪਛਾਣ ਹੁਣ ਨਾਸਤਿਕ ਦੀ ਹੈ ਅਤੇ ਉਸ ਦੇ ਕਈ ਟੈਟੂ ਹਨ। ^[3]