barcelona a lizuk

barcelona catalunya a lizuk
aza siljizavan i barcelona a lizuk numasulesulem ka 2015 a caviljan
na tjaivavaw a sihu a kinapangaljan a paljavak	España/sipanya
zuma a ngadan	Ciudad Condal, Ciutat Comtal (City of Counts), Barna, BCN
sepaljavak	Ciutat Vella, ​Eixample,​Sants-Montjuïc, ​Les Corts,​Gràcia, ​Nou Barris, ​Horta-Guinardó, ​Sant Andreu,​Sarrià-Sant Gervasi, Sant Martí
sihu -kamakama -remasudj a kilalaing takakudan a pacaqan	-Ada Colau -catalunya a kimadju a rarasudjan a sihu
pulingetjan nua kadjunangan	803 km² (izua 101.9 km² i vecekadan a lizuk)
kinamamamawan tua vavavan nua gadu	tapuluq sa drusa a maru vavavan tadjekuacan (12m)
caucau -pipenuljatan na caucau -i vecekadan a sikataqaljan -mavalidan	-3,218,071 a caucau -1,621,537 a caucau i vecekadan a hici (2009 a cavilj) -15,991 a caucau/km²
pukeljang a venecikan na takakudan a umaq a sihu	08001–08080
linraku pasa wanlu	www.barcelona.cat

a i Bareseluna（Kinatalanan: Barcelona [bəɾsəˈlonə] , Sinepanian: Barcelona [baɾθeˈlona] ）avan aza a lizuk nua i Tjusekatalan i Sepania. imaza i pasakacedas a viri tua Iberia a ljavuduvudu, aza lizuk nakicevung ta Vaung a Ruma. izua tu kimaya itaiday sa umen puluq a kudravan a caucau imaza i vecekadan tua hici, au izua kimaya lima taiday a kudravan a cuacau imaza i pinaljavakan tua barcelona a penuljat. avan nu sangasangasan a lizuk itua catalunya a kadjunangan. izua seman hulic a kikay, remasudj a kilalaing ta kakudan a gimeng, kutu huing katua tjaljavavavan a kamakama a gimeng nalemingdjelj imaza. ka 1999 a caviljan aza magazin pinaka《國家地理雜誌》na se amilika napiniliq tua aicu a barcelona a kadjunangan masan tua tjara maqati a semamaza a kivangavang itua matja lima puluq a kivangvangan i kacauan.

kasicuayan aicu a barcelona a kadjunangan nalemingdjelj pasa tua sivitai nase Carthage（迦太基 nua aya） ti Hannibal Barca nimadju a kama ti Hamilcar Barca, tazua avan nu kadjunagnan nase mamazangiljan ti comtes de Barcelona katua pinaljavakan nase Aragón a kunian（1035－1707 a caviljan）. lja izua liaw a sicuayan a umaq katua maretimalji a kakudan a kivangvangan imaza i barcelona, tjatjuruvu a caucau tjengelay a mangetjez a remayurangan imaza. manu izua mareka umaq namasan tua sauzayan i kacauan parutua umaq ni Antoni Gaudí katua ni Lluís Domènech i Montaner. ayatua ti Gaudí nasikavaljut katua masengseng imaza, avan sika izua liaw a umaq se Antoni Gaudí parutua Sagrada Família a kiukay, Palau Güell katua Park Güell a kivangvangan. izua sinipukeljang a matja drusa a kinateveteveljan pakatua undu a sakulan a djemakedjaka ta bulu pinaka Barça （Futbol Club Barcelona）katua Reial Club Deportiu Espanyol, au aicu a Barça avan nu tjalja pungadangadan a kinateveteveljan a sakulan a djemakedjaka ta bulu i kacauan.

aza kalevelevan imaza i barcelona avan a 地中海式氣候 nua aya, tjevetjeveng sa maseljec i kaljavuceleljan, au semezam katua tjemetad i kaljazalangzangan. tjaljaljaljeqel nu icigac katua nigac, a ljemita qadaw papamaw a sezaman tu 10℃. saka kedrikedi a semulja i barcelona. nu izua semulja a qadaw, kipuvarung a kiruku. au tjalja semezam nu sicigac katua hacigac, a ljemita qadaw papamaw a sezaman tu 25℃. katjaisangas izua vinecikan tu 38.6℃ a likisi imaza i lizulizuk.

kasicuayan aza roma a caucau nalemingdjelj taicu a kadjunangan, izua kimaya drusa a kuzulj a cavilj patje tucu, mavanga tjaljapukeljangan a hici itua cinalivatan nua se sipanya. izua anan aza milimilingan patjara tua kasicuayan kimaya drusa a kuzulj a cavilj, izua tu ita qadaw, aza sicuacuayan a roma a mareka varukur na djemaljun imaza i ljaviljaving ta ljavek i barcelona, uzai a caucau naljevavaw ta sikamasan sivalj a varukur sa na pennetj a sikavaljut. avan sika tucu a ngadan na kemasi aicu a varukur pinaka "Barca Novena" nase sicuayan a roma a kai. ui angata tu aicu a vecik qivu tu Barcelona a siayaya. mayanaga izua a kai na qivu tu azua ngadan kemasi tua tatekelan ta vawa（BAR）, kalevelevan（CEL）katua viqviq（ONA）matevetevelj aicu a tjelu a vecik. ayatua izua liawliaw a tatekelan imaza i barcelona a lizuk, nu seleman, tjatjurvu a sikataqaljan namaqepu imaza a temekel sa maljavaljavar. au izua bulay angata a qadaw katua qaca a qadaw nu kaljazalangzangan, nu seleman itua pitju a miligan, izua anan a qadaw i vavaw ta kalevelevan, temeljaran aravac angata.